ჟორჟ კლემანსო

	ჟორჟ კლემანსო; Georges Clemenceau
	; კლემანსო 1904 წანას
საფრანგეთიშ პრემიერ-მინისტრი
პოსტის გერინაშ ბორჯი
	16 გერგობათუთა, 1917 – 20 ღურთუთა, 1920
პრეზიდენტი	რაიმონ პუანკარე
წიმოხონი	პოლ პენლევე
მონძე	ალექსანდრ მილიერანი
პოსტის გერინაშ ბორჯი
	25 გჷმათუთა, 1906 – 24 კვირკვე, 1909
პრეზიდენტი	არმან ფალიერი
წიმოხონი	ფერდინანდ სარიენი
მონძე	არისტიდ ბრიანი
ნაღურა	24 გერგობათუთა, 1929 (88 წანერი); პარიზი, საფრანგეთი
პოლიტიკური პარტია	რადიკალი რესპუბლიკარეფი (1871-1901); რადიკალური პარტია (1901-1914); დუდიშული რადიკალეფი (1914-1929)
ალმასქუ	მერი პლამერი
სქუალეფი	3
გონათაფა	პარიზიშ უნივერსიტეტი
საქვარუა	ექიმი, ჟურნალისტი, პოლიტიკოსი
ხეშმოჭარუა

ჟორჟ ბენჟამენ კლემანსო (ფრანგ. Georges Benjamin Clemenceau; დ. 28 ეკენია, 1841 — ღ. 24 გერგობათუთა, 1929) — ფრანგი ექიმი, ჟურნალისტი დო პოლიტიკოსი, საფრანგეთიშ პრემიერ-მინისტრი 1906-1909 დო 1917-1920 წანეფს. 1906-1909 წანეფს უკინებუდჷ საფრანგეთიშ დინახალენი საქვარეფიშ მინისტრიშ პოსტი დო 1917-1920 წანეფს ლჷმაშ მინისტრიშ პოსტი. პროფესიათ რდჷ ექიმი, უკულ გინირთჷ ჟურნალისტო დო ქაკათჷ პოლიტიკური პროცესეფს. კლემანსოქ კაბეტი როლი არსულჷ მასუმა რესპუბლიკაშ პოლიტიკას, გიშაკერზაფილო მაართა მოსოფელიშ ლჷმაშ ეკონია წანეფს. რდჷ დუდიშული რადიკალეფიშ ართ-ართი შანულამი დო ცენტრალური ფიგურა. თიქ ხუჯი დუკინჷ სეკულარული იდეეფს დო კომუნარეფიშ ამნისტიას.

მაართა მოსოფელიშ ლჷმაშ თებაშ უკულ, კლემანსო რდჷ კონწარი პოლიტიკაშ მოხუჯე გერმანიაშ მეხჷ. კლემანსო რეპარაციეფს, კოლონიეფს, ელზას-ლოთარინგიას დო გერმანიაშ ოურდუმე დოდაღარაფას თხულენდჷ. ჸათე ღანკეფს კლემანსოქ მიოჭირინუ ვერსალიშ ხეკულუათ, ნამუშ პიჯალეფს ხე მაჭარეს პარიზიშ ოთინჩალე კონფერენციას (1919-1920).

კლემანსო რდჷ მოხუჯე ააშწკჷმა დო ბრიტანეთიწკჷმა ოურდუმე ალიანსეფიშ, გერმანიაშ მეხჷ, მარა კლემანსოშ ჸათე ცადებეფს მუთუნნერი შედეგეფი ვამუღალუ. ამერიკაშ სენატიქ რატიფიკაცია ვაუკეთუ ოურდუმე ხეკულუას საფრანგეთიწკჷმა.

კლემანსო შინელი რდჷ მეტჯოხოეფით "გომორძგუეფიშ მუმა" დო "ნჯილო".

ლიტერატურა

ენციკლოპედია ბრიტანიკა

თე სტატია საფრანგეთიშ დო ფრანგეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.