რალფ რიჩარდსონი

სერ რალფ რიჩარდსონი
	სერ რალფ რიჩარდსონი
	Ralph Richardson
	; რიჩარდსონი 1949 წანას
ჯოხო დაბადება შვანს	რალფ დევიდ რიჩარდსონი
მოღალობა	1921—1983
	ბიოგრაფიული ჩინებეფი
დაბადებაშ თარიღი	19 ქირსეთუთა, 1902
დაბადებაშ აბანი	ჩელტენჰემი, ინგლისი
ღურაშ თარიღი	გჷმათუთა 10, 1983 (80 წანერი)
ღურაშ აბანი	ლონდონი, ინგლისი
ნთხორუაშ აბანი	ჰაიგეიტიშ საფულა, ლონდონი
საქვარუა:	არტისტი (თეატრიშ, კინოშ, ტელევიზიაშ)
მენოღალობა	გოართოიანაფილი ომაფე
ერუანობა	ინგლისარი
ალმასქუ	მურიელ ჰიუიტი (გ. 1924; ჩეთხ. 1942); მერიალ ფორბსი (გ. 1944);
სქუალეფი	1 (ჩარლზი)
ჯილდოეფი:	კანიშ კინოფესტივალი: საუჯგუშო არტისტ კოჩი (1962); ; BAFTA: საუჯგუშო ბრიტანეთიშ არტისტი (1952);
	;

სერ რალფ დევიდ რიჩარდსონი (ინგლ. Sir Ralph David Richardson; დ. 19 ქირსეთუთა, 1902 — ღ. 10 გჷმათუთა, 1983) — ინგლისარ არტისტი, ნამუთ ჯონ გილგუდ დო ლოურენს ოლივიეწკჷმა ართო აკმადგინანდჷ კოჩ არტისტეფიშ თი „სუმელას“, ნამუეთ XX ოშწანურაშ უმენტაშ ნორთის ბრიტანულ სცენას დომინირენდჷ. თინა მუშ კარიერაშ განწეხანს კინოს ხოლო მუშენდჷ დო 60-შე უმოს კინოროლ აფჷ ნალაჸაფჷნა. რიჩარდსონს, ნამუსჷთ უღუდჷ ხელუანურ დო ვართ თეატრალურ გოჭყაფან, ვაუფიქრებჷ თეატრალურ კარიერაშ გეშა, სოიშახ ბრაიტონს „ჰამლეტიშ“ დოდგუმაქ ვათუტურუ, ნამჷ-და არტისტო გინორთელედკონ. 1920-იან წანეფს თიქ მუშ ორსანტობა დოხალიწჷ გეგია დასის დო უკულ ბირმინგემიშ რეპერტუარულ თეატრის დიგურუ. 1931 წანას თიქ ოლდ ვიკის ქაკათჷ, სოდეთ უმენტაშო შექსპირულ როლეფს ლაჸაფენდჷ. უკულიან სეზონს თინა დასის დუდენდჷ დო დოთირუ გილგუდი, ნამუქჷთ თის თეატრალურ ტექნიკაშ გეშა ბრელ მუთუნ დაგურუნ. თეატრიშ დოტებაშ უკული, თარ როლეფიშ სერიაქ თინა უესტ-ენდიშ დო ბროდვეიშ მურიცხო გინართინუ.

1940-იან წანეფს, ოლივიე დო ჯონ ბარელწკჷმა ართო, რიჩარდსონ „ოლდ ვიკიშ“ დასიშ წოროდირექტორ რდჷ. თექ თიშ არძაშე ჩინებულ როლეფ რდჷ პერ გიუნტი დო ფალსტაფი. 1945 დო 1946 წანეფს, თიქ დო ოლივიექ დასი ევროპაშა დო ბროდვეიშა გეგშეჸონეს, სოიშა თინეფიშ წჷმოძინაქ „ოლდ ვიკიშ“ გამაგალაშ სხუნუს უხუჯურობა ვეგჷმიჭანუნ, ნამუქჷთ 1947 წანას თინეფიშ დასიშე დათხინაფათ გეთუ. 1950-იან წანეფს, უესტ-ენდის დო მინშა ტურნეეფს, რიჩარდსონ ლაჸაფენდჷ მუჭოთ ალმახანურ, თეშ კლასიკურ ნაწარმებეფს, თინეფ შქას: „მონძე“, „შკვით სათის ჸუდეს“ დო „სუმ და“. თინა აგჷნძორენდჷ მოღალობას სცენას დო კინოს მუშ ულებურ ღურაშა, 80 წანაშ ხანშა. თელარაშ ბოლო წანეფს თინა გიშაკერზაფილო ჩინებულ რდჷ პიტერ ჰალიშ ერუანულ თეატრწკჷმა მუშობათ დო გილგუდწკჷმა შხირ თეატრალურ წორომოხანდათ. თინა ვა რდჷ ჩინებულ კლასიკურ კაბეტ ტრაგიკულ როლეფიშ ლაჸაფით; თინა უმოსო ხასიათიშ როლეფს ისხუნუანდჷ ჯვეშ დო ახალ პიესეფს.

რიჩარდსონიშ კინოკარიერაქ 1931 წანას ეპიზოდურ როლით დიჭყჷ. მალას თიქ თარ როლეფ მიღჷ ბრიტანულ დო ამერიკულ ფილმეფს, თინეფ შქას: „Things to Come“ (1936), „დონაფილ კაპუ“ (1948), „გჷნძე დღაშ შარალუა სერშა“ (1962) დო „ექიმი ჟივაგო“ (1965). 1948 წანაშე მუშ ღურაშა, თინა ღებულენდჷ ნომინაციეფს დო ჯილდოეფს გოართოიანაფილ ომაფეს, ევროპას დო ააშ-ს მუშ თეატრალურ დო კინო მოღალობაშო. რიჩარდსონი ჟირშა რდჷ ნომინირაფილ ოსკარიშ პრემიაშა საუჯგუშო მაჟირახარისხამ არტისტ კოჩიშ კატეგორიას: პირველო ფილმიშო „მონძე“ (1949) დო მაჟირაშა (ღურაშ უკული) მუშ ეკონია ფილმიშო „გრეისტოკი: ლეგენდა ტარზანშენ, ქიეფიშ მაზოჯინალშენ“ (1984).

მუშ კარიერაშ განწეხანს დო გიშაკერზაფილო თელარაშ ეკონია წანეფს, რიჩარდსონ ჩინებულ რდჷ მუშ ექსცენტრიულ რენჯათ მუჭოთ სცენას, თეშ თიშ გალე. თინა შხირას იძირედჷ მუჭოთ ოქიანუშ ტრადიციულ მეჯინაშე დათხიებულ პიჯი დო თიშ არტისტულ ლაჸაფ სისტემატურო ეიჭარუაფუდჷ მუჭოთ პოეტურ ვარ-და ჯადური.

ათე სტატია მერკე რე.
თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.

რესურსეფ ინტერნეტის

რალფ რიჩარდსონი — ბროდვეიშ ინტერნეტ მუნაჩემეფიშ ბაზას (IBDb) (ინგლისური)
რალფ რიჩარდსონი — კინოფილმეფიშ ინტერნეტ მუნაჩემეფიშ ბაზას (ინგლისური)
performances listed in the Theatre Archive, University of Bristol
Letters from Ralph Richardson to Chrissie Shackleton^{[ღურელ რსხილი]} at the British Library