პოლ სკოფილდი

პოლ სკოფილდი
	პოლ სკოფილდი
	Paul Scofield
	; სკოფილდი 1975 წანას
ჯოხო დაბადება შვანს	დევიდ პოლ სკოფილდი
მოღალობა	1940–2006
	ბიოგრაფიული ჩინებეფი
დაბადებაშ თარიღი	21 ფურთუთა, 1922
დაბადებაშ აბანი	ბირმინგემი, ინგლისი
ღურაშ თარიღი	მელახი 19,, 2008 (86 წანერი)
ღურაშ აბანი	ბრაიტონი, ინგლისი
ნთხორუაშ აბანი	ჯეგე მარიამიშ ოხვამეშ საფულა, ბალკომბი
საქვარუა:	არტისტი
მენოღალობა	გოართოიანაფილი ომაფე
ერუანობა	ინგლისარი
ალმასქუ	ჯოი პარკერი (გ. 1943)
სქუალეფი	2
ჯილდოეფი:	ოსკარი საუჯგუშო არტისტ კოჩი (1966); ; BAFTA საუჯგუშო ბრიტანეთიშ არტისტი (1966); CBE, CH;
	;

დევიდ პოლ სკოფილდი (ინგლ. David Paul Scofield; დ. 21 ღურთუთა, 1922 — ღ. 19 მელახი, 2008) — ინგლისარ არტისტი. 60-წანიანი კარიერაშ განწეხანს, სკოფილდიქ მიღჷ არტისტიშ სუმფა გურგინი (Triple Crown of Acting) — თიქ მუშ მოღალობაშო დეინალჷ ოსკარი, პრაიმტაიმ ემი დო ტონი. სკოფილდიქ ჯოხო გიჸოთჷ, მუჭოთ ართ-ართ უკაბეტაშ შექსპირალ მარსულებერქ. თიქ ვარია თქუ აიარიშ წოდებაშენ, მარა 1956 წანას CBE-შ კომანდორო გინირთჷ, 2001 წანას — CH-შ მოღვენო.

სკოფილდიქ მიღჷ ტონი საუჯგუშო არტისტი კოჩიშო პიესას სერ ტომას მორიშ როლიშო „არძა ბორჯიშ ადამიერიშ“ ბროდვეიშ დოდგუმას (1962). ოთხ წანაშ უკული, თიქ მიღჷ ოსკარი საუჯგუშო არტისტი კოჩიშო, მუჟანსჷთ თე როლ 1966 წანაშ ფილმის გიმაჟირჷნ; თეშნერო, თინა რდჷ ართ-ართ თი ვითაართ არტისტშე, ნამუეფქჷთ ართნერ როლიშო ტონიშ დო ოსკარიშ ჯილდოეფ მიღესჷნ. თიქ თაშნეშე მიღჷ პრაიმტაიმ ემი ფილმიშო „გვარობაშ ქომოლკოჩი“ (Male of the Species, 1969).

სკოფილდიქ აღიარება მიპალჷ როლეფშო თიჯგურა ფილმეფს, მუნერით რე „მახინწალი“ (1964), „მაფა ლირი“ (1971), „ცაცია ბალანსი“ (1973), „ჰენრი V“ (1989) დო „ჰამლეტი“ (1990). თიქ მარკ ვან დორენიშ როლ ილაჸაფჷ ისტორიულ დრამას „ვიქტორინა“ (Quiz Show, 1994), მუდგაშოთ მიღჷ ნომინაცია ოსკარს საუჯგუშო მაჟირახარისხამ არტისტ კოჩიშო. თომას დენფორთიშ როლიშო ფილმის „სამანცური“ (The Crucible, 1996) თიქ მიღჷ BAFTA-შ პრემია საუჯგუშო მაჟირახარისხამ არტისტ კოჩიშო.