მუნაფური გუმოკოროცხუეფი

მუნაფური გუმოკოროცხუაშ მეტაფორა: რშვილირი ელემენტეფიშ ბუნას, ნამუთ სერვისის უნარღელჸვენან, მახვარებუეფი ვახვილჷნა ინდივიდუალურო გინოწურაფას ვარ-და მართუას; თეშ მანგიორო, ნთელი პროვაიდერიშით გამაგელი აპარატურაშ დო პროგრამული უნარღელჸუაშ ნაკორობა შილებე წიმიბრინუათ, მუჭოთ ამორფული მუნაფა.

მუნაფური გუმოკოროცხუეფი (ინგლ. cloud computing) — გუმაკოროცხალ სიჸონიერეეფწკჷმა მოთხირით ჭირინაფაშ მოდელი, ნამუშით მახვარებუს, სისტემაშ მონწყილობას უშელო ინოკათაფაშ უმუშო, რშვილიშ გიმორინაფათ ჭირინაფა მიაჩამუ კომპიუტერულ რესურსეფშა (სერვერეფი, მუნაჩემეფიშ ოჩუაშეეფი, აპლიკაციეფი, სერვისეფი დო შვა) უჭიჭაში დჷნახარჯეფით დო ბორჯიშ უკუნტაში მუნაკვათის. სმება „მუნაფური გუმოკოროცხუეფი“ თარო გჷმირინუაფუ თიჯგურა მუნაჩემეფიშ ცენტრეფიშ ეიოჭარალო, ნამუეფშათ ჭირინაფა ანდა მახვარებუს უღჷ ინტერნეტიშ მეშქაშობათ. ასეშო რინელი კაბეტი მუნაფეფიშ უმენტაშობაშ ფუნქციეფი გინორთილი აფჷნა ანდა გეოგრაფიულ ორენშა ცენტრალური სერვერეფშე. თიმ შვანეფს, მუჟანსჷთ მახვარებუწკჷმა რსხუ ელაზჷმაფათ ხოლოს რენ, მუნაფა შილებე მოხურგე სერვერო ისხუნუაფუდასჷნ.

გიმორინაფაშჸურე, მუნაფა შილებე ხემიოლუს რდას ხვალენ ართი ორგანიზაციაშ ფარგანეფს (კერზო მუნაფა), ანდა ორგანიზაციაშო (ართამი მუნაფა), ვარ-და ჟირხოლოშ კომბინაცია (ჰიბრიდული მუნაფა).

ლიტერატურა

• (2013) Cloud Computing Law. Oxford University Press. ISBN 978-0-19-967168-7. კითხირიშ თარიღი: 2016-10-13.  Archived 2016-11-08 ვებ-ხასჷლას Wayback Machine.
• (July 2015) „Data Flow Management and Compliance in Cloud Computing“. IEEE Cloud Computing 2 (4): ხს. 24–32. DOI:10.1109/MCC.2015.69. 

რესურსეფი ინტერნეტშის

• შეგილებუნა ქოძირათ მედიაფაილეფი თემაშე „მუნაფური გუმოკოროცხუეფი“ ვიკიოწკარუეს.
• მუნაფური გუმოკოროცხუეფიშ გოსხუნუა