ნო მუ ჰიენი

ნო მუ ჰიენი
ოფიციალური პორტრეტი, 2003 წ.
ობჟათე კორეაშ მა-9 პრეზიდენტი
პოსტის გერინაშ ბორჯი
25 ფურთუთა, 2003 – 25 ფურთუთა, 2008
წიმოხონი	კიმ დე ჯუნი
მონძე	ლი მიონ ბაკი
დუნაბადი	1 ეკენია, 1946 პონჰა, ობჟათე კორეა
ნაღურა	23 მესი, 2009 (62 წანერი) პონჰა, ობჟათე კორეა
ღურაშ ბაძაძი	დუდიშ ჸვილუა
ნთხორუ აბანი	ოფუტე პონჰა
მენოღალობა	ობჟათე კორეა
ალმასქუ	კვონ იანსუკი
სქუალეფი	2
საქვარუა	იურისტი, პოლიტიკოსი
ხეშმოჭარუა

ნო მუ ჰიენი (კორ. 노무현, დ. 1 ეკენია, 1946 — ღ. 23 მესი, 2009) — ობჟათე კორეალი იურისტი დო პოლიტიკოსი, ობჟათე კორეაშ რანწკით მა-9 პრეზიდენტი 2003-2008 წანეფს.

ბიოგრაფია

დებადჷ ღარიბი ფერმერეფიშ ფანიას. უმაღალაში გონათაფა ვემუღებჷ, მარა მუშით გურაფულენდჷ იურისპრუდენციას დო 1975 წანაშო ჩაბარჷ ერუანული საადვოკატო გამორსეფი დო იურიდიული კარიერა ქიდიჭყჷ.

მუშენდჷ მოსამართალეთ დო უკულ ადამიერიშ ნებეფიშ ადვოკატო, თხილანდჷ სტუდენტეფიშ დო აქტივისტეფიშ ნებეფს, ნამუეფით ოლიმუდეს ობჟათე კორეაშ ავტორიტარული რეჟიმეფს.

1988 წანას, ნო მუ ჰიენიქ პოლიტიკური პროცესეფს ქაკათჷ დო გიშაგორილქ იჸუ ერუანული ასამბლეაშ მაკათურო.

ბორჯის გოძვენას, ნო მუ ჰიენიქ სერიოზული პოპულარობა მიპალუ მუჭოთ რეფორმისტი პოლიტიკოსიქ. 2002 წანას მონაწილენდჷ საპრეზიდენტო გიშაგორუეფს დო გემორძგჷ.

მართუალაშ ბორჯის, მეთხოზუდჷ რეფორმეფიშ, დეცენტრალიზაციაშ დო ოორუე კორეაწკჷმა დიალოგიშ პოლიტიკას.

თიში მართუალა, თაშნეშე იხასიათებუდჷ პოლიტიკური დო ეკონომიკური პრობლემეფით.

2004 წანას, ნო მუ ჰიენის პარლამენტიქ იმპიჩმენტი მუნწყუ, მარა საკონსტიტუციო სასამართალოქ პოსტიშა დართინუ.

პრეზიდენტობაშ ვადაშ თებაშ უკულ, მუში ოფუტეს დართჷ.

2009 წანას, პროკურატურაქ წიმიჭყჷ გჷმორკვიაფა ნო მუ ჰიენიშ მეხჷ. თის დო თიში ფანიას ქეკადვეს კორუფცია დო რთამიშ ეჭოფუა.

2009 წანაშ 23 მესის, ნო მუ ჰიენიქ კირდაშე გეგთოსხაპჷ დო ჸათაშ დიჸვილჷ დუდი.

ქოძირით თაშნეშე

• ობჟათე კორეაშ პრეზიდენტი

ლიტერატურა

• ენციკლოპედია ბრიტანიკა