მუჰამედ ზია-ულ ჰაკი
| ზია-ულ ჰაკი ضیاء الحق | ||
 ზია-ულ ჰაკი 1982 წანას | ||
| პაკისტანიშ მა-6 პრეზიდენტი | ||
|---|---|---|
| პოსტის გერინაშ ბორჯი | ||
| 16 ეკენია, 1978 – 17 მარაშინათუთა, 1988 | ||
| პრემიერ-მინისტრი | მუჰამედ ხან ჯუნეჯო (1985-1988) | |
| წიმოხონი | ფაზალ ილაჰი ჩოუდჰრი | |
| მონძე | გულამ ისხაკ ხანი | |
პაკისტანიშ აკოანჯარაფილი ნძალეფიშ შტაბიშ უნჩაში | ||
| პოსტის გერინაშ ბორჯი | ||
| 1 მელახი, 1976 – 17 მარაშინათუთა, 1988 | ||
| პრეზიდენტი | ფაზალ ილაჰი ჩოუდჰრი მუ | |
| პრემიერ-მინისტრი | ზულფიკარ ალი ბჰუტო მუჰამედ ხან ჯუნეჯო | |
| წიმოხონი | ტიკა ხანი | |
| მონძე | მირზა ასლამ ბეკი | |
| დუნაბადი | 12 მარაშინათუთა, 1924
ჯალანდჰარი, პენჯაბი, ბრიტანეთიშ ინდოეთი | |
| ნაღურა | მარაშინათუთა 17, 1988 (64 წანერი)
ბაჰავალპური, პენჯაბი, პაკისტანი | |
| ნთხორუ აბანი | ფეისალიშ მეჩეთი, ისლამაბადი | |
| მენოღალობა |  პაკისტანი | |
| პოლიტიკური პარტია | უპარტიე | |
| ალმასქუ | შაფიქ ზია | |
| სქუალეფი | 5 | |
| გონათაფა | დელიშ უნივერსიტეტი ინდოეთიშ ოურდუმე აკადემია | |
| საქვარუა | ოურდუმე მოღალე, პოლიტიკოსი | |
| რელიგია | სუნიზმი | |
მუჰამედ ზია-ულ ჰაკი (დ. 12 მარაშინათუთა, 1924 — ღ. 17 მარაშინათუთა, 1988) — პაკისტანარი ოურდუმე მოღალე დო პოლიტიკოსი, პაკისტანიშ მა-6 პრეზიდენტი 1978-1988 წანეფს.
გურაფულენდჷ ინდოეთიშ ოურდუმე აკადემიას.[1] მუჭოთ ბრიტანეთიშ ინდოეთიშ არმიაშ ოფიცერი, მონაწილენდჷ მაჟირა მოსოფელიშ ლჷმას.[2] ზოხორინელი პაკისტანიშ გოჭყაფაშა უკულ, ნინალენდჷ პაკისტანიშ აკოანჯარაფილი ნძალეფს. ლჷმენდჷ ინდოეთ-პაკისტანიშ მაჟირა ლჷმას მუჭოთ ტანკისტი. 1970 წანას გოუტეს იორდანიაშა, სოდეთ ზია-ულ ჰაკი ხემანჯღვერენდჷ ოურდუმე ოტრეინინგე მისიას.[3] ჸათაქ თიქ არსულ კაბეტი როლი უჩა ეკენიაშ არჸებაშ მარცხებას. 1976 წანას, პაკისტანიშ თიხანური პრემიერ-მინისტრიქ, ზულფიკარ ალი ბჰუტოქ ზია-ულ ჰაკი ქუდარინუ აკოანჯარაფილი ნძალეფიშ შტაბიშ უნჩაშო. 1977 წანაშ გიშაგორუეფიშ უკულ, მუჟამსჷთ ოპოზიცია ალი ბჰუტოს აბრალუაფუდჷ გიშაგორუეფიშ გაჸალბებას, ზია-ულ ჰაკიქ მანწყუ ოურდუმე გინორთა, ქუდახუ ბჰუტო დო ხეშულობა მუქ ქაშეჸოთჷ ხეშა.[4] ბჰუტო გასამართჷ უჟინაშ სასამართალოქ, ქეკადვჷ პოლიტიკური ოპონენტეფიშ ჸვილუა დო გეგშუღჷ ღურაშ განჩინება. 1979 წანაშ 4 პირელს ალი ბჰუტო ქეგთაშქვიდეს.
მუჰამედ ზია-ულ ჰაკის პრეზიდენტიშ პოსტი 1978 წანაშე უკინებუდჷ.[5] მართუალაშ გოძვენას, თიქ ილაჸაფჷ შანულამი როლი ავღანეთიშ ლჷმას. ზია-ულ ჰაკი, ამერიკაშ დო საუდიშ არაბეთიშ ალარნათ, კოორდინაციას უწიენდჷ ავღანარი მოჯაჰედეფიშ ლჷმას სხუნუეთიშ ოკუპაციაშ სააწმარენჯოთ.[6] ზია-ულ ჰაკიშ მართუალაშ ბორჯის პაკისტანქ პოლიტიკურო დეხოლჷ ამერიკას დო ჩინეთის, თაშნეშე ისლამური ოქიანუს, მარა ძალამს გეუფრაშჷ პაკისტანიშ ურთიართალაქ ინდოეთიწკჷმა.
ზია-ულ ჰაკი აქტიურო მეთხოზუდჷ ინდუსტრიალიზაციაშ დო დერეგულაციაშ პოლიტიკას, ნამუქჷთ ხე შეუნწყუ პაკისტანიშ ეკონომიკური ჸოფირალაშ გაუჯგუშებას.[7] თიშ ხეშულობაშ ბორჯის, თხოზუდეს ოპოზიციას, პრესა ცენზურაშ თუდო რდჷ, დედაღარჷ ომენოღალე დუდიშულობაქ. მარა ზია-ულ ჰაკიქ დაჩქარჷ პაკისტანიშ ატომური პროგრამა.
ოურდუმე ჸოფირალაშ გოუქვაფაშ უკულ, 1985 წანას პაკისტანს იმანჯჷ უპარტიე გიშაგორუეფქ. ზია-ულ ჰაკიქ პრემიერ-მინისტრო ქუდარინუ მუჰამედ ხან ჯუნეჯო, მარა რეალური ხეშულობა პრეზიდენტის, ანუ მუს ოსქიდუდჷ. 1988 წანას, ჯუნეჯოქ ხე ქუმაჭარჷ ჟენევაშ ხეკულუას, ნამუსჷთ ხუჯ ვადუკინჷ ზია-ულ ჰაკიქ. თიქ ჯუნეჯოშ თარობა დეთხინუ დო გეგმაცხადჷ ახალი გიშაგორუეფიშ მანჯებაშ გეშა 1988 წანაშ გერგობათუთაშო. თე წანაშ 17 მარაშინათუთას, ზია-ულ ჰაკიქ, პაკისტანიშ თარობაშ ნამთინე მაკათურეფქ დო ჟირ ამერიკალ დიპლომატიქ დოღურეს ავიაკატასტროფას, ნოღა ბაჰავალპურიშ გოხოლუას.[8] ავიაკატასტროფაშ ბაძაძი ამდღა ხოლო ბოლოშა გჷმორკვიაფილ ვარე.
ზია-ულ ჰაკი ოდებელი ფიგურა რე თეხანური პაკისტანს. თის ფშხირას აბრალუაფუნა დემოკრატიული ინსტიტუტეფიშ დოდაღარაფას დო ვატოლერანტული რელიგიური პოლიტიკას.
ქოძირით თაშნეშე
[რედაქტირაფა | წყუშ რედაქტირაფა]სქოლიო
[რედაქტირაფა | წყუშ რედაქტირაფა]- ↑ Muhammad Zia-ul-Haq. კითხირიშ თარიღი: 2026-04-15.
- ↑ Muhammad Zia-ul-Haq. კითხირიშ თარიღი: 2026-04-15.
- ↑ Muhammad Zia-ul-Haq. კითხირიშ თარიღი: 2026-04-15.
- ↑ Muhammad Zia-ul-Haq. კითხირიშ თარიღი: 2026-04-15.
- ↑ Muhammad Zia-ul-Haq. კითხირიშ თარიღი: 2026-04-15.
- ↑ Muhammad Zia-ul-Haq. კითხირიშ თარიღი: 2026-04-15.
- ↑ Muhammad Zia-ul-Haq. კითხირიშ თარიღი: 2026-04-15.
- ↑ Muhammad Zia-ul-Haq. კითხირიშ თარიღი: 2026-04-15.