პალესტინაშ ისტორიაშ არაბული პერიოდი

ვიკიპედია-შე
Jump to navigation Jump to search

პალესტინაშ ისტორიაშ არაბული პერიოდიპალესტინაშ ისტორია 6401099 წწ. პერიოდის.

ისტორია[რედაქტირაფა | წყუშ რედაქტირაფა]

638 წანას, არაბეფქ ხალიფა უმარიშ დუდალათ ქჷდიჸუნეს იერუსალიმი. 640 წანაშო ედომუშამი პალესტინა არაბეფიშ პატჷნალას რდჷ დო არაბეფიშ ოხალიფეშ აკოდგინალუაშა მიშმეშჷ.

დინოხლოენი დგომარობა[რედაქტირაფა | წყუშ რედაქტირაფა]

ისლამიშ გოფაჩუათ ოთხი მართალმოწრუმე ხალიფაქ თი დჷნოსქვიშა მერთეს, ნამჷ-და თინეფიშ ურთიართობა ახალი დჷნაჸუნეფწკჷმა დორეგულირაფილი ოკო რდჷკო კანონიშ ფარგალეფს. უკვე უმარი, მაჟირა ხალიფა წჷმიმორაგადე მუჰამედიშ უკული, თე შარას გეჸუნდჷ. კერპთაყვანიშმაჩამალობა ვაშინერდჷ, მარა ქირსეანეფს დო იუდეარეფს მუჭოთ წიმინდე ნაჭარაშ მაპალუეფს, ვაწუხენდეს თითო შურიშ ოგაფურიშ ვალდვალაშენ. თინეფს სახენწჷფო ნინალაშა ვამითმიაშქვანდეს, თინეფიშ რელიგიაშ პროპაგანდა გოხურგელი რდჷ. თე გოხურგუეფიშ უმკუჯინალო, პალესტინას მახორუ ურიეფი ხალიეფიშ მართუალაშ გიმე უმოსო თხილრი რდეს, ვინდარო თინეფიშ უწოხოლეში მაპატჷნალეფი.

აბასიანეფიშ დინასტიაშ ბორჯის პალესტინას იქტაშ სისტემაქ გიფაჩჷ, ჸაზახეფიშ ექსპლუატაციაქ გეჭყანიერჷ, მახორობაშ არაბიზაცია დო ისლამიზაცია მიშჷ, ქირსიანეფიშ სამართალებური დგომარობა იურესებუდჷ. თე ირფელქ რანწკი ოკათე უბაღინელაფაშ ბაძაძო გჷნირთჷ, თინეფს შქას 842 წანაშ არყებაშ აბუ ჰარბაშ დუდალათ. აბასიანეფიშ ოხალიფეშ აკოცჷმაშ უკული, პალესტინა პერიოდულო გინმიშჷ ეგვიპტური ტულუნიდეფიშ, იხშიდიდეფიშ დო ბოლოს ფატიმიდეფიშ დინასტიეფიშ პატჷნალაშა.

ეკონომიკა[რედაქტირაფა | წყუშ რედაქტირაფა]

IX—XI ოშწანურეფს პალესტინას ეკონომიკური ეჸონაფა რდჷ. იმუშებუაფუდჷ დიდი ოფუტეშ მეურნობაშ ფართობეფი. იერუსალიმს, ნამუთ იუდაიზმიშ, ქირსიანობაშ დო ისლამიშ რელიგიური ცენტრი რდჷნ, XI ოშწანურას დოხოლაფირო 40 ვითოში ადამიერი ოხორანდჷ. ოწყარპიჯე ნოღეფს — აკოს, აშკელონს, ღაზას დო კესარიას თელარი ვაჭარუა მიშჷ.

ჯვაროსანეფი[რედაქტირაფა | წყუშ რედაქტირაფა]

1099 წანას, პალესტინა მაართა ჯვაროსანული ლესქერობაშ შედეგო ქჷდიჸუნეს ჯვაროსანეფქ დო იერუსალიმიშ ომაფეშ ნორთო გჷნირთჷ.

თაშნეშე ქოძირით[რედაქტირაფა | წყუშ რედაქტირაფა]

რესურსეფი ინტერნეტის[რედაქტირაფა | წყუშ რედაქტირაფა]