რამონ მერკადერი
| რამონ მერკადერი | |
| ესპ. Ramón Mercader | |
 რამონ მერკადერიშ სასაფლა მოსკოვს. მერკადერი დასაფულებური რე რამონ ივანეშ სქი ლოპესიშ ჯოხოთ. რამონ მერკადერიშ ჯიმა ლუის მერკადერი ხოლო თე საფულას რე ნთხორილი. | |
| ჯოხო დაბადებაშვანს |
ხაიმე რამონ მერკადერ დელ რიო |
|---|---|
| მოღალობა | |
|
ბიოგრაფიული ჩინებეფი
| |
| დაბადებაშ თარიღი | |
| დაბადებაშ აბანი | |
| ღურაშ თარიღი |
18 გჷმათუთა, 1978 (65 წანერი) |
| ღურაშ აბანი | |
| ნთხორუაშ აბანი | |
| მენოღალობა | |
| ერუანობა | |
| მუმა |
პაუ მერკადერ მარინა |
| ნანა | |
| ჯილდოეფი: | |
.svg){kind=small}
ხაიმე რამონ მერკადერ დელ რიო (ესპ. Jaime Ramón Mercader del Río, კატ. Jaume Ramon Mercader del Río; დ. 7 ფურთუთა, 1913 — ღ. 18 გჷმათუთა, 1978) — ესპანარი კომუნისტი დო ნკვდ-შ აგენტი, ნამუქჷთ 1940 წანაშ მარაშინათუთას, მეხიკოს, დოჸვილჷ სხუნუეთიშ შინელი სახენწჷფო მოღალე, პოლიტიკოსი დო რევოლუციონერი ლევ ტროცკი.
დებადჷ 1913 წანაშ 7 ფურთუთას, ესპანეთიშ ნოღა არჟენტონას (კატალონია). რამონიშ დიდა კარიდად დელ რიო ერნანდესი რდჷ კომუნისტი დო მონაწილენდჷ ესპანეთიშ ომენოღალე ლჷმას დო ოკათუდჷ კატალონიაშ სოციალისტური პარტიას. დიდაშ გოლინათ, ახალნორდი რამონ მერკადერქ, 1930-იან წანეფიშე დეინტერესჷ კომუნისტური იდეეფით. პოლიტიკური აქტივიზმიშ გეშა ჭოფილი ხოლო რდჷ. ომენოღალე ლჷმაშ მიმალობას რამონი გეგნიბირუ ნკვდ-შ ოფიცერქ ნაუმ ეიტინგონქ. ნკვდ-ქ მერკადერს ტროცკიშ ჸვილუა ქუდავალჷ. ვლადიმერ ლენინიშ ღურაშ უკულ მიმალი ლჷმას ხეშულობაშო, ტროცკი იოსებ სტალინქ დამარცხჷ. ტროცკიქ სხუნუეთი ქიდიტუ დო 1930-იან წანეფიშე მექსიკაშ ნანანოღა მეხიკოს ცხოვრენდჷ.
1938 წანას მერკადერქ გეჩინებაფუ სილვია აგელოფი, ახალნორდი ნიუ-იორკალი ოსური, ნამუთ ტროცკიწკჷმა დახოლებური ადამიერი რდჷ. 1939 წანაშ გჷმათუთას მერკადერქ მეხიკოშა მიდართჷ დო აგელოფიშ მოხვარებათ ტროცკი გეჩინებაფუ დო თის დეხოლჷ. მერკადერი ფშხირას სუმარენდჷ ტროცკის, თიში იდეეფს იზიარენდჷ დო მალას თიში ნდობა ხოლო მიპალუ. ართი დღას მერკადერქ ხვალე ქუდოსკიდჷ ტროცკიწკჷმა, თის უკახალეშე ქიმიოტყობუ დო დუც წარკანტი ქიგიაშქუ. ტროცკიშ მათხილარეფქ ოთახშა გემნოსოფეს დო მერკადერს ლახუა ქუდუჭყეს. ტროცკი ჭკირილი რდჷ, მარა სიამბარე ვაუდინუაფჷ. ტროცკი მიდეჸონეს ჰოსპიტალშა სოდეთ თის ოპერაცია გუკეთეს, მარა ტროცკიქ ართი დღაშ უკულ, 1940 წანაშ 21 მარაშინათუთას დოღურჷ. რამონ მერკადერი გასამართჷ მექსიკაშ სასამართალოქ დო ეჩი წანათ ჯიხას დოხუნა ქიმუსაჯჷ. 1960 წანას გადუდიშულეს. სხუნუეთიშ თარობაქ მერკადერს სხუნუეფიშ რსხუშ გერგეზიშ ჯილდო დო ლენინიშ ორდენი გეგნოჩჷ. მერკადერი შხვადოშხვა ბორჯის სხუნუეთის, ჩეხოსლოვაკიას დო კუბას ცხოვრენდჷ. მერკადერქ ღურჷ ჰავანას, 1978 წანაშ 18 გჷმათუთას. დასაფულებური რე მოსკოვიშ კუნცევოშ სასაფლას.