ნილამ სანჯივა რედი

ნილამ სანჯივა რედი
ოფიციალურ პორტრეტი, 1977 წ.
ინდოეთიშ მა-6 პრეზიდენტი
პოსტის გერინაშ ბორჯი
25 კვირკვე, 1977 – 25 კვირკვე, 1982
ვიცე-პრეზიდენტი	ბ. დ. ჯატი, მოჰამად ჰიდაიატულაჰი
პრემიერ-მინისტრი	მორარჯი დესაი, ჩარან სინგჰი, ინდირა განდი
წიმოხონი	ბ. დ. ჯატი (ს/მ)
მონძე	ზაილ სინგჰი
ლოკ საბჰაშ სპიკერი
პოსტის გერინაშ ბორჯი
26 მელახი, 1977 – 13 კვირკვე, 1977
წიმოხონი	ბალი რამ ბჰაგატი
მონძე	კ. ს. ჰეგდე
ანდჰრა-პრადეშიშ პირველ დუდ მინისტრი
პოსტის გერინაშ ბორჯი
1 გერგობათუთა, 1956 – 11 იანვარი, 1960
წიმოხონი	პოსტიქ გიჭყჷ
მონძე	დამოდარამ სანჯივაია
დუნაბადი	19 მესი, 1913 ილური, მადრასიშ საპრეზიდენტო, ბრიტანეთიშ ინდოეთი
ნაღურა	მანგი 1, 1996 (83 წანერი) ბანგალორი, კარნატაკა, ინდოეთი
ოგიშაგორაშე ოლქი	ნანდიალი
მენოღალობა	ინდოეთი
ერუანობა	ტელუგუ
პოლიტიკური პარტია	ჯანატა პარტია (1977 წანაშე)
მუმა	ნილამ ჩინაპა რედი
ალმასქუ	ნილამ ნაგარატნამა (გ. 1935)
გონათაფა	მადრასიშ უნივერსიტეტი
პროფესია	პოლიტიკოსი
რელიგია	ინდუიზმი
აკა უკონკურენტო პრეზიდენტი

ნილამ სანჯივა რედი (ჰინ. नीलम संजीव रेड्डी, ტელუგ. నీలం సంజీవరెడ్డి; დ. 19 მესი, 1913 – ღ .1 მანგი, 1996) — ინდოარ პოლიტიკოს რდჷ, ნამუთ 1977-1982 წანეფს ინდოეთიშ პრეზიდენტიშ პოსტის იკენდჷ. განწეხანიშ პოლიტიკურ კარიერა ინდოეთიშ ერუანულ კონგრესწკჷმა ართო ზოხორინალაშ ყარაფის დიჭყჷ; პრეზიდენტო გინორთაშა თის მუსხირენ შანულამ პოსტ უკებუდჷ ზოხორინელ ინდოეთის, თინეფს შქას ანდჰრაშ შტატიშ დუდ მინისტრ დო ანდჰრა-პრადეშიშ დუდ მინისტრი, ლოკ საბჰაშ ჟირშაიან სპიკერ დო სხუნუშ მინისტრი.

ამდღარ ანანტაპურიშ ოლქის (ანდჰრა-პრადეში) დჷნაბადუ რედიქ სკოლა ადაიარს გათუ დო ანანტაპურიშ თარობაშ ხელუანობაშ კოლეჯის ქაკათჷ. თიქ გურაფას დუდ დანებჷ, ანდანე ინდოეთიშ ზოხორინალაშ აქტივისტო გინორთელედჷკონ; ყარაფ „ქჷდიტეთ ინდოეთი“ (Quit India)-ს კათაფაშ გეშა თინა ხვილიაშას ხედჷ. 1946 წანას თინა მადრასიშ კანონმადვალუ ასამბლეაშ მაკათურო გეგშაგორეს, მუჭოთ კონგრესიშ წჷმმარინაფალი. 1953 წანას რედიქ ანდჰრაშ შტატიშ თარ მინისტრო გინირთჷ, 1956 წანას — ანდჰრა-პრადეშიშ დუდ მინისტრო. 1964-შე 1967 წანაშა თინა სხუნუშ კაბინეტიშ მინისტრ რდჷ პრემიერ-მინისტრეფიშ — ლალ ბაჰადურ შასტრიშ დო ინდირა განდიშ მოღალობაშის, 1967-შე 1969 წანაშა — ლოკ საბჰაშ სპიკერი. ათეშ უკულ თიქ აქტიურ პოლიტიკაშე მიდართჷ, მარა 1975 წანას კჷნე დირთჷ, მუჟანსჷთ ჯაიაპრაკაშ ნარაიანიშ მოჭანაფას — ინდირა განდიშ თარობაშ მეხ „ართამ რევოლუციას“ (Total Revolution) უგამუნ.

1977 წანას პარლამენტშა გიშაგორილქ იჸუ მუჭოთ ჯანატა პარტიაშ კანდიდატი; რედი ართხონარო გიშაგორილქ იჸუ მა-6 ლოკ საბჰაშ სპიკერო, სუმ თუთაშ უკული — უკონკურენტო ინდოეთიშ პრეზიდენტო. მუჭოთ პრეზიდენტიქჷნ, რედი ხანდენდჷ გეჸვენჯ პრემიერ-მინისტრეფწკჷმა: მორარჯი დესაიწკჷმა, ჩარან სინგჰიწკჷმა დო ინდირა განდიწკჷმა. 1982 წანას რედი ზაილ სინგჰიქ დოთირუ დო მოღალობაშ თებაშ უკულ ანანტაპურს მუშ ფერმაშა მიდართჷ პენსიაშა. თიქ 1996 წანას დოღურჷ დო თიშ სამადჰი ბანგალორიშ „კალპალიშ“ (Kalpally) საფულას იდვალუაფჷ. 2013 წანას ანდჰრა-პრადეშიშ თარობაქ რედიშ ბადებაშე 100 წანაშ დუდს (ოშწანურას) პატჷ ცეს დო თიშ მემორიალურ ქიმინუეფ მანწყუეს.

რესურსეფ ინტერნეტის

ვიკიოწკარუეს^? რე ხასჷლა თემაშენ:

ნილამ სანჯივა რედი

• President Neelam Sanjiva Reddy's broadcast to India on Republic Day, 1979 (Audio)
• Neelam Sanjiva Reddy – The Office of Speaker Lok Sabha