პიერ ვერნერი
| პიერ ვერნერი Pierre Werner | ||
 | ||
| ლუქსემბურგიშ პრემიერ-მინისტრი | ||
|---|---|---|
| პოსტის გერინაშ ბორჯი | ||
| 16 კვირკვე, 1979 – 20 კვირკვე, 1984 | ||
| მონარქი | ჟანი | |
| წიმოხონი | გასტონ ტორნი | |
| მონძე | ჟაკ სანტერი | |
| პოსტის გერინაშ ბორჯი | ||
| 2 მელახი, 1959 – 15 მანგი, 1974 | ||
| მონარქი | შარლოტა ჟანი | |
| წიმოხონი | პიერ ფრიდენი | |
| მონძე | გასტონ ტორნი | |
| დუნაბადი | 29 ქირსეთუთა, 1913 სენტ-ანდრე-ლე-ლილი, საფრანგეთი | |
| ნაღურა | 24 მანგი, 2002 (88 წანერი) ლუქსემბურგი, ლუქსემბურგი | |
| მენოღალობა |  ლუქსემბურგი | |
| პოლიტიკური პარტია | ქირსიან-სოციალური ოკათე პარტია | |
| გონათაფა | პარიზიშ უნივერსიტეტი პარიზიშ პოლიტიკური რკვიებეფიშ ინსტიტუტი | |
| რელიგია | კათოლიციზმი | |
პიერ ვერნერი (ლუქს. Pierre Werner; დ. 29 ქირსეთუთა, 1913 — ღ. 24 მანგი, 2002) — ლუქსემბურგალი პოლიტიკოსი, ლუქსემბურგიშ პრემიერ-მინისტრი 1959-1974 დო 1979-1984 წანეფს.
ბიოგრაფია
[რედაქტირაფა | წყუშ რედაქტირაფა]გურაფულენდჷ იურისპრუდენციას პარიზიშ უნივერსიტეტის. უკულ გურაფა გაგინძორჷ პარიზიშ პოლიტიკური რკვიებეფიშ ინსტიტუტის. ოდოქტორე დისერტაცია თხილუ 1938 წანას. აქტიურო ოკათუდჷ შხვადოშხვა სტუდენტური ჸარაფეფს: 1935-1937 წანეფს რდჷ კათოლიკე სტუდენტეფიშ ასოციაციაშ დუდმახვენჯი დო 1937 წანას Pax Romana-შ ორგანიზაციაშ ვიცე-პრეზიდენტი. 1938 წანაშე მოღალენდჷ იურისტო დო უკულ ბანკირო. ნაცისტეფიშით ლუქსემბურგიშ ოკუპაციაშ (1940-1945) მიმალობას, ხუჯი დუკინჷ ანტი-ოკუპაციური ნძალეფს დო თინეფს ტყობას ხოლო ოხვარუდჷ. მაჟირა მოსოფელიშ ლჷმაშ თებაშ უკულ, მუშენდჷ საბანკო სექტორიშ კონტროლიორო. ვერნერი მონაწილენდჷ ბრეტონ-ვუდსიშ კონფერენციას, ნამუქჷთ დარსხუ საირქიანო სავალუტო ფონდი.
1953 წანას, ვერნერი ქუდარინეს ფინანსეფიშ მინისტრო. 1959-1974 დო 1979-1984 წანეფს თის უკებუდჷ ლუქსემბურგიშ პრემიერ-მინისტრიშ პოსტი. შხვადოშხვა ბორჯის, ვერნერს თაშნეშე უკინებუდჷ დუდთხილუაშ, გალენური საქვარეფიშ, იუსტიციაშ მინისტრიშ პოსტეფი.
პრემიერ-მინისტრობაშ ბორჯის, ვერნერი დუდენდჷ კოალიციური თარობას. მართუალაშ გოძვენას, ვერნერი აქტიურო ოცადუდჷ ერუანული ეკონომიკაშ დივერსიფიკაციას, ახალი ინვესტიციეფიშ დო ფინანსური სერვისეფიშ მიშაღალას ლუქსემბურგიშა. ვერნერიშ გალენური პოლიტიკაშ თარი ღანკი ევროპული ინტეგრაცია რდჷ. მაჸალეეფწკჷმა, ჟან მონეწკჷმა დო რობერ შუმანიწკჷმა ართო ვერნერი რდჷ ევროინტეგრაციაშ ართ-ართი უშანულამაში ადვოკატი. ვერნერი რდჷ ართ-ართი მაართა პოლიტიკოსი ნამუქჷთ წჷმარინუ ევროპაშ ართოიანი ვალუტაშ იდეა. ჸათეშ გეშათ თის ევროშ მუმას ხოლო უძახჷნა.[1]
სქოლიო
[რედაქტირაფა | წყუშ რედაქტირაფა]ქოძირით თაშნეშე
[რედაქტირაფა | წყუშ რედაქტირაფა]რესურსეფი ინტერნეტის
[რედაქტირაფა | წყუშ რედაქტირაფა]- Bates, Stephen. “Pierre Werner: the man who dreamed up the euro“, The Guardian, 28 June 2002. კითხირიშ თარიღი: 15 July 2006.