ობჟათე აფრიკაშ რესპუბლიკაშ პრეზიდენტი

ობჟათე აფრიკაშ რესპუბლიკაშ პრეზიდენტი; 10 შხვა ოფიციალურ ნინაშა President van Suid-Afrika (აფრიკაანსი) ; Umongameli waseNingizimu Afrika (ზულუ) ; uMongameli waseMzantsi Afrika (კოსა) ; Mopresidente wa Afrika Borwa (ოორუე სოტო) ; Moporesitente wa Aforika Borwa (ტსვანა) ; Moporesitente wa Aforika Borwa (სოტო) ; Puresidente wa Afrika-Dzonga (ტსონგა) ; uMengameli weleNingizimu Afrika (სვაზი) ; Muphuresidennde wa Afrika Tshipembe (ვენდა) ; uMongameli weSewula Afrika (ობჟათე ნდებელური) ;
	; ობჟათე აფრიკაშ რესპუბლიკაშ შილა
	ფაილი:Official Portrait of President Cytil Ramaphosa — 2019.jpgმოქიმინჯე:; სირილ რამაფოსა; 15 ფურთუთა, 2018
მემართუაშ სტილი	თიში უდიდაშობა (დიპლომატიური); პატჷნ პრეზიდენტი (ვაფორმალური)
ტიპი	სახენწჷფოშ მადუდე; თარობაშ მადუდე; ურდუმამადუდე
მაკათური	კაბინეტი
რეზიდენცია	მაჰლამბა ნდლოპფუ (პრეტორია); გენადენდალი (კეიპტაუნი); ჯონ დუბეშ ჸუდე (დურბანი)
ოლქი	ობჟათე აფრიკაშ რესპუბლიკა
ხანიშ განწეობა	5 წანა (ართშა მოახალებაშ ნებათ)
წიმოხონი	სახენწჷფო პრეზიდენტი
დირსხუ	10 მესი 1994; 32 წანაშ კინოხ
მაართა პოსტის	ნელსონ მანდელა
მონძე	ვიცე-პრეზიდენტი
ხელფასი	3,34 მილიონ რანდი წანმოწანას
ვებ-ხასჷლა	thepresidency.gov.za

ობჟათე აფრიკაშ რესპუბლიკაშ პრეზიდენტი — ობჟათე აფრიკაშ რესპუბლიკაშ სახენწჷფოშ დო თარობაშ მადუდე. პრეზიდენტ უნჯღვერს თარობაშ ემაჸონაფალ ჸას დო რე ობჟათე აფრიკაშ ერუანულ დუდთხილუაშ ნძალეფიშ ურდუმამადუდე. 1961-შე 1994 წანაშა სახენწჷფოშ მადუდეშ პოსტ სახენწჷფო პრეზიდენტის შანენდჷ.

პრეზიდენტის გიშმაგორუნს ერუანულ ასამბლეა, პარლამენტიშ თუდონ პალატა დო თინა რჩქვანელობურო უკაბეტაშ პარტიაშ ლიდერ რე, ნამუთ აფრიკაშ ერუანულ კონგრეს რე 1994 წანაშ 27 პირელს მანჯებულ მაართა ანდარასობურ გიშაგორუეფიშ უკული. კონსტიტუცია პრეზიდენტიშ პოსტის რინაშ ხანს ჟირ ხუთწანიან ხანით გუთმოხურგანს.^[1] ახალ კონსტიტუციათ გიშაგორილ მაართა პრეზიდენტ ნელსონ მანდელა რდჷ. თეხანურ პრეზიდენტ რე სირილ რამაფოსა, ნამუთ ერუანულ ასამბლეაქ 2018 წანაშ 15 ფურთუთას გიშაგორჷ, ჯეიკობ ზუმაშ გინორინაშ უკული.

ობორჯე კონსტიტუციაშ თუდო (ნამუთ 1994-შე 1996 წანაშა რდჷ ნძალას), რდჷ ერუანულ ართოიანობაშ თარობა, სოდეთ უკაბეტაშ ოპოზიციურ პარტიაშ პარლამენტიშ მაკათურს ნება უღუდჷ ვიცე-პრეზიდენტიშ პოსტ ქუდუკებუდჷკონ. ტაბო მბეკიწკჷმა ართო, აპარტეიდიშ ბოლო პრეზიდენტი, ფრედერიკ დე კლერკი ხოლო მოღალენდჷ ვიცე-პრეზიდენტიშ პოსტის, მუჭოთ ერუანულ პარტიაშ ლიდერი, ნამუთ ახალ პარლამენტიშ მაჟირა უკაბეტაშ პარტია რდჷ. მარა დე კლერკიქ მოგვიანეთ გინოდირთჷ დო მუშ პარტიაწკჷმა ართო ოპოზიციაშა გეგნორთჷ. ნებაჸოფურ კოალიციურ თარობა ახალ კონსტიტუციაშ (ნამუთ 1996 წანას მიღესჷნ) თუდო ხოლო რდჷ, მარა თიშ უკულ ოპოზიციონერ პოლიტიკოსეფ ვიცე-პრეზიდენტიშ პოსტის ვადურინუაფჷნა.

პრეზიდენტ ვალდებულ რე, ნამჷ-და გიშაგორუეფიშ ბორჯის ერუანულ ასამბლეაშ მაკათურ რდასჷნ. გიშაგორუაშე ხათეშე, პრეზიდენტ მუშ შხვა პოსტეფს ხათეშე იტენს პრეზიდენტალაშ განწეხანობაშ მეძენას. პრეზიდენტიშ პოსტშე გინორინა შილებე უნდობელობაშ გჷმოცხადებათ დო იმპიჩმენტიშ რზათ.

ობჟათე აფრიკაშ რესპუბლიკაშ პრეზიდენტეფიშ ერკებული

№	ჯოხო	პოსტიშ დოჭყაფა	პოსტიშ თება
1.	ჩარლზ რობერტს სვარტი	31 მესი 1961	31 მესი 1967
2.	თეოფილუს დიონგესი	31 მესი 1967	1 მანგი 1967
3.	ჯოშუა ნაუდე	1 მანგი 1967	10 პირელი 1968
4.	ჯაკობ ჯოან ფუშე	10 პირელი 1968	9 პირელი 1975
5.	იოანეს დე კლერკი	9 პირელი 1975	19 პირელი 1975
6.	ნიკოლას დიდერიხსი	19 პირელი 1975	21 მარაშინათუთა 1978
7.	მარაის ვილჯოენი	21 მარაშინათუთა 1978	10 გჷმათუთა 1978
8.	ბალთაზარ ვორსტერი	10 გჷმათუთა 1978	4 მანგი 1979
9.	მარაის ვილჯოენი	4 მანგი 1979	3 ეკენია 1984
10.	პიტერ ბოტა	3 ეკენია 1984	15 მარაშინათუთა 1989
11.	ფრედერიკ დე კლერკი	15 მარაშინათუთა 1989	10 მესი 1994
12.	ნელსონ მანდელა	10 მესი 1994	16 მანგი 1999
13.	ტაბო მბეკი	16 მანგი 1999	25 ეკენია 2008
14.	კგალემა მოტლანტე	25 ეკენია 2008	9 მესი 2009
15.	ჯეიკობ ზუმა	9 მესი 2009	14 ფურთუთა, 2018
16.	სირილ რამაფოსა	15 ფურთუთა 2018	ამდღარშახ