პიერ ბუიოია
| პიერ ბუიოია Pierre Buyoya | ||
 ბუიოია 2013 წანას | ||
| ბურუნდიშ მა-3 დო მა-7 პრეზიდენტი | ||
|---|---|---|
| პოსტის გერინაშ ბორჯი | ||
| 25 კვირკვე, 1996 – 30 პირელი, 2003 | ||
| პრემიერ-მინისტრი | პასკალ- ფირმინ ნდიმირა (1996-1998) | |
| წიმოხონი | სილვესტრ ნტიბანტუნგანია | |
| მონძე | დომიტიენ ნდაიზიეი | |
| პოსტის გერინაშ ბორჯი | ||
| 3 ეკენია, 1987 – 10 კვირკვე, 1993 | ||
| პრემიერ-მინისტრი | ადრიენ სიბომანა | |
| წიმოხონი | ჟან-ბატისტ ბაგაზა | |
| მონძე | მელქიორ ნდადაიე | |
| პოსტის გერინაშ ბორჯი | ||
| 30 პირელი, 2003 – 7 მანგი, 2018 | ||
| დუნაბადი | 24 გერგობათუთა, 1949
რუტოვუ, რუანდა-ურუნდი | |
| ნაღურა | ქირსეთუთა 17,, 2020 (71 წანერი)
ბონეი-ან-ფრანსი, საფრანგეთი | |
| ნთხორუ აბანი | ბამაკო (2020-2024) რუტოვუ (2024 წანაშე) | |
| მენოღალობა |  ბურუნდი | |
| პოლიტიკური პარტია | რსხუ ნაციონალური პროგრესიშო | |
| ალმასქუ | სოფი ნტარაკა | |
| სქუალეფი | 4 | |
| გონათაფა | ომაფე ოურდუმე აკადემია | |
| საქვარუა | ოურდუმე მოღალე, პოლიტიკოსი | |
პიერ ბუიოია (დ. 24 გერგობათუთა, 1949 — ღ. 17 ქირსეთუთა, 2020) — ბურუნდალი ოურდუმე მოღალე დო პოლიტიკოსი, ბურუნდიშ რანწკით მა-3 დო მა-7 პრეზიდენტი 1987-1993 დო 1996-2003 წანეფს.
ორხველუდჷ ტუტსეფიშ ეთნიკურ ბუნას. გურაფულენდჷ ბელგიაშ ომაფე ოურდუმე აკადემიას. ნინალენდჷ ბურუნდიშ აკოანჯარაფილ ნძალეფს, სოდეთ შანულამ წჷმოძინეფს მიოჭირინუ. 1987 წანას, ბუიოიაქ მანწყუ უზისხირე ოურდუმე გინორთა, ქუდახუ ჟან-ბატისტ ბაგაზაშ მართუალა დო ხეშულობა მუქ ქაშეჸოთჷ ხეშა.[1] თიშ მართუალა იხასიათებუდჷ რეპრესიეფით დო ავტორიტარიზმით. 1988 წანას ბურუნდის არდგილი უღუდჷ არეულობეფს ეთნიკური კონფლიქტიშ გეშა. თე წანაშ მარაშინათუთას, ტუტსეფქ მანწყუეს ჰუტუეფიშ ეთნიკური ბუნაშ წჷმმარინაფალეფიშ მასობური ზღოდუა. ბუიოიაშ მანჯღვერალათ გიჭყჷ ერუანული გარიგაშ კომისიაქ დო 1992 წანას მეღებულქ იჸუ ახალი კონსტიტუციაქ, ნამუქჷთ გაჭყჷ მიარე-პარტიული სისტემა.[2] 1993 წანაშ საპრეზიდენტო გიშაგორუეფს, ბუიოია დამარცხჷ ეთნიკურო ჰუტუ კანდიდატიქ მელქიორ ნდადაიექ, ნამუთ წჷმარინუანდჷ ოპოზიციურ პარტიას ბურუნდიშ დემოკრატიული ფრონტის. პრეზიდენტიშ პოსტი ნდადაიექ ქიდეკინჷ, მარა სუმ თუთაშ უკულ არდგილი უღუდჷ სახენწჷფო გინორთაშ ცადებას, ნამუშ შედეგო ჸვილირქ იჸუ ნდადაიექ. ჸათე პროცესეფს უკულ ბურუნდიშ ომენოღალე ლჷმაქ მაჸუნჷ. ლჷმაშ მიმალობას, ბუიოიაქ ხეშულობაშა დირთჷ 1996 წანას მოხვალამირ ოურდუმე გინორთაშ შედეგო. მაჟირა მართუალაშ ბორჯის, თიქ გაჭყჷ ეთნიკურო ინკლუზიური თარობა. 2000 წანას ხე მაჭარეს არუშაშ ოთინჩალე ხეკულუას, ნამუშ შედეგო მეჭყორდჷ ბურჯაფიქ მალჷმარ აკანეფიშ უმენტაშობას შქას. მედიატორიშ როლ არსულჷ ტანზანიაშ პრეზიდენტიქ, ჯულიუს ნიერერექ. ბუიოიაქ ეთნიკურო ჰუტუ დომიტიენ ნდაიზიეი ქჷმწარინუ ვიცე-პრეზიდენტო. ჟირ წანაშ უკულ ნდაიზიეიქ დოთირუ ბუიოია პრეზიდენტიშ პოსტის. ომენოღალე ლჷმაქ რსულას 2005 წანას ითუ. 2003 წანაშ პირელიშე ბუიოიაქ გინირთჷ სადღამუშო სენატორო.[3]
ქოძირით თაშნეშე
[რედაქტირაფა | წყუშ რედაქტირაფა]სქოლიო
[რედაქტირაფა | წყუშ რედაქტირაფა]- ↑ Burundi's ex-president Pierre Buyoya dies aged 71 (2020-12-18).
- ↑ Burundi's ex-president Pierre Buyoya dies aged 71 (2020-12-18).
- ↑ Burundi's ex-president Pierre Buyoya dies aged 71 (2020-12-18).