პაულ შერერი
| პაულ შერერი | |
| გერმ. Paul Scherrer | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ეკენია 25, 1969 (79 წანერი) |
| ღურაშ აბანი: |
ციურიხი, შვეიცარია |
| მენოღალობა: | |
| ომენცარე სფერო: | |
| სამუშაშ აბანი : |
ციურიხიშ ფედერალური ტექნოლოგიეფიშ ინსტიტუტი |
| ალმა-მატერი: |
ციურიხიშ ფედერალური ტექნოლოგიეფიშ ინსტიტუტი |
| ომენცარე ხემანჯღვერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
მარსელ ბენუაშ პრემია (1943) |
| ხეშმოჭარუა: |
|
პაულ ჰერმან შერერი (გერმ. Paul Hermann Scherrer, დ. 3 ფურთუთა, 1890 — ღ. 25 ეკენია, 1969) — შვეიცარიალი ფიზიკოსი. შერერიქ, პეტერ დებაიწკჷმა ართო მიშეღჷ კაბეტი თია რენტგენული დიფრაქციაშ ანალიზიშ მეთოდიშ გოვითარაფაშა. დებაი-შერერიშ მეთოდი ფართას გიმირინუაფჷ ჸეთი მასალეფიშ იდენტიფიკაციაშო, ნამუეფით დიდი დო რსულჸოფილი კრისტალეფს ეფას ვამწჷმოქიმინუნა.
პაულ შერერი გურაფულენდჷ შვეიცარიაშ ფედერალური პოლიტექნიკუმს (ციურიხიშ ფედერალური ტექნოლოგიეფიშ ინსტიტუტი). უკულ გურაფა გაგინძორჷ გეტინგენიშ უნივერსიტეტის, სოდეთ თხილუ ოდოქტორე დისერტაცია. თიში ოდოქტორე დისერტაციაშ თემა რდჷ ფარადეიშ ეფექტი წყარბადიშ მოლეკულეფს. 1916 წანას შერერიქ გეჩინებაფუ პეტერ დებაი, ნამუწკჷმა ართო თიქ აკიმუშუ კრისტალეფიშ სტრუქტურული ანალიზიშ მეთოდი რენტგენიშ გჷმოჩხორიაფაშ გჷმორინაფათ. შერერი რდჷ ციურიხიშ უნივერსიტეტიშ ფიზიკაშ პროფესორი 1916-1960 წანეფს დო ფიზიკაშ ინსტიტუტიშ დირექტორი 1920-1960 წანეფს. 1946 წანას, შერერი ქუდარინეს შვეიცარიაშ ბირთვული ენერგიაშ კომისიაშ პრეზიდენტო. პაულ შერერიშ ჯოხონობაშ რე მიარედისციპლინური რკვიებეფიშ ცენტრი, ნამუქჷთ დირსხუ 1988 წანას ფედერალური რეაქტორული რკვიებეფიშ ცენტრიშ (დირსხუ 1960 წანას) დო შვეიცარიაშ ბირთვული ფიზიკაშ ინსტიტუტიშ (1968) გოართოიანაფაშ შედეგო.