ჟან-ბატისტ ბაგაზა
| ჟან-ბატისტ ბაგაზა Jean-Baptiste Bagaza | ||
 ბაგაზა 1978 წანას | ||
| ბურუნდიშ მა-2 პრეზიდენტი | ||
|---|---|---|
| პოსტის გერინაშ ბორჯი | ||
| 1 გერგობათუთა, 1976 – 3 ეკენია, 1987 | ||
| პრემიერ-მინისტრი | ედუარ ნზამბიმანა (1976-1978) | |
| წიმოხონი | მიშელ მიჩომბერო | |
| მონძე | პიერ ბუიოია | |
| დუნაბადი | 29 მარაშინათუთა, 1946
რუტოვუ, რუანდა-ურუნდი | |
| ნაღურა | 4 მესი, 2016 (69 წანერი)
ბრიუსელი, ბელგია | |
| მენოღალობა |  ბურუნდი | |
| პოლიტიკური პარტია | რსხუ ნაციონალური პროგრესიშო ერუანული რეკონსტრუქციაშ პარტია | |
| ალმასქუ | ფაუსტა ბაგაზა | |
| სქუალეფი | 4 | |
| გონათაფა | ომაფე ოურდუმე აკადემია | |
| საქვარუა | ოურდუმე მოღალე, პოლიტიკოსი | |
ჟან-ბატისტ ბაგაზა (დ. 29 მარაშინათუთა, 1946 — ღ. 4 მესი, 2016) — ბურუნდალი ოურდუმე მოღალე დო პოლიტიკოსი, ნამუთ მართუნდჷ ბურუნდის მუჭოთ პრეზიდენტი დო დე ფაქტო ოურდუმე დიქტატორი 1976-1987 წანეფს.
ორხველუდჷ ტუტსეფიშ ეთნიკურ ბუნას.[1] ახალნორდობაშე ნინალენდჷ ბურუნდიშ აკოანჯარაფილ ნძალეფს. ბაგაზაქ შანულამ წჷმოძინეფს მიოჭირინუ მიშელ მიჩომბეროშ მართუალაშ ბორჯის.[2] 1976 წანას, ბაგაზაქ უზისხირე გინორთათ ქუდახუ მიჩომბერო დო ხეშულობა მუქ ქაშეჸოთჷ ხეშა.[3] ბაგაზაქ, მართუალაშ გოძვენას ატარჷ შხვადოშხვა რეფორმეფი, ნამუშ ღანკი ქიანაშ მოდერნიზაცია რდჷ. მარა 1980-იან წანეფშე ბაგაზაშ რეჟიმქ ძალამს რეპრესიული გინირთჷ დო ქიდიჭყჷ ოპოზიციაშ, მედიაშ დო კათოლიკური ეკლესიაშ თხოზინჷ.[4] 1987 წანას, ბაგაზაშ მართუალაშ მეხჷ მინწყუ სახენწჷფო გინორთაქ, ნამუშ შედეგო ქუდახუეს ბაგაზაშ თარობა. უკულ ბაგაზა აძვილეს ურცხოეთშა გეგნუხორინუდკო. 1994 წანას, თიქ ბურუნდიშა დირთჷ, ქუდარსხუ ერუანული რეკონსტრუქციაშ პარტიაშ დო კინ აქტიურო ქაკათჷ პოლიტიკური პროცესეფს. ბაგაზას დო მუშ პარტიას სერიოზულ წჷმოძინეფშა ვემიაჭირინუ. 2005 წანაშ აბანობურ გიშაგორუეფს პარტიაქ მიპალჷ ხონარეფიშ ხვალე 2.3 %. თე წანაშ საპარლამენტო გიშაგორუეფს ხოლო უმოს ჭიჭე, 1.7 %. 2014 წანას, ბაგაზაქ პარტიაშ დუდმახვენჯიშ პოსტიშე გეგნოდირთჷ.[5] ჟან-ბატისტ ბაგაზაქ ღურჷ 2016 წანაშ 4 მესის, 69 წანერქ.
ქოძირით თაშნეშე
[რედაქტირაფა | წყუშ რედაქტირაფა]სქოლიო
[რედაქტირაფა | წყუშ რედაქტირაფა]- ↑ Jean-Baptiste Bagaza, ousted Burundian president, dies at 69 (2016-05-05).
- ↑ Jean-Baptiste Bagaza, ousted Burundian president, dies at 69 (2016-05-05).
- ↑ Jean-Baptiste Bagaza, ousted Burundian president, dies at 69 (2016-05-05).
- ↑ Jean-Baptiste Bagaza, ousted Burundian president, dies at 69 (2016-05-05).
- ↑ Jean-Baptiste Bagaza, ousted Burundian president, dies at 69 (2016-05-05).