ნელსონ მანდელა

ვიკიპედია ხასჷლაშე
გეგნორთი: ნავიგაცია, გორუა
ნელსონ მანდელა

ნელსონ მანდელა (ედომუშამო როლიჰლაჰლა დალიბუნგა მანდელა Rolihlahla Dalibhunga Mandela; დ. 18 კვირკვე, 1918, მვეცო, ტრანსკაი, ობჟათე აფრიკაშ რესპუბლიკა - ღ. 5 ქირსეთუთა, 2013, იოჰანესბურგი, ობჟათე აფრიკაშ რესპუბლიკა[1][2]) — ანტიაპართეიდიშ ყარაფიშ აქტივისტი დო ობჟათე აფრიკაშ რესპუბლიკაშ მაართა პრეზიდენტი.

ბიოგრაფია[რედაქტირაფა]

პრეზიდენტობაშახ რდჷ ანტიაპართეიდიშ ყარაფიშ აქტივისტი დო აფრიკაშ ნაციონალური კონგრესიშ (ანკ) ლიდერი. მანდელა ჯიხას ხედჷ 27 წანას საბოტაჟიშ გეშა თიშ უკული მუთ ანკ-იქ ონოფულე საქვარუეფშა გჷნილჷ დო აკოანჯარაფილი ლიმა დიჭყჷნ.

ჯიხას მუკოჸონაფილი 27 წანაშ განწხანც მანდელაქ გჷნირთჷ ანტიაპართეიდიშ ყარაფიშ დო რასული ართმანგალაშო ლიმაშ სიმბოლოთ მუჭოთ ობჟათე აფრიკას, თაშნეშე თიშ თანჯეფც გალეთ.

ობჟათე აფრიკაშ თიწკჷმაიანი თარობა, თეშ მუჭოთ თიშ ხუჯიშ დუმაკინალი ქიანეფი, უდღანუდეს მანდელაშ დო ანკ-იშ ქიმინჯალეფც დო თინეფც მიშინუანდეს მუჭოთ კომუნისტეფს დო ტერორისტეფს.

1990 წანას ჯიხაშე გოდუდიშალაფაშ უკული მანდელაქ დოთირუ მუში პოლიტიკური კურსი კონიერშა, მუქჷთ ხე აკუნწყუ ობჟათე აფრიკას რასობური ტაბიკუაშ მოქექაფას დო დემოკრატიაშ დორსხუაფას.

მანდელას ეჭოფილი აფჷ ოშიშე უმოსი შხვადოშხვა ჯილდო, თინეფ შქას ნობელიშ პრემია თინჩალაშ დარგის 1993 წანას. ობჟათე აფრიკას თინა მიშინუაფუ მუჭოთ მანდიბა, ჯოხოდვალა ნამუსჷთ მანდელაშ კლანიშ ცხვანე დო პატიჩამილ მაკათურეფს არზენან.

რესურსეფი ინტერნეტის[რედაქტირაფა]

სქოლიო[რედაქტირაფა]