ოლე გუნარ სოლსკიაერი

ვიკიპედია-შე
Jump to navigation Jump to search
ოლე გუნარ სოლსკიაერი
Ole Gunnar Solskjaer Trondheim2011-1.jpg
პიჯული ინფორმაცია
ერუანობა ნორვეგია
დაბადებაშ თარიღი 26 ფურთუთა, 1973 (1973-02-26) (46 წანერი)
დაბადებაშ აბანი კრისტიანსუნდი, ნორვეგია
სპორტი
სპორტი კუჩხბურთი
კლუბი მოლდე, მანჩესტერ იუნაიტედი
მაწვართალი 2011-ასეშა

ოლე გუნარ სოლსკიაერი (ნორვ. Ole Gunnar Solskjær [ˈuːlə ˈɡʉnɑr ˈsuːlˈʂær]; დ. 26 ფურთუთა, 1973) — ნორვეგიალი მობურთე. 1996 წანას იჸუ ნორვეგიაშ ჩემპიონატიშ ბომბარდირქ. 11 წანას რდჷ „მანჩესტერ იუნაიტედიშ“ მობურთე. ლაჸაფენდჷ უმოსო თირუეფს. გჷნმაჭყვიდირალი გოლი მითიღჷ 1999 წანას ჩემპიონეფიშ ლიგაშ ფინალს. ნორვეგიაშ ერუანული ნაკორობაწჷმა ართო ოკათუდჷ 1998 წანაშ მოსოფელიშ დო 2000 წანაშ ევროპაშ ჩემპიონატეფს. საახალო ოკუჩხბურთე კარიერა დიჭყჷ 1980 წანას „კლაუსენენგენს“, სოდეთ 1990 წანაშა ლაჸაფენდჷ. პროფესიონალურ კარიერას „კლაუსენეგეს“ 90-94 წანეფს ილაჸაფჷ დო 109 ლაჸაფის 115 გოლი მითიღჷ, 94-96 წანეფს „მოლდეს“ 42 აკოხვალამას 31 გოლი მითიღჷ. ათეშ უკული ფერგიუსონქ „მანჩესტერ იუნაიტედშა“ გინიჸონჷ, სოდეთ 2007 წანაშა ლაჸაფენდ დო 235 ლაჸაფის 91 გოლით გიშერჩქინჷ დუდი. 2007 წანას ათუ მუში მუჭოთ მობურთეშ კარიერა. 2008-2011 წანეფს რდჷ „იუნაიტედიშ“ რეზერვეფიშ მაწვართალი, 2011-2014 წანეფს „მოლდეშ, 2014 წანას „კარდიფიშ“ მაწვართალი, 2015-2019 წანეფს კინ „მოლდეშ“, მორო 2018-2019 წანეფს „მანჩესტერიშ“ კუნტახანური მაწვართალი, 2019-შე რსულნებაბამი მაწვართალი რე.

რესურსები ინტერნეტში[რედაქტირაფა | წყუშ რედაქტირაფა]

სქოლიო[რედაქტირაფა | წყუშ რედაქტირაფა]