პეგი ეშკროფტი

ოსურპატჷნ
პეგი ეშკროფტი
	ოსურპატჷნ; პეგი ეშკროფტი
	Peggy Ashcroft
	; ეშკროფტი 1936 წანას
ჯოხო დაბადება შვანს	ედით მარგარეტ ემილი ეშკროფტი
მოღალობა	1929–1991
	ბიოგრაფიული ჩინებეფი
დაბადებაშ თარიღი	22 ქირსეთუთა, 1907
დაბადებაშ აბანი	კროიდონი, სურეი, ინგლისი
ღურაშ თარიღი	მანგი 14, 1991 (83 წანერი)
ღურაშ აბანი	ჰემპსტედი, ლონდონი, ინგლისი
ნთხორუაშ აბანი	ვესტმინსტერიშ სააბატო (ნოჭვ ნთხორილ რე თექ)
საქვარუა:	არტისტი
მენოღალობა	გოართოიანაფილი ომაფე
ერუანობა	ინგლისარი
ალმასქუ	რუპერტ ჰარტ-დეივისი (გ. 1929; ჩეთხ. 1933); თეოდორ კომისარიევსკი (გ. 1934; ჩეთხ. 1936); ჯერემი ჰატჩინსონი (გ. 1940; ჩეთხ. 1965);
სქუალეფი	2
ჯილდოეფი:	ოსკარი საუჯგუშო მაჟირახარისხამ არტისტ ოსურიშო (1984); ; BAFTA საუჯგუშო არტისტ ოსურიშო (1984); ; DBE (1956);
	;

ედით მარგარეტ ემილი „პეგი“ ეშკროფტი (ინგლ. Edith Margaret Emily "Peggy" Ashcroft; დ. 22 ქირსეთუთა, 1907 — ღ. 14 მანგი, 1991) — ინგლისარ არტისტ ოსურ რდჷ, ნამუშ კარიერაქ 60-წანამ ბორჯშე უმოსის იგჷნძორებუდჷნ, მუჭოთ ეკრანს, თეშ სცენას. ეშკროფტიქ დებადჷ ოშქაშე კლასიშ ფანიას კროიდონს, სურეის. მასქერეფიშ აწორინალაშ უმკუჯინალო, თის ჭიჭენობაშე გინოჭყვიდილ აფუდჷ, ნამჷ-და არტისტო გინორთელედჷკონ. თინა დრამატულ სკოლაშ თებაშა უკვე მუშენდჷ მორჩილ თეატრეფს დო ჟირ წანაშ განწეხანს თიქ უკვე უესტ-ენდიშ მურიცხო გინირთჷ. ეშკროფტიქ მუმალ 50 წანაშ განწეხანს ბრიტანულ თეატრის ლიდერიშ პოზიცია ქისქილიდჷ. თინა ირო თეატრალურ ანსამბლეფიშ იდეალით რდჷ დარწუმებული. თიქ მუშ მოღალობაშ კაბეტ ნორთ მეუძღვინჷ: ოლდ ვიკის (1930-იან წანეფიშ დაჭყაფუს); ჯონ გილგუდიშ დასეფს (1930-იან დო 1940-იან წანეფს); შექსპირიშ მემორიალურ თეატრის დო თიშ მოთირუ ომაფე შექსპირულ დასის (1950-იან წანეფშე); ერუანულ თეატრის (1970-იან წანეფშე).

თიშ უმკუჯინალო, ნამჷ-და თინა აღიარებულ რდჷ შექსპირიშ როლეფს, ეშკროფტ თაშნეშე ჩინებულ რდჷ მუშ ალმახანურ დრამაშ ართგულობათ; თინა ლაჸაფენდჷ ბერტოლტ ბრეხტიშ, სემიუელ ბეკეტიშ დო ჰაროლდ პინტერიშ პიესეფს. 1980-იან წანეფშა თიშ კარიერა თარო თეატრის იკათუანდჷ, მარა უკულ თიქ ტელევიზიას დო კინოს მიოჭირინუ კაბეტ წჷმოძინას.

რესურსეფ ინტერნეტის

პეგი ეშკროფტი — კინოფილმეფიშ ინტერნეტ მუნაჩემეფიშ ბაზას (ინგლისური)
პეგი ეშკროფტი — ბროდვეიშ ინტერნეტ მუნაჩემეფიშ ბაზას (IBDb) (ინგლისური)