ჟუან გულარტი

ჟუან გულარტი João Goulart
გულარტი 1961 წანას
ბრაზილიაშ 24-ა პრეზიდენტი
პოსტის გერინაშ ბორჯი
8 ეკენია, 1961 – 2 პირელი, 1964
წიმოხონი	რანიერი მაძილი
მონძე	რანიერი მაძილი
ბრაზილიაშ მა-14 ვიცე-პრეზიდენტი
პოსტის გერინაშ ბორჯი
31 ღურთუთა, 1956 – 25 მარაშინათუთა, 1961
პრეზიდენტი	ჟუსელინუ კუბიჩეკი ჟანიუ კუადროსი
წიმოხონი	ჟუან კაფე ფილიუ
მონძე	ჟოზე მარია ალკმინი
დუნაბადი	1 მელახი, 1919 სან-ბორჟა, ბრაზილია
ნაღურა	ქირსეთუთა 6, 1976 (57 წანერი) მერსედესი, არგენტინა
მენოღალობა	ბრაზილია
პოლიტიკური პარტია	ბრაზილიაშ ხანდაშ პარტია
ალმასქუ	მარია ტერეზა ფონტელა
სქუალეფი	2
ხეშმოჭარუა

ჟუან ბელშიორ მარკის გულარტი (პორტ. João Belchior Marques Goulart, დ. 1 მელახი, 1919 — ღ. 6 ქირსეთუთა, 1976) — ბრაზილიარი პოლიტიკოსი, ბრაზილიაშ პრეზიდენტი 1961-1964 წანეფს.

გურაფულენდჷ პორტუ-ალეგრიშ უნივერსიტეტიშ სამართალიშ სკოლას, ნამუთ გათუ 1939 წანას. პოლიტიკური კარიერაშ დაჭყაფური პერიოდის სარგებლენდჷ ბრაზილიაშ პოპულისტი პრეზიდენტიშ ჟეტულიუ ვარგასიშ პროტექციათ. გულარტიქ, 1946 წანას გიშაგორილქ იჸუ რიუ-გრანდი-დუ-სულიშ შტატიშ კანონმადვალუ ორგანოშ მაკათურო. უკულიანი ბორჯის გინირთჷ შტატიშ იუსტიციაშ მელამოსეთ. 1953-1954 წანეფს გულარტის უკინებუდჷ ბრაზილიაშ ხანდაშ, ინდუსტრიაშ დო კომერციაშ მინისტრიშ პოსტი. პრეზიდენტი ჟუსელინუ კუბიჩეკიშ კაბინეტის, გულარტი მოღალენდჷ ვიცე-პრეზიდენტო. გეჸვენჯი პრეზიდენტიშ, ჟანიუ კუადროსიშ გინორინაშ უკულ, 1961 წანას გულარტიქ გინირთჷ ქიანაშ პრეზიდენტო. თიში მართუალაშ ბორჯის, ბრაზილიაქ კომუნისტური ბლოკიშ ქიანეფს დეხოლჷ, შედეგო გეუფრაშჷ ურთიართალაქ ააშწკჷმა. გულარტიშ მართუალაშ მიმალობას, ქიმიძინჷ ინფლაციაქ, ვემიჭირინუ ეკონომიკური სტაბილიზაციაშა. წჷმოჭყაფილი რეფორმეფქ წჷმოძინელქ ვეჸუ. 1964 წანას ქუმოხვადჷ ოურდუმე გინორთაქ, ნამუშ შედეგო გულარტი ქუდახუეს. გულარტიქ ბრაზილია ქიდიტუ დო ოცხოვრებშა არგენტინაშა გეგნორთჷ, სოდეთ 1976 წანაშ 6 ქირსეთუთას დოღურჷ.

ქოძირით თაშნეშე

• ბრაზილიაშ პრეზიდენტი

ლიტერატურა

• ენციკლოპედია ბრიტანიკა