პაკ ჩონ ჰი

	პაკ ჩონ ჰი
	; ოფიციალური პორტრეტი, 1970 წ.
ობჟათე კორეაშ მა-3 პრეზიდენტი
პოსტის გერინაშ ბორჯი
	17 ქირსეთუთა, 1963 – 26 გჷმათუთა, 1979
წიმოხონი	იუნ ბო სონი
მონძე	ჩჰვე გიუ ჰა
ობჟათე კორეაშ დე-ფაქტო ლიდერი
პოსტის გერინაშ ბორჯი
	16 მესი, 1961 – 17 ქირსეთუთა, 1963
ნაღურა	26 გჷმათუთა, 1979 (61 წანერი); სეული, ობჟათე კორეა
ღურაშ ბაძაძი	ჸვილუა
ნთხორუ აბანი	სეულიშ ერუანული სასაფლა
მენოღალობა	ობჟათე კორეა
პოლიტიკური პარტია	დემოკრატიულ-რესპუბლიკური პარტია
ალმასქუ	1. კიმ ჰო ნამი; 2. იუკ იონ სუ
სქუალეფი	პაკ ჩჟე ოკი; პაკ კინ ჰე; პაკ კინ რიონი; პაკ ჩჟი მანი
გონათაფა	იაპონიაშ იმპერიული არმიაშ ოურდუმე აკადემია; კორეაშ ოურდუმე აკადემია
ხეშმოჭარუა

პაკ ჩონ ჰი (კორ. 박정희, დ. 14 გერგობათუთა, 1917 — ღ. 26 გჷმათუთა, 1979) — ობჟათე კორეალი ოურდუმე მოღალე დო პოლიტიკოსი, ობჟათე კორეაშ მასუმა პრეზიდენტი 1963-1979 წანეფს.

უკინებუდჷ შანულამი ოურდუმე პოსტეფი ობჟათე კორეაშ აკოანჯარაფილი ნძალეფს. 1961 წანას მანწყუ ოურდუმე გინორთა დო ხეშულობა მუქ ქაშეჸოთჷ ხეშა. ჟირი წანაშ გოძვენას რდჷ სახენწჷფოშ მამართალი ხუნტაშ დუდმახვენჯი. 1963 წანას გიშაგორილქ იჸუ პრეზიდენტო. პაკ ჩონ ჰიშ პოლიტიკა იხასიათებუდჷ ანტი-კომუნიზმით დო ამერიკაწკჷმა ხოლო ურთიართობეფით. თიქ ხუჯი დუკინჷ ამერიკული ნძალეფიშ ინტერვენციას ობჟათე-ბჟაეიოლი აზიას დო ვიეტნამშა ჯარეფი ხოლო ქაჯღონჷ. პაკ ჩონ ჰი მეთხოზუდჷ შანულამი ეკონომიკური რეფორმეფიშ დო ინდუსტრიალიზაციაშ პოლიტიკას, შედეგო გეუჯგუშჷ ობჟათე კორეაშ ეკონომიკაქ. ეკონომიკური წჷმოძინას, ნამუსჷთ ობჟათე კორეაქ მიოჭირინუ პაკ ჩონ ჰიშ პოლიტიკაშ შედეგო წყარმალუ ჰანიშ სანწუულს უძახჷნა. 1960-1970-იანი წანეფი, ობჟათე კორეას, ჩებოლეფიშ გოჭყაფაშ დო ფორმაციაშ ბორჯი რდჷ. ჩებოლეფი წჷმარინუანდეს ოფანიე ინდუსტრიული კონგლომერატეფს, ნამუეფსჷთ სახენწჷფო ფინანსურო ოხვარუდჷ. ჸათაშ გიჭყჷ შინელი ობჟათე კორეული, თელ მოსოფელს პოპულარული კომპანიეფქ: Hyundai, LG დო Samsung.

1970-იან წანეფიშე პაკ ჩონ ჰიშ პოპულარობაქ დერკჷ. თიქ მიღჷ იუშინიშ კონსტიტუცია, ნამუთ ავტორიტარული დო ტოტალიტარული ხასიათიში რდჷ. პაკ ჩონ ჰი თხოზუდჷ პოლიტიკური ოპონენტეფს, დისიდენტეფს, შანულამი ცენზურაშ თუდო რდჷ მედია, ხელუანობეფი დო ზიტყვაშ დუდიშულობა. 1979 წანას, პაკ ჩონ ჰი დოჸვილჷ თიში მაჸალექ კიმ ჯე გიუქ, ობჟათე კორეაშ ერუანული ოთოლორე ნინალაშ დუდმახვენჯიქ.

პაკ ჩონ ჰი ოდებელი ფიგურა რე თეხანური ობჟათე კორეას. ნამთინე თიშ მართუალას პოზიტიურო უჯინე დო აფასენს თიშ ეკონომიკური რეფორმეფს, ფინანსური წჷმოძინეფს დო ქიანაშ მოდერნიზაციას. მუჟამსჷთ, ნამთინე ექსპერტეფი პაკ ჩონ ჰის აკრიტიკენა ავტორიტარული მართუალაშ გეშა.

ქოძირით თაშნეშე

ობჟათე კორეაშ პრეზიდენტი

რესურსეფი ინტერნეტის

ენციკლოპედია ბრიტანიკა

თე სტატია ობჟათე კორეაშ დო კორეალეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.