ჟუსელინუ კუბიჩეკი
| ჟუსელინუ კუბიჩეკი Juscelino Kubitschek | ||
 ოფიციალური პორტრეტი, 1956 წ. | ||
| ბრაზიალიაშ 21-ა პრეზიდენტი | ||
|---|---|---|
| პოსტის გერინაშ ბორჯი | ||
| 31 ღურთუთა, 1956 – 31 ღურთუთა, 1961 | ||
| წიმოხონი | ნერეუ რამოსი | |
| მონძე | ჟანიუ კუადროსი | |
| დუნაბადი | 12 ეკენია, 1902 დიამანტინა, მინას-ჟერაისი, ბრაზილია | |
| ნაღურა | 22 მარაშინათუთა, 1976 (73 წანერი) რეზენდი, რიო-დე-ჟანეირო, ბრაზილია | |
| მენოღალობა |  ბრაზილია | |
| პოლიტიკური პარტია | სოციალ-დემოკრატიული პარტია | |
| მუმა | ჟუან სეზარ დი ოლივეირა | |
| ნანა | ჟულია კოელიო კუბიჩეკი | |
| ალმასქუ | სარა კუბიჩეკი | |
| სქუალეფი | 2 | |
| გონათაფა | მინას-ჟერაისიშ ფედერალური უნივერსიტეტი | |
| საქვარუა | ექიმი, პოლიტიკოსი | |
| ხეშმოჭარუა |  | |
ჟუსელინუ კუბიჩეკ დი ოლივეირა (პორტ. Juscelino Kubitschek de Oliveira; დ. 12 ეკენია, 1902 — ღ. 22 მარაშინათუთა, 1976) — ბრაზილიარი პოლიტიკოსი, ბრაზილიაშ პრეზიდენტი 1956-1961 წანეფს.
ბიოგრაფია
[რედაქტირაფა | წყუშ რედაქტირაფა]დებადჷ 1902 წანაშ 12 ეკენიას, მინას-ჟერაისიშ შტატიშ ნოღა დიამანტინას. ჟირი წანერი რდუნ თეშ მუმაქ დუღურჷ. ჟუსელინუ კუბიჩეკი გურაფულენდჷ დიამანტინაშ სემინარიას. 1920 წანას ოცხოვრებშა ბელუ-ორიზონტიშა გინილჷ. კუბიჩეკი გურაფულენდჷ მედიცინას მინას-ჟერაისიშ ფედერალური უნივერსიტეტის, ნამუთ 1927 წანას გათუ. 1930 წანას პარიზის რდჷ, სოდეთ უროლოგიაშ სპეციალური კურსეფს მიკმიშჷ. 1931 წანაშ ქირსეთუთას, კუბიჩეკიქ ოსურო ქიმიჸონჷ სარა ლემოსი, ნამუშე ართი ცირასქუა მარსია ჸუნდჷ. 1947 წანას ჟუსელინუქ დო სარაქ ქისქუალეს მარია ესტრელა.
1930-იან წანეფიშე ჟუსელინუ კუბიჩეკის ხოლო ურთიართალა უღჷდჷ ბენედიტო ვალადარესიწკჷმა, ნამუთ შინელი დო გოლინიანი პოლიტიკოსი რდჷ. ვალადარესიქ კუბიჩეკი მუში შტაბიშ უნჩაშო ქუდარინუ. 1934 წანას, კუბიჩეკიქ გიშაგორილქ იჸუ ბრაზილიაშ დეპუტატეფიშ პალატაშ მაკათურო. მარა 1937 წანაშ ოურდუმე გჷნორთაშ უკულ, პოსტიქ დატებელქ აჸუ დო კინ სამედიცინო პრაქტიკას დართჷ. 1940 წანას, ვალადარესიქ კუბიჩეკი ქუდარინუ ნოღა ბელუ-ორიზონტიშ მერო. ჸათე პოსტი თის 1945 წანაშახ უკებუდჷ. 1951 წანას, კუბიჩეკიქ გინირთჷ მინას-ჟერაისიშ გუბერნატორო. გუბერნატორიშ პოსტის გერინაშ ბორჯის, თიქ დარსხუ ენერგო კომპანია CEMIG, წიმიჭყჷ შხვადოშხვა ინფრასტრუქტურული პროექტეფი დო ხე შეუნწყუ ინდუსტრიალიზაციაშ გოვითარაფას.
1954 წანას, ამშვპარტიული ალიანსიქ, კუბიჩეკი ქჷმწარინუ საპრეზიდენტო კანდიდატო. 1955 წანაშ გიშაგორუეფს თიქ მიპალუ ხონარეფიშ 36 % დო გემორძგუ. რახანს კუბიჩეკის ხონარეფიშ უმენტაშობა ვემუღებუნჷ, ოპოზიციური პარტიეფქ მინდომეფს გიშაგორუეფიშ შედეგეფიშ გაუქვაფა, მარა უშედეგეთ. კუბიჩეკიშ მართუალაშ ბორჯის, ბრაზილიაქ მიოჭირინუ შანულამი ეკონომიკურ-სოციალური წჷმოძინეფს დო პოლიტიკური სტაბილურობას. თიში ინიციატივათ ნანანოღა გეგნიღეს რიო-დე-ჟანეიროშე ბრაზილიაშა. პრეზიდენტიშ პოსტიშე ულაშ უკულ ხოლო კუბიჩეკი შანულამი პოლიტიკური ფიგურათ სქიდუდჷ. 1961 წანას, თიქ გიშაგორილქ იჸუ სენატორო დო ულამუდჷ მაკათურობა 1965 წანაშ საპრეზიდენტო გიშაგორუეფს. მარა 1964 წანაშ ოურდუმე გინორთაშ უკულ, კუბიჩეკის შხვადოშხვა დანაშურეფი ქეკადვეს დო პოლიტიკური პროცესეფს მაკათურობაშ ნება ვემეჩეს. უკულიანი პერიოდის, თინა ცხოვრენდჷ ამერიკას დო ევროპას. 1967 წანას ბრაზილიაშა დირთჷ დო პოლიტიკური პროცესეფს კინ ქაკათჷ. ართი პერიოდის, კუბიჩეკი ოჭოფეს დო ჯიხას ქუდახუნეს. გადუდიშულაფაშ უკულ ხოლო პოლიტიკას აქტიურო მონაწილენდჷ. ჟუსელინუ კუბიჩეკიქ ღურუ 1976 წანაშ 22 მარაშინათუთას, ავტოავარიას.
ქოძირით თაშნეშე
[რედაქტირაფა | წყუშ რედაქტირაფა]ლიტერატურა
[რედაქტირაფა | წყუშ რედაქტირაფა]- Alexander, Robert J. (1991). Juscelino Kubitschek and the Development of Brazil. Athens, Ohio: Ohio University Center for International Studies.