ნადინ გორდიმერი
| ნადინ გორდიმერი Nadine Gordimer | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
კვირკვე 13, 2014 (90 წანერი) |
| ღურაშ აბანი: | |
| ერუანობა: | |
| საქვარუა: |
ჭარუ, ნოველისტი, დრამატურგი, პოლიტიკური აქტივისტი |
| პერიოდი : |
1939—2014 |
| Magnum opus: |
კონსერვაციონისტი (1974) |
| ნინა: | |
| ჯილდოეფი: |
ბუკერიშ პრემია (1974) |
ნადინ გორდიმერი (ინგლ. Nadine Gordimer, დ. 20 გერგობათუთა, 1923 — ღ. 13 კვირკვე, 2014) — ობჟათე აფრიკალი ჭარუ დო პოლიტიკური აქტივისტი, ნობელიშ პრემიაშ ლაურეატი ლიტერატურაშ დარგის 1991 წანას. თიში ნაწარმებეფიშე ეიოშანალი რე რომანეფი: კონსერვაციონისტი (1974), ბურგერიშ ცირასქუა (1979) დო ჯულაიშ კათა (1981). გორდიმერიშ ნაჭარეფიშ თარი თემა აპართეიდი რე.
დებადჷ დინდარი ფანიას. 9 წანაშე დიჭყჷ ჭარუა. 15 წანერი რდუნ თეშ გჷმაბჟინუ მაართა თხობელუა. გორდიმერი გურაფულენდჷ ვიტვატერსრანდიშ უნივერსიტეტის. გურაფაშ თებაშ უკულ კითხულენდჷ ლექციეფს ამერიკას, 1960-70-იან წანეფს. გორდიმერიშ მაართა წინგიქ, ნამუთ თხობელუეფიშ კათელი რდჷ, გიშართჷ 1949 წანას. 1953 წანას გჷმიბჟინუ რომანქ ტყურა დღალეფი, ნამუთ ავტორიშ მაართა რომანი რდჷ. გორდიმერიშ რომანქ, კონსერვაციონისტი, 1974 წანას მიპალუ ბუკერიშ პრემია. ჸათე რომანქ გორდიმერს საირქიანო პოპულარობა მოუღჷ. 1979 წანას გიშართჷ რომანქ ბიურგერიშ ცირასქუა დო 1981 წანას — ჯულაიშ კათა. რომანეფიშ მოხ, გორდიმერი ავტორი რე შხვადოშხვა თხობელუეფიშ, პიესეფიშ დო ესეეფიშ.
გიშნაგორა ნაჭარეფი
[რედაქტირაფა | წყუშ რედაქტირაფა]რომანეფი
[რედაქტირაფა | წყუშ რედაქტირაფა]- ტყურა დღალეფი (1953)
- უჩინებუეფიშ ოქიანუ (1958)
- ჸოროფაშ ბორჯი (1963)
- ღურელი ბურჟუაზიაშ ოქიანუ (1966)
- საპატიო სუმარი (1970)
- კონსერვაციონისტი (1974)
- ბურგერიშ ცირასქუა (1979)
- ჯულაიშ კათა (1981)
- ორთაშ ლაჸაფი (1987)
- ქომოლსქუაშ ამბე (1990)
- მითინ ვამაჸუნუ მა (1994)
- ჸუდეშ ანჯარი (1998)
- მერეთი შეხვამილაფა (2001)
- რინა (2005)
- საუჯგუშო ბორჯი (2012)