ნესტორ ლაკობა
| ნესტორ ლაკობა Нестор Лакоба | ||
 ლაკობა 1931 წანას | ||
| აფხაზეთიშ სსრ-შ ოკათე კომისარეფიშ სხუნუშ მა-1 დუდმახვენჯი | ||
|---|---|---|
| პოსტის გერინაშ ბორჯი | ||
| ფურთუთა, 1922 – 28 ქირსეთუთა, 1936 | ||
| წიმოხონი | პოსტიქ გიჭყჷ | |
| მონძე | ავქსენტი რაფავა | |
აფხაზეთიშ სსრ-შ ცენტრალური მარსულებერი კომიტეტიშ დუდმახვენჯი | ||
| პოსტის გერინაშ ბორჯი | ||
| 17 პირელი, 1930 – 28 ქირსეთუთა, 1936 | ||
| წიმოხონი | პოსტიქ გიჭყჷ | |
| მონძე | ალექსეი აგრბა | |
| დუნაბადი | 1 მესი, 1893 ლიხნი, სოხუმიშ ოკრუგი, ქუთეშიშ გუბერნია, რუსეთიშ იმპერია | |
| ნაღურა | 28 ქირსეთუთა, 1936 (43 წანერი) ქართი, საქორთუოშ სსრ, სსრრ | |
| მენოღალობა |  სსრრ | |
| ერუანობა | აფხაზი | |
| პოლიტიკური პარტია | რსდმპ (ბოლშევიკეფი) (1912-1918) სრკპ (1918-1936) | |
| ალმასქუ | სარია ლაკობა | |
| სქუალეფი | რაუფ ლაკობა | |
| ჯილდოეფი | ჭითა შილაშ ორდენი (1935) ლენინიშ ორდენი (1935) | |
ნესტორ აპოლონიშ სქი ლაკობა (აფხ. Нестор Аполлон-иԥа Лакоба, ქორთ. ნესტორ აპოლონის ძე ლაკობა, რუს. Не́стор Аполло́нович Лако́ба; დ. 1 მესი, 1893 — ღ. 28 ქირსეთუთა, 1936) — აფხაზი კომუნისტი პოლიტიკოსი. თიქ ხე შეუნწყუ ბოლშევიკეფიშ მართუალაშ კონსოლიდაციას აფხაზეთის. ჭითა არმიაშით აფხაზეთიშ ოკუპაციაშ უკულ, მოღალენდჷ აფხაზეთიშ მადუდეთ. ლაკობაშ მართუალაშ ბორჯის, აფხაზეთის მიაჩჷ ავტონომიური სტატუსიქ (აფხაზეთიშ სსრ) სხუნუეთიშ დინახალე. მარა ნომინალურო აფხაზეთი საქორთუოშ სხუნუეფიშ სოციალისტური რესპუბლიკაშ აკოდგინალუაშა მიშმეშჷ, სპეციალური სტატუსით "მორსხუე რესპუბლიკა". ლაკობას ხოლოშიანი ურთიართალა უღუდჷ იოსებ სტალინიწკჷმა დო ჸათე ურთიართალაქ შელებუ თინა ნამდა ლაკობაშ დუდალათ, აფხაზეთი ზოხო რესპუბლიკას წჷმარინუანდჷ. ლაკობა წჷმოძინელო ოპონირენდჷ აფხაზეთიშ კოლექტივიზაციას. მარა საგამათ, აფხაზეთიშ სტატუსიქ დოდაღარაფილქ იჸუ დო თიქ გინირთჷ ავტონომიური რესპუბლიკათ, საქორთუოშ სსრ-შ დინახალე.
ლაკობა აფხაზეთის პოპულარული ფიგურა რდჷ. თინა სარგებლენდჷ მაჸალური ურთიართალათ სტალინიწკჷმა, ნამუთ 1920-1930-იან წანეფს ფშხირას ისვანჯუდჷ აფხაზეთის. 1930-იან წანეფიშე, გეუფრაშჷ ლაკობაშ ურთიართალაქ ლავრენტი ბერიაწკჷმა, ნამუთ ხემანჯღვერენდჷ მოლენკავკაციაშ სოციალისტური ფედერაციული სხუნუეფიშ რესპუბლიკას, ნამუშ აკოდგინალუაშა საქორთუო ხოლო მიშმეშჷ. 1936 წანას, ლაკობაქ ბერიას ესუმარჷ ქართის, სოდეთ ლაკობა მოწამალეს. ლაკობაშ ღურაშ უკულ, ბერიაქ ლაკობაშ დისკრედიტაციაშ პოლიტიკა წიმიჭყჷ დო თინა სახენწჷფოშ ნტერო გეგმაცხადჷ. სტალინიშ ღურაშ უკულ, ლაკობაქ რეაბილიტირაფილქ იჸუ. თინა ასე ერუანული გერგეზო რე მერჩქინელი აფხაზეთის.
 |
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |