დინორეშა გინულა

პრაბოვო სუბიანტო

ვიკიპედიაშე
პრაბოვო სუბიანტო
პრაბოვო სუბიანტო
ოფიციალურ პორტრეტი, 2024
ინდონეზიაშ მა-8 პრეზიდენტი
თეჟამიანი პოსტი
დეკინჷ2024 წანაშ 20 გჷმათუთა
ვიცე-პრეზიდენტი  გიბრან რაკაბუმინგ რაკა
წიმოხონიჯოკო ვიდოდო
პოსტის გერინაშ ბორჯი
2019, 23 გჷმათუთა – 2024, 20 გჷმათუთა
პრეზიდენტიჯოკო ვიდოდო
წიმოხონირიამიზარდ რიაჩუდუ
მონძეშიაფრი შიამსუდინი
პარტია „გერინდრაშ“ გენერალურ დუდმახვენჯი
წიმოხონისუჰარდი
დუნაბადი17 გჷმათუთა, 1951 (1951-10-17) (74 წანერი)
ჯაკარტა, ინდონეზია
მენოღალობაინდონეზია
პოლიტიკური პარტიაგერინდრა
მუმასუმიტრო ჯოჯოჰადიკუსუმო
ნანადორა მარი სიგარი
ალმასქუსიტი ჰედიატი ჰარიადი (გ. 1983; ჩეთხ. 1998)
სქუალეფიდიდიტ ჰედიპრასეტიო
გონათაფაინდონეზიაშ ოურდუმე აკადემია
პროფესიაპოლიტიკოსი, ოურდუმე მოღალე
რელიგიაისლამი
ხეშმოჭარუა
ვებ-საიტიpresidenri.go.id

პრაბოვო სუბიანტო ჯოჯოჰადიკუსუმო (ინდო. Prabowo Subianto Djojohadikusumo; თეხანურ ინდონეზიურ ორთოგრაფიათ, თიში გვარი იჭარუ მუჭოთ Joyohadikusumo, დ. 17 გჷმათუთა, 1951) — ინდონეზიარ პოლიტიკოსი, ბიზნესმენ დო ჸოფირ ოურდუმე ოფიცერი, ნამუსჷთ 2024 წანაშ 20 გჷმათუთაშე ინდონეზიაშ მაბრუო პრეზიდენტიშ პოსტ უკებჷ. კინოხ, 2019-2024 წანეფს, თინა მოღალენდჷ მუჭოთ დუდთხილუაშ 26-ა მინისტრ პრეზიდენტ ჯოკო ვიდოდოშ ადმინისტრაციას. პრაბოვო რე ინდონეზიაშ მასუმა პრეზიდენტ ოურდუმე წჷმოულობათ სუჰარტოშ დო სუსილო ბამბანგ იუდოიონოშ უკული, თაშნეშე ინდონეზიაშ ისტორიას პირველ ხანით გიშაგორილ არძაშე ხანიერ პრეზიდენტ რე.

პრაბოვოქ 1970 წანას გათუ ინდონეზიაშ ოურდუმე აკადემია დო თარო მოღალენდჷ სპეციალურ ნძალეფს (Kopassus), 1998 წანას სტრატეგიულ რეზერვეფიშ დუდალაშ (Kostrad) ხემანჯღვერო ქჷდარინუესჷნ. მოგვიანეთ, თიმ წანას თინა ოურდუმე სამუშაშე გუტუეს დო მოგვიანეთ ვარებულ აფუდჷ ააშ-შა მინულა ადამიერიშ ნებეფიშ ორჩანიე აკორცუაფაშ გეშა.[1][2][3][4][5]

2008 წანაშ დაჭყაფუს, პრაბოვოშ დო თიშ წირეშ მაკათურეფქ ქჷდარსხუეს პარტია „გერინდრა“. 2009 წანაშ საპრეზიდენტო გიშაგორუეფს თინა ვიცე-პრეზიდენტობაშ კანდიდატ რდჷ მუჭოთ მეგავატი სუკარნოპუტრიშ მოჭკობე, მარა თე გიშაგორუეფს დემარცხჷ.[6] 2014 წანას თიქ საპრეზიდენტო გიშაგორუეფს ქაკათჷ,[7] სოდეთ ჯაკარტაშ გუბერნატორ ჯოკო ვიდოდოწკჷმა დემარცხჷ; დუდშენო პრაბოვო თე შედეგეფს ვაღიარენდჷ დო ონირზუდჷ.[8] 2019 წანას თიქ კჷნე წჷმარინუჷ კანდიდატურა პრეზიდენტობაშა ჯოკო ვიდოდოშ მეხჷ. თიშ მეჭკობე (ვიცე-პრეზიდენტობაშ კანდიდატი) რდჷ სანდიაგა უნო, თაშნეშე ხუჯის უკინენდეს პარტია „გერინდრა“, ჯგირობუაშ დო სამართალიანობაშ პარტია (PKS), ერუანულ მანდატიშ პარტია (PAN), დემოკრატიულ პარტია (Demokrat) დო პარტია „ბერკარია“.[9][10] პრაბოვოქ კჷნე ივარუ გიშაგორუეფიშ შედეგეფიშ აღიარაფა, ნამუქჷთ თიშ მოხუჯეეფიშ საპროტესტო აქციეფ დო ჯაკარტას არეულობა გჷმიჭანუ.[11] მარა, თე კონწარი აწორინალაშ უკული, პრაბოვოქ ქაკათჷ ჯოკო ვიდოდოშ კაბინეტის დო 2019-2024 წანეფიშ განწეხანს დუდთხილუაშ მინისტრიშ პოსტ უკებუდჷ.[12]

2021 წანაშ 10 გჷმათუთას, პარტია „გერინდრაქ“ პრაბოვო 2024 წანაშ საპრეზიდენტო გიშაგორუეფს მუშ კანდიდატო გეგმაცხადჷ.[13] 2022 წანაშ 12 მარაშინათუთას, პრაბოვოქ დადასურჷ, ნამჷ-და იღენდჷ „გერინდრაშ“ წჷმორინაფასჷნ.[14] პრაბოვოქ გიშაგორუეფს გომორძგუა 2024 წანაშ 14 ფურთუთას გეგმაცხადჷ, მუჟანსჷთ პირველურ ვაოფიციალურ გითოკითხუეფით თინა პირველ ტურშეხ კაბეტ უმენტაშობათ ლიდერენდჷნ.[15] 20 მელახის, ოგიშაგორუე კომისიაქ (KPU) შედეგეფ დადასურჷ დო თინა ინდონეზიაშ გიშაგორილ პრეზიდენტო გეგმაცხადჷ.[16] საკონსტიტუციო სასამართალოქ (MK) თიშ სტატუს 2024 წანაშ 22 პირელს საბოლათ დანტკიცჷ.[17][18] პრაბოვოქ, მუჭოთ ინდონეზიაშ მა-8 პრეზიდენტიქ, პრეზიდენტიშ დოფუჩაფა დოდჷ 2024 წანაშ 20 გჷმათუთას.

რესურსეფ ინტერნეტის

[რედაქტირაფა | წყუშ რედაქტირაფა]
ვიკიოწკარუეს? რე ხასჷლა თემაშენ:

სქოლიო

[რედაქტირაფა | წყუშ რედაქტირაფა]
  1. ↑ Translation, Office of Assistant to Deputy Cabinet Secretary for State Documents & (4 August 2025). President Prabowo Receives Honorary Medal from US Special Operations Command at Merdeka Palace. კითხირიშ თარიღი: 14 January 2026.
  2. ↑ Slater, Dan (2024). „Indonesia's High-Stakes Handover“. Journal of Democracy 35 (2): ხს. 40–51. DOI:10.1353/jod.2024.a922832. ISSN 1086-3214. 
  3. ↑ (14 February 2024) "Prabowo Looks to Win Indonesia Presidency: What to Know" (in en). 
  4. ↑ Paddock, Richard C.. “Indonesian Defence Chief, Accused of Rights Abuses, Will Visit Pentagon“, The New York Times, 14 October 2020. კითხირიშ თარიღი: 14 February 2024. (en-US) 
  5. ↑ KPU Resmi Tetapkan Prabowo-Gibran Menang Pilpres 2024 (id-ID). კითხირიშ თარიღი: 21 March 2024.
  6. ↑ PDI-P hails Prabowo as Megawati's running mate. The Jakarta Post.
  7. ↑ Prabowo Runs for President. KOMPAS (22 November 2011). კითხირიშ თარიღი: 23 November 2011.
  8. ↑ “Jakarta governor Widodo wins Indonesian presidential election“, Indonesia News. კითხირიშ თარიღი: 23 July 2014. 
  9. ↑ “Dihadiri AHY, Prabowo-Sandiaga Uno resmi mendaftar di KPU“, BBC News Indonesia, 10 August 2018. კითხირიშ თარიღი: 26 August 2018. (id) 
  10. ↑ “KPU names Jokowi winner of election“, 21 May 2019. კითხირიშ თარიღი: 23 May 2019. 
  11. ↑ “Prabowo Subianto's loss in Indonesia's election sparks deadly protests in Jakarta“, ABC News, 22 May 2019. კითხირიშ თარიღი: 23 May 2019. 
  12. ↑ “Prabowo jadi menteri pertahanan, pengamat militer: Pandangannya 'berbahaya'“, BBC News Indonesia. კითხირიშ თარიღი: 8 December 2023. (id) 
  13. ↑ Sekjen Gerindra: Insyaallah Prabowo Maju Pilpres 2024 (id-ID) (10 October 2021). კითხირიშ თარიღი: 10 October 2021.
  14. ↑ “Indonesia defence minister Prabowo accepts party's nomination to run for president“, 12 August 2022. კითხირიშ თარიღი: 13 August 2022. 
  15. ↑ “Indonesia election 2024: Prabowo Subianto hails 'victory for all Indonesians' as early counts show him in lead with 58%“, 15 February 2024. კითხირიშ თარიღი: 16 February 2024. 
  16. ↑ Pemilu 2024: KPU umumkan Prabowo-Gibran raih suara terbanyak, bagaimana nasib dugaan kecurangan? (id) (19 March 2024). კითხირიშ თარიღი: 20 March 2024.
  17. ↑ MK Tolak Gugatan Sengketa Pilpres 2024 dari Anies-Cak Imin! (id-ID). კითხირიშ თარიღი: 22 April 2024.
  18. ↑ MK Juga Tolak Gugatan Hasil Pilpres 2024 dari Ganjar-Mahfud! (id-ID). კითხირიშ თარიღი: 22 April 2024.
გორილი რე "https://xmf.wikipedia.org/w/index.php?title=პრაბოვო_სუბიანტო&oldid=247435"-შე