პაკორ II

	‎პაკორ II; 𐭐𐭊𐭅𐭓
	; პაკორ II-შ ტეტრადრაქმა, სელევკიას მუნაჭკირა
პართიაშ მაფა
პოსტის გერინაშ ბორჯი
	78 – 110
წიმოხონი	ვოლოგეზ I
მონძე	ვოლოგეზ III
ნაღურა	110 (48-49 წანერი);
მუმა	ვოლოგეზ I
სქუალეფი	ვოლოგეზ III; აშხადარი; პართამასირი; მერედატე
რელიგია	ზოროასტრიზმი

‎პაკორ II (პართ. 𐭐𐭊𐭅𐭓) — პართიაშ მაფა 78-110 წანეფს, არშაკიდეფიშ დინასტიაშ წჷმმარინაფალი. რდჷ ვოლოგეზ I-შ სქუა. პაკორი მუამუშიწკჷმა ართო მართუნდჷ სახენწჷფოს. ვოლოგეზიშ ღურაშ უკულ, გინირთჷ ხვალახე მამართალო. მარა მალას გურჩქინდჷ კონკურენტიქ - მუში ჯიმაქ, ვოლოგეზ II-ქ. დინასტიური ლჷმაქ ვოლოგეზ II-შ მარცხით გეთუ. 80 წანას, პაკორიშ მეხჷ ეარყჷ მაჟირა ჯიმაქ არტაბან III-ქ, მარა პაკორქ თინა ხოლო დამარცხჷ. 109 წანაშო პაკორს გურჩქინდჷ ხოლო ახალი კონკურენტიქ - ოროზიქ. 110 წანას დოღურჷ პაკორქ დო ხვისტაშა ეშართჷ თიში სქუაქ, ვოლოგეზ III-ქ, ნამუქჷთ გაგინძორჷ ოროზიწკჷმა ლჷმა. ოროზიქ ქიდეკინჷ პართიაშ ბჟადალი ნორთი დო თექ გეჭოფუ ხეშულობა.

პაკორქ მუში მართუალაშ გოძვენას, ეკონომიკური დო ფინანსურო განძალიერჷ პართია. თიქ გაჭყჷ ახალი სავაჭარო სისტემა დო დეხოლჷ რეგიონიშ შხვა სახენწჷფოეფს, გიშაკერზაფილო ჩინეთის. პართიაშ პოლიტიკური დო ეკონომიკური გოლინაქ გედიდჷ ხორეზმის, ბაქტრიას დო ჰინდუქუშის.

რესურსეფი ინტერნეტის

ენციკლოპედია ბრიტანიკა