მუჰამედ მურსი

	მუჰამედ მურსი; مُحَمَّد مُرْسِي
	; ოფიციალური პორტრეტი, 2012 წ.
ეგვიპტეშ მა-5 პრეზიდენტი
პოსტის გერინაშ ბორჯი
	30 მანგი, 2012 – 3 კვირკვე, 2013
წიმოხონი	ჰოსნი მუბარაქი
მონძე	აბდულ-ფათაჰ ალ-სისი
უგინობირაფუობაშ ყარაფიშ 26-ა გენერალური მელამოსე
პოსტის გერინაშ ბორჯი
	30 მანგი, 2012 – 30 მარაშინათუთა, 2012
წიმოხონი	მოჰამედ ჰუსეინ ტანტავი
მონძე	მაჰმუდ აჰმადინეჟადი
დუდიშულობაშ და სამართალიანობაშ პარტიაშ დუდმახვენჯი
პოსტის გერინაშ ბორჯი
	30 პირელი, 2011 – 24 მანგი, 2012
წიმოხონი	პოსტიქ გიჭყჷ
მონძე	საად ელ-კატატნი
ნაღურა	17 მანგი, 2019 (67 წანერი); თორაშ ჯიხა, კაირო, ეგვიპტე
მენოღალობა	ეგვიპტე
პოლიტიკური პარტია	დუდიშულობაშ და სამართალიანობაშ პარტია
ალმასქუ	ნაჯლია მაჰმუდი
სქუალეფი	5
გონათაფა	კაიროშ უნივერსიტეტი; ობჟათე კალიფორნიაშ უნივერსიტეტი
ხეშმოჭარუა

მუჰამედ მუჰამედ მურსი ისა ალ-აიატი (არაბ. مُحَمَّد مُحَمَّد مُرْسِي عِيسَى العَيَّاط, დ. 8 მარაშინათუთა, 1951 — ღ. 17 მანგი, 2019) — ეგვიპტარი ინჟინერი დო პოლიტიკოსი, ეგვიპტეშ რანწკით მა-5 პრეზიდენტი 2012-2013 წანეფს.

დებადჷ შარკიაშ მუჰაფაზაშ ოფუტე ელ-ადვას.^[1] გურაფულენდჷ მეტალურგიული ინჟინერიას კაიროშ უნივერსიტეტის.^[2] უკულ გურაფა გაგინძორჷ ობჟათე კალიფორნიაშ უნივერსიტეტის.^[3] გურაფაშ თებაშ უკულ, მოღალენდჷ კალიფორნიაშ შტატიშ უნივერსიტეტის.^[4] ეგვიპტეშა დორთინაშ უკულ, ლექციეფს კითხულენდჷ ელ-ზაკაზიკიშ უნივერსიტეტის.^[5] ჸათე პერიოდიშე დეხოლჷ მუსლიმეფიშ საჯიმალოს - სუნიტური რელიგიურ-პოლიტიკური ჸარაფის.^[6] 2000 წანას, მურსი მონაწილენდჷ საპარლამენტო გიშაგორუეფს, მუჭოთ ზოხორინელი კანდიდატი.^[7]

2011 წანას, ეგვიპტეს ქუმოხვადჷ რევოლუციაქ, ნამუშ შედეგო პრეზიდენტიშ პოსტიშე გეგნოდირთჷ ჰოსნი მუბარაქიქ.^[8] მურსის ქაშუ პოლიტიკური პოპულარობაქ, მუჭოთ დუდიშულობაშ და სამართალიანობაშ პარტიაშ ლიდერს.^[9] 2011-2012 წანეფიშ საპარლამენტო გიშაგორუეფს თე პარტიაქ ხონარეფიშ უმენტაშობა მიპალჷ დო ეგვიპტეშ პარლამენტიშ უდიდაში პარტიათ გინირთჷ.^[10] 2012 წანაშ საპრეზიდენტო გიშაგორუეფს, გემორძგჷ მუჰამედ მურსიქ დო ეგვიპტეშ რანწკით მა-5 პრეზიდენტო გინირთჷ.^[11] მალას, 2013 წანაშ ივანობას ქიდიჭყჷ საპროტესტო დემონსტრაციეფქ მურსიშ ხეშულობაშ მეხჷ.^[12] დემონსტრანტეფს ქალუდირთჷ არმიაქ ხოლო დო 3 კვირკვეს მინწყუ სახენწჷფო გინორთაქ, აბდულ-ფათაჰ ალ-სისიშ მანჯღვერალათ.^[13] გინორთაშ შედეგო მურსიშ მართუალა ქუდახუეს.^[14] ახალი თარობაშ გინოჭყვიდირით გაჩერეს 2012 წანაშ ქირსეთუთას მეღებული კონსტიტუცია დო ობორჯე პრეზიდენტო ქუმწარინეს ადლი მანსური.^[15] ეგვიპტეშ პროკურატურაქ მურსის ქეკადვუ შხვადოშხვა დანაშურეფი.^[16] მურსის ღურაშ განჩინება გეგშუღეს, მარა თე განჩინება კონწარო გაკრიტიკეს Amnesty International-ქ დო შხვა საირქიანო ორგანიზაციეფქ.^[17] 2016 წანაშ გერგობათუთას, მურსის განჩინება დუთირეს დო ახალშო ქიდიჭყჷ სასამართალო პროცესიქ, ნამუშ მიმალობას მურსიქ დოღურჷ, 2019 წანაშ 17 მანგის.^[18]

სქოლიო

[1] ttps://www.britannica.com/biography/Mohamed-Morsi

[2] ttps://www.britannica.com/biography/Mohamed-Morsi

[3] ttps://www.britannica.com/biography/Mohamed-Morsi

[4] ttps://www.britannica.com/biography/Mohamed-Morsi

[5] ttps://www.presidency.eg/en/%D8%A7%D9%84%D8%B1%D8%A6%D8%A7%D8%B3%D8%A9/%D8%A7%D9%84%D8%B1%D8%A4%D8%B3%D8%A7%D8%A1-%D8%A7%D9%84%D8%B3%D8%A7%D8%A8%D9%82%D9%88%D9%86/%D9%85%D8%AD%D9%85%D8%AF-%D9%85%D8%B1%D8%B3%D9%8A/

[6] ttps://www.britannica.com/biography/Mohamed-Morsi

[7] ttps://www.britannica.com/biography/Mohamed-Morsi

[8] ttps://www.britannica.com/biography/Mohamed-Morsi

[9] ttps://www.britannica.com/biography/Mohamed-Morsi

[10] ttps://www.presidency.eg/en/%D8%A7%D9%84%D8%B1%D8%A6%D8%A7%D8%B3%D8%A9/%D8%A7%D9%84%D8%B1%D8%A4%D8%B3%D8%A7%D8%A8%D9%82%D9%88%D9%86/%D9%85%D8%AD%D9%85%D8%AF-%D9%85%D8%B1%D8%B3%D9%8A/

[11] ttps://www.britannica.com/biography/Mohamed-Morsi

[12] ttps://www.britannica.com/biography/Mohamed-Morsi

[13] ttps://www.britannica.com/biography/Mohamed-Morsi

[14] ttps://www.britannica.com/biography/Mohamed-Morsi

[15] ttps://www.presidency.eg/en/%D8%A7%D9%84%D8%B1%D8%A6%D8%A7%D8%B3%D8%A9/%D8%A7%D9%84%D8%B1%D8%A4%D8%B3%D8%A7%D8%A1-%D8%A7%D9%84%D8%B3%D8%A7%D8%A8%D9%82%D9%88%D9%86/%D9%85%D8%AD%D9%85%D8%AF-%D9%85%D8%B1%D8%B3%D9%8A/

[16] ttps://www.britannica.com/biography/Mohamed-Morsi

[17] ttps://www.britannica.com/biography/Mohamed-Morsi

[18] ttps://www.britannica.com/biography/Mohamed-Morsi

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]