ჟოზე რამუშ-ორტა

	ჟოზე რამუშ-ორტა
	; ოფიციალურ პორტრეტი, 2023 წანა
ტიმორ-ლესტეშ მა-4 დო მა-7 პრეზიდენტი
თეჟამიანი პოსტი
დეკინჷ	2022 წანაშ 20 მესი
პრემიერ-მინისტრი	ტაურ მატან რუაკი, შანანა გუჟმაუ
წიმოხონი	ფრანსისკო გუტერესი
ტიმორ-ლესტეშ მა-4 პრეზიდენტი
პოსტის გერინაშ ბორჯი
	2007 წანაშ 20 მესი – 2012 წანაშ 20 მესი
პრემიერ-მინისტრი	ესტანისლაუ და სილვა, შანანა გუჟმაუ
წიმოხონი	შანანა გუჟმაუ
მონძე	ტაურ მატან რუაკი
ტიმორ-ლესტეშ მა-3 პრემიერ-მინისტრი
პოსტის გერინაშ ბორჯი
	2006 წანაშ 26 მანგი – 2007 წანაშ 19 მესი
პრეზიდენტი	შანანა გუჟმაუ
წიმოხონი	მარი ალკატირი
მონძე	ესტანისლაუ და სილვა
ტიმორ-ლესტეშ გალენურ საქვარეფიშ მინისტრი
პოსტის გერინაშ ბორჯი
	2002 წანაშ 27 ეკენია – 2006 წანაშ 25 მანგი
პრემიერ-მინისტრი	მარი ალკატირი
მონძე	ჟოზე ლუიშ გუტერესი
მენოღალობა	ტიმორ-ლესტე
ერუანობა	ტიმორალი
პოლიტიკური პარტია	CNRT (2022-შე)
ალმასქუ	ანა პესოა პინტუ (ჩათხიებული)
სქუალეფი	1
გონათაფა	ანტიოქიაშ უნივერსიტეტი
ომენცარე ხარისხი	მაგისტრი (MA)
პროფესია	პოლიტიკოსი
საქვარუა	დიპლომატი
ჯილდოეფი	ნობელიშ პრემია თინჩალაშ დარგის (1996)
ხეშმოჭარუა

ჟოზე მანუელ რამუშ-ორტა (პორტ. José Manuel Ramos-Horta; დ. 26 ქირსეთუთა, 1949^[1]^[2]) — ბჟაეიოლ ტიმორალ პოლიტიკოსი, ნამუთ ტიმორ-ლესტეშ პრეზიდენტიშ პოსტის იკენს 2022 წანაშ მესიშე. თინა თაშნეშე რდჷ ქიანაშ პრეზიდენტ 2007-2012 წანეფს დო პრემიერ-მინისტრ 2006-2007 წანეფს. 1996 წანას, რამუშ-ორტაქ კარლუშ ბელოწკჷმა ართო მიღჷ ნობელიშ პრემია თინჩალაშ დარგის „ბჟაეიოლ ტიმორს კონფლიქტიშ თინმართალ დო თინჩალ მორიგაფაშო მუშობაშ გეშა“. თინა წანეფიშ განწეხანს რდჷ ბჟაეიოლ ტიმორიშ ზოხორინალაშო ყარაფის ართ-ართ თარ ფიგურა დო დიპლომატიურ ხონარ ერეფოშქარეთ.

მუჭოთ „ფრეტილინიშ“ (Fretilin) დჷმარსხუაფალქ დო ჸოფირ მაკათურქ, რამუშ-ორტა ბჟაეიოლ ტიმორიშ აწორინალაშ ყარაფიშ გინორაჸუას რინელ წჷმმარინაფალ რდჷ ბჟაეიოლ ტიმორიშ ინდონეზიურ ოკუპაციაშ ბორჯის (1975–1999). თიშ უმკუჯინალო, ნამჷ-და თინა აგჷნძორენდჷ მუშობას „ფრეტილინწკჷმან“, 1988 წანას თიქ პარტია ქჷდიტუ დო ზოხორინელ პოლიტიკოსო გინირთჷ.^[3]

2002 წანას ბჟაეიოლ ტიმორქ (ტიმორ-ლესტექ) ზოხორინალა მიღჷნ, რამუშ-ორტა ქიანაშ პირველ გალენურ საქვარეფიშ მინისტრო ქჷდარინეს. თინა თე პოსტის 2006 წანაშ 25 მანგშა ნინალენდჷ დო პოსტ პოლიტიკურ არულობაშ ბორჯის ქჷდიტუ. 2006 წანაშ 26 მანგის, პრემიერ-მინისტრ მარი ალკატირიშ გინორინაშ უკული, პრეზიდენტ შანანა გუჟმაუქ რამუშ-ორტა პრემიერ-მინისტრიშ მოღალობაშ მარსულებერო ქჷდარინუ. ჟირ მარაშ უკული, 2006 წანაშ 10 კვირკვეს, თიქ ტიმორ-ლესტეშ მაჟირა პრემიერ-მინისტრო ქეგედირთჷ. 2007 წანაშ საპრეზიდენტო გიშაგორუეფს თინა ქიანაშ პრეზიდენტო გეგშგორეს. 2008 წანაშ 11 ფურთუთას, თინა დოჭყოლეს (ჸვილუაშ ცადებაშ ბორჯის), მუჟანსჷთ არყებულეფქ თიშ რეზიდენციას მინაკათესჷნ.

2012 წანას პრეზიდენტიშ პოსტიშ დოტებაშ უკული, ჟოზე რამუშ-ორტა 2013 წანაშ 2 ღურთუთას ქჷდარინეს გოეროშ სპეციალურ წჷმმარინაფალო დო გვინეა-ბისაუს გოეროშ აკოკათელ თინჩალაშ კიდუაშ ოფისიშ (UNIOGBIS) ხემანჯღვერო. თიქ ვით წანაშ უკულ პოლიტიკურ აქტიურობას დართჷ დო 2022 წანაშ საპრეზიდენტო გიშაგორუეფს პრეზიდენტო კინე გეგშაგორეს.

რესურსეფ ინტერნეტის

რამუშ-ორტაშ ვებ-ხასჷლა
ვებ-ხასჷლას Nobelprize.org
მეჯინა C-SPAN-ს

სქოლიო

↑ The Nobel Peace Prize 1996 – José Ramos-Horta Facts. კითხირიშ თარიღი: 23 April 2022.
↑ José Ramos-Horta President East Timor club madrid member peace nobel (es) (22 June 2020). კითხირიშ თარიღი: 23 April 2022.
↑ Murdoch, Lindsay. “Ramos Horta vows to rebuild Timor“, 10 July 2006. კითხირიშ თარიღი: 27 September 2006.

[1] The Nobel Peace Prize 1996 – José Ramos-Horta Facts. კითხირიშ თარიღი: 23 April 2022.

[2] José Ramos-Horta President East Timor club madrid member peace nobel (es) (22 June 2020). კითხირიშ თარიღი: 23 April 2022.

[3] Murdoch, Lindsay. “Ramos Horta vows to rebuild Timor“, 10 July 2006. კითხირიშ თარიღი: 27 September 2006.

[1]

[2]

[3]