მურხვანტილა

მურხვანტილა თაშნეშე გვერიშ ცურუ (ლათ. Vinca) — ჩანარეფიშ გვარ ქენდირიშობურეფიშ ფანიაშე. ანდაწანიან დიხას გოფაჩილ ოდიარე რე. უღჷ აწმორინე, შხირას ტყებიშობურ მაზოთე ფურცელეფი, ჩე, ცაშფერ დო მოლენე-იაიაშფერ ცალე პეულეფი.

ევროპას დო ბჟადალ აზიას ჩანს 7 გვარობა, საქორთუოს — 2 გვარობა რე: V. herbacea დო V. major (გიმენგვარობა Vinca major subsp. hirsuta, ჸოფირი V. pubescens). თინეფშე პირველ უმოს ფართოთ აფხვადჷნა. თიშ უგუმნაღელე დო გუმნაღელამ ღერეფ გოფაჩილ, ეზინდილ დო ტაცალა რე. უღჷ მოლენე-იაიაშფერ პეულეფ დო დახე ინმოხვენჯ ფურცელეფი. პირანს პირელ-მესის. ირდუ გვალაშ შქა ორტყაფუშ ბართონეფს დო ფერდეფს.

დეკორატიულ ჩანარ რე, დითმიჭყანუანა თეშნეშე მუჭოთ ოკურნალე ჩანარს. საქორთუოს მოდვალირ ჟირხოლო გვარობა ოკურნალე რე, იკათუანს ალკალოიდეფს — აკუმაცინს, ვინკამინს, ვინინს, პუბესცინს, რეზერპინს დო შხვას. თინეფშე კეთებულ პრეპარატეფ (დევინკანი, ვინკაპანი) გჷმირინუაფუ ჰიპერტონიულ ლახარეფიშ ბორჯის.

ლიტერატურა

• ქორთული სხუნუეფიშ ენციკლოპედია, ტ. 3, ხს. 140, ქართი, 1978 წანა.

• შენგელია ზ., ენციკლოპედია „საქორთუო“, ტ. 1, ხს. 608, ქთ., 1997 წანა.