პოდჰალე
პოდჰალე ([pɔtˈalɛ] (
მორჩქილა); აიწ. 'შუშელეფიშ გიმე'), კანკალეშა მიშინუანა მუჭოთ პოლონეთიშ ლაკადა — პოლონეთიშ ობჟათე მუხურიშ რეგიონი. პოდჰალე იდვალუაფუ კარპატიშ გვალეფიშ ტატრაშ ქჷნდჷრიშ გაბარს. ისტორიულო გურალეფით დოხორელი გურალეფიშ დიხაშ არძაშე ჩინებული რეგიონი რე.[1] ისტორიული რეგიონი მორჩილი პოლონეთიშ აკოდგინალუაშა მიშმურს.
აბანობური ფოლკლორი
[რედაქტირაფა | წყუშ რედაქტირაფა]რეგიონს პოლონეთიშ შხვა ოკათე კულტურეფშე გინორთი უღჷ მუში უნიკალური ფოლკლორით, ნამუთ თე რეგიონშა მიშეღეს ოორუეშე მადვალი მორჩილი პოლონეთიშე გინოხორილეფქ, თაშნეშე XIV–XVII ოშწანურეფს, მიგრაციაშ ბორჯის ნორთობურო ვლახი გუმოხორილეფშე. ჯოხოდვალა პოდჰალე მარგალურ ნინაშა აიწორო გინმითანგუ მუჭოთ „გვალეფიშ გიმე“.[2] აკმოდირთუ ჟირი ზიტყვაშე. გურალურ დიალექტის, ალპური ტუნდრაშა უჯოხონა hala (მიარ.: hale), პოლონური "pod" მარგალურო რე "გიმე".
რეგიონს რაგადანა შხვადოშხვა გურალური დიალექტშა, თაშნეშე პოლონური ნინაშა.
რეგიონალური ოქინაფუეფი
[რედაქტირაფა | წყუშ რედაქტირაფა]რეგიონიშ ოქინაფუეფს შკას რე გვალაშ კურორტი ზაკოპანე დო ტობა მორსკიე ოკო („ზუღაშ თოლი“), ნამუთ აბანობურ ლეგენდაშ მეჯინათ, ადრიატიკაშ ზუღაწკჷმა მერსხილი რე დიხაშთუდონი გიშალეფით. გორცეშ გვალეფიშ ლეხერს, წყარმალუ დუნაეციშ მანგას მადვალი ნოღა ნოვი-ტარგი, რეგიონიშ ნანანოღა რე. ლუჯმიეჟის რე რეგიონიშ უძვეშაში დუდოხვამერი — ლუჯმიეჟიშ დიაღორონთიშ ოხვამერი (Bazylika Wniebowzięcia Najświętszej Marii Panny w Ludźmierzu), ნამუთ თაშნეშე ჩინებული რე მუჭოთ პოდჰალეშ დიაჸუდეში ვარ-და გურალურო Gaździna Podholańsko (გაჟჯინა პოდჰოლანსკო).
თე რეგიონიშ მახორუეფი თარო ჩინებული რენა ოსციპეკით, ჩხოუშ დო შხურიშ აკნაბუნა ბჟაშე ეშნაღელი ჸვალით, თაშნეშე მუსიკათ დო ოთხილამურე ტრასეფით. ზოთონს, პოლონეთიშ არძაშე უპოპულარაში ტურისტული აბანი რე.
ჩინებული პოდჰალარეფი
[რედაქტირაფა | წყუშ რედაქტირაფა]- იან კანტი ანდრუშიკიევიჩი
- კლიმეკ ბაჰლედა
- ტიტუს ჰაუბინსკი
- სტანისუავ ჯივიში
- ანდჟეი გალიცა
- სევერინ გოშჩინსკი
- ვუადისუავ ჰაშიორი
- მიეჩისუავ კარუოვიჩი
- იუზეფ ლეოპოლდ კმიეტოვიჩი
- იან კშეპტოვსკი (საბაუა)
- პიოტრ კუუაჰი
- ვოიჩეჰ კუუაჰი
- იუზეფ მაჩიაში
- კორნელ მაკუშინსკი
- სტანისუავ მარუსაჟი
- ჰელენა მარუსაჟუვნა
- ვუადისუავ ორკანი
- იან გვალბერტ პავლიკოვსკი
- კაჟიმიეჟ პშერვა-ტატმაიერი
- ანტონი ჟონსა
- იუზეფ სტოლარჩიკი
- აუგუსტინ სუსკი
- კაროლ შიმანოვსკი
- იუზეფ ტიშნერი
- სტანისუავ ვიტკიევიჩი
- მარიუშ ზარუსკი
- ვაცუავ კშეპტოვსკი
- კამილ სტოჰი
თაშნეშე ქოძირით
[რედაქტირაფა | წყუშ რედაქტირაფა]- ჩორშტინი
- წყარმალუ დუნაეციშ ლეხერი
- გურალეფი
- პიენინეფი
- პოლონური ტატრაშ ნაგაზი
- ნიეჯიცა
- ნიეჯიცაშ ჯიხა
- ლუჯმიეჟიშ დიაღორონთიშ ოხვამერი
- შჩავნიცა
რესურსეფი ინტერნეტის
[რედაქტირაფა | წყუშ რედაქტირაფა]- პოდჰალანური ფოლკლორი (პოლ.)
სქოლიო
[რედაქტირაფა | წყუშ რედაქტირაფა]- ↑ Skarby Górali (pl-pl). კითხირიშ თარიღი: 2021-12-05.
- ↑ Home -Geography - Podhale and Tatry. კითხირიშ თარიღი: 2008-03-14.