ოსვალდ მოსლი
| ოსვალდ მოსლი Oswald Mosley | ||
 მოსლი 1930-იან წანეფს | ||
| ფაშისტეფიშ ბრიტანული რსხუშ ლიდერი | ||
|---|---|---|
| პოსტის გერინაშ ბორჯი | ||
| 1 გჷმათუთა, 1932 – 10 კვირკვე, 1940 | ||
| წიმოხონი | პოსტიქ გიჭყჷ | |
| მონძე | პოსტიქ გეუქვჷ | |
| დუნაბადი | 16 გერგობათუთა, 1896 ლონდონი, ინგლისი | |
| ნაღურა | 3 ქირსეთუთა, 1980 (84 წანერი) ორსე, საფრანგეთი | |
| მენოღალობა |  გოართოიანაფილი ომაფე | |
| პოლიტიკური პარტია | კონსერვატიული პარტია (1918-1922) ლეიბორისტული პარტია (1924-1931) ახალი პარტია (1931-1932) ფაშისტეფიშ ბრიტანული რსხუ (1932-1940) იუნიონისტური ჸარაფი (1948-1973) ევროპაშ ნაციონალური პარტია (1962-1980) | |
| ალმასქუ | 1. სინტია კერზონი 2. დიანა მიტფორდი | |
| სქუალეფი | 5 | |
| გონათაფა | ვინჩესტერიშ კოლეჯი ომაფე ოურდუმე კოლეჯი | |
| საქვარუა | პოლიტიკოსი, ოურდუმე მოღალე | |
სერ ოსვალდ ერნალდ მოსლი, მა-6 ბარონეტი (ინგლ. Sir Oswald Ernald Mosley, 6th Baronet; დ. 16 გერგობათუთა, 1896 — ღ. 3 ქირსეთუთა, 1980) — ბრიტანალი პოლიტიკოსი. შანულამი პოპულარობა მიპალუ 1920-1930-იან წანეფს. მოსლი რდჷ პარლამენტიშ მაკათური 1918-1924 დო 1926-1931 წანეფს. დუდშე წჷმარინუანდჷ კონსერვატიული პარტიას დო უკულ ლეიბორისტული პარტიას.
ოსვალდ მოსლიქ, 1932 წანას დარსხუ ფაშისტეფიშ ბრიტანული რსხუ (ფბრ), ნამუთ ანტისემიტური იდეოლოგიათ იხასიათებუდჷ. მაჟირა მოსოფელიშ ლჷმაშ მიმალობას მოსლი ოჭოფეს, მარა მალას გადუდიშალეს. ბრიტანეთიშ თარობაქ ფბრ ვალეგალურო გეგმაცხადჷ. მოსლიქ პოლიტიკური შანულობა მიოდინუ დო 1950-იან წანეფიშე ურცხოეთის (საფრანგეთი, ირლანდია) ცხოვრენდჷ. უკულიანი პერიოდის, მოსლი ადვოკატირენდჷ პანევროპული ნაციონალიზმის დო ევროპული ნაციაშ იდეოლოგიას. რდჷ ავტორი შხვადოშხვა ესეეფიშ დო წინგეფიშ, სოდეთ მუში პოლიტიკური იდეეფს თხილანდჷ. თიში ნაჭარეფიშე ეიოშანალი რე: "უმოს კაბეტი ბრიტანეთი" (1932) დო "ალტერნატივა" (1947). თიში ავტობიოგრაფიული ხასიათიშ ნახანდიქ "ჩქიმი რინა" გიშართჷ 1968 წანას.