ჟან ბედელ ბოკასა
| ჟან ბედელ ბოკასა | ||
 ბოკასა 1970 წანას | ||
.svg){kind=small} ცენტრალური აფრიკაშ იმპერიაშ იმპერატორი | ||
|---|---|---|
| პოსტის გერინაშ ბორჯი | ||
| 4 ქირსეთუთა, 1976 – 21 ეკენია, 1979 | ||
| პრემიერ-მინისტრი | ანჟ ფელიქს პატასე ანრი მაიდუ | |
| წიმოხონი | მუ (მუჭოთ ცენტრალური აფრიკაშ რესპუბლიკაშ პრეზიდენტი) | |
| მონძე | დავიდ დაკო (მუჭოთ ცენტრალური აფრიკაშ რესპუბლიკაშ პრეზიდენტი) | |
| პოსტის გერინაშ ბორჯი | ||
| 1 ღურთუთა, 1966 – 4 ქირსეთუთა, 1976 | ||
| პრემიერ-მინისტრი | ელისაბედ დომიტიენი ანჟ ფელიქს პატასე | |
| წიმოხონი | დავიდ დაკო | |
| მონძე | მუ (მუჭოთ იმპერატორი) | |
| დუნაბადი | 22 ფურთუთა, 1921 ბობანგი, უბანგი-შარი, საფრანგეთიშ ეკვატორული აფრიკა | |
| ნაღურა | გერგობათუთა 3, 1996 (75 წანერი) ბანგი, ცენტრალური აფრიკაშ რესპუბლიკა | |
| მენოღალობა | .svg){kind=small} საფრანგეთი ცენტრალური აფრიკაშ რესპუბლიკა ცენტრალური აფრიკაშ იმპერია | |
| პოლიტიკური პარტია | უჩა აფრიკაშ სოციალური რევოლუციაშ ჸარაფი | |
| საქვარუა | ოურდუმე მოღალე, პოლიტიკოსი | |
| რელიგია | კათოლიციზმი, ისლამი | |
| ჯილდოეფი | საპატიო ლეგიონიშ ორდენი ოურდუმე ჯვარი | |
| ხეშმოჭარუა |  | |
ჟან ბედელ ბოკასა (ფრანგ. Jean-Bedel Bokassa; დ. 22 ფურთუთა, 1921 — ღ. 3 გერგობათუთა, 1996) — ცენტრალური აფრიკაშ რესპუბლიკაშ ოურდუმე მოღალე დო პოლიტიკოსი, ცენტრალური აფრიკაშ რესპუბლიკაშ პრეზიდენტი 1966-1976 წანეფს დო ცენტრალური აფრიკაშ იმპერიაშ იმპერატორი ბოკასა I-შ ჯოხოდვალათ 1976-1979 წანეფს.
გურაფულენდჷ თეოლოგიურ სკოლას. 1939 წანას ქაკათჷ საფრანგეთიშ აკოანჯარაფილი ნძალეფს დო მონაწილენდჷ მაჟირა მოსოფელიშ ლჷმას დო უკულ ინდოჩინეთიშ ლჷმას. 1961 წანაშო მიპალუ კაპიტანიშ ჩინი. ცენტრალური აფრიკაშ რესპუბლიკაშ პრეზიდენტიშ, დავიდ დაკოშ ინიციატივათ ბოკასაქ საფრანგეთიშ არმია ქიმიოტუ დო ქუდოდირთჷ ახალდუნარსხუა ცენტრალური აფრიკაშ რესპუბლიკაშ აკოანჯარაფილი ნძალეფიშ მადუდეთ. 1965 წანაშ 31 ქირსეთუთას, ბოკასაქ ქუდახუ დაკოშ მართუალა დო ხეშულობა მუქ ქაშეჸოთჷ ხეშა. 1966 წანაშ 1 ღურთუთას, თიქ დუდი გეგმაცხადჷ ქიანაშ პრეზიდენტო.
მართუალაშ დაჭყაფური წანეფს, ბოკასაქ ქიმწიჭყჷ შხვადოშხვა რეფორმეფი, ნამუეფიშ ღანკი რესპუბლიკაშ ეკონომიკური გოვითარაფა რდჷ. მარა ბოკასაშ ინიციატევეფს ცენტრალური აფრიკაშ რესპუბლიკაშო მუთუნნერი წჷმოძინა ვამუღალუ. ბოკასაშ მართუალაშ უკულიანი პერიოდი იხასიათებუდჷ ავტოკრატიული მეთოდეფით დო ხეშულობაშ ცენტრალიზაციათ. 1976 წანაშ ქირსეთუთას, ბოკასაქ დუდი იმპერატორო გეგმაცხადჷ დო ქიგიდვუ ბოკასა I. თაშნეშე, ქიანას ჯოხო დუთირუ დო ქიგიოდუ ცენტრალური აფრიკაშ იმპერია. ბოკასაშ იმპერატორო კორონაციაქ იმანჯჷ 1977 წანაშ 4 ქირსეთუთას დო ცერემონიაქ დოდოხოდჷ დოხოლაფირო ეჩი მილიონი დოლარქ. ბოკასაშ მართუალაშ შედეგო გეუფრაშჷ ეკონომიკური ჸოფირალაქ, ქიანაქ ხოლო უმოსი სიღარიბეს ქინანთხჷ. 1979 წანაშ ეკენიას, საფრანგეთიშ სპეციალური ნძალეფიშით, მინწყუ ოურდუმე გინორთაქ. ბოკასა ქუდახუეს დო ხეშელობაშა დართინეს დავიდ დაკო. ბოკასაქ ცენტრალური აფრიკაშ რესპუბლიკა ქიდიტუ დო კოტ-დიუვარიშა ინტუ, უკულ ოცხოვრებშა საფრანგეთშა გეგნორთჷ. 1980 წანას, ცენტრალური აფრიკაშ რესპუბლიკაშ სასამართალოქ ბოკასა გასამართჷ დო ღურაშ განჩინება გეგშუღჷ. 1986 წანას, ოდაბადეშა დორთაშ უკულ, ბოკასა ოჭოფეს, გასამართეს დო შხვადოშხვა დანაშურეფი ქეკადვეს (თის თაშნეშე აბრალუაფუდეს კანიბალიზმის). უკულ, სასამართალოქ ბოკასაშ ღურაშ განჩინება გაუქვჷ დო 1993 წანაშო თინა გადუდიშულჷ. ბოკასაქ ღურუ სუმი წანაშ უკულ, 1996 წანაშ 3 გერგობათუთას, 75 წანერქ.