რაულ ალფონსინი

რაულ ალფონსინი Raúl Alfonsín
ალფონსინი 1983 წანას
არგენტინაშ 49-ა პრეზიდენტი
პოსტის გერინაშ ბორჯი
10 ქირსეთუთა, 1983 – 8 კვირკვე, 1989
წიმოხონი	რეინალდო ბინიონე
მონძე	კარლოს მენემი
დუნაბადი	12 მელახი, 1927 ჩასკომუსი, ბუენოს-აირესი, არგენტინა
ნაღურა	მელახი 31, 2009 (82 წანერი) ბუენოს-აირესი, არგენტინა
მენოღალობა	არგენტინა
ერუანობა	არგენტინალი
პოლიტიკური პარტია	რადიკალური ომენოღალე რსხუ
ალმასქუ	მარია ლორენსა ბარენეჩე
სქუალეფი	6
საქვარუა	იურისტი, პოლიტიკოსი
რელიგია	კათოლიციზმი
ხეშმოჭარუა

რაულ რიკარდო ალფონსინი (ესპ. Raúl Ricardo Alfonsín; დ. 12 მელახი, 1927 — ღ. 31 მელახი, 2009) — არგენტინალი იურისტი დო პოლიტიკოსი, არგენტინაშ პრეზიდენტი 1983-1989 წანეფს, რადიკალური ომენოღალე რსხუშ (რორ) დუდმახვენჯი 1983-1991, 1993-1995 დო 1999-2001 წანეფს. ალფონსინი იდეოლოგიურო რდჷ რადიკალი დო სოციალ-დემოკრატი. თიში პოლიტიკური იდეეფი "ალფონსინიზმი"-შ ჯოხოდვალათ რე შინელი.

დებადჷ ბუენოს-აირესიშ პროვინციაშ ნოღა ჩასკომუსის. გურაფულენდჷ იურისპრუდენციას ლა-პლატაშ ერუანული უნივერსიტეტის. უკულ გურაფა გაგინძორჷ ბუენოს-აირესიშ უნივერსიტეტის. პოლიტიკური პროცესეფს 1950-იან წანეფიშე მონაწილენდჷ დო რდჷ არგენტინაშ ართ-ართი შანულამი პარტიაშ, რადიკალური ომენოღალე რსხუშ მაკათური. 1963 წანას გიშაგორილქ იჸუ არგენტინაშ დეპუტატეფიშ პალატაშ მაკათურო. 1983 წანას გინირთჷ რორ-შ ლიდერო. 1983 წანაშ საპრეზიდენტო გიშაგორუეფს რდჷ რორ-შ საპრეზიდენტო კანდიდატი. გიშაგორუეფს ალფონსინიქ გემორძგუ დო არგენტინაშ, რანწკით 49-ა, პრეზიდენტო გინირთჷ. თიში მართუალაშ ბორჯის ქიანაქ ვალეფს ქინანთხჷ, ქიმიძინჷ ინფლაციაქ, არდგილი უღუდჷ არეულობეფს. ალფონსინიშ მართუალათ უკმაყოფილე რდეს ოურდუმე მოღალეეფი. ალფონსინიშ პრეზიდენტობაშ ბორჯის გასამართეს არგენტინაშ ჸოფილი პრეზიდენტეფი: ხორხე რაფაელ ვიდელა დო რობერტო ედუარდო ვიოლა. მართუალაშ ეკონია პერიოდის, გეუფასურჷ ერუანული ვალუტაქ, ხოლო უმოსო ქიმიძინჷ ინფლაციაქ. 1989 წანაშ კვირკვეს ალფონსინიქ პრეზიდენტიშ პოსტიშე გეგნოდირთჷ. პოსტიშე ულაშ უკულ ხოლო ალფონსინი სქიდუდჷ შანულამი პოლიტიკური ფიგურათ არგენტინას.

ქოძირით თაშნეშე

• არგენტინაშ პრეზიდენტეფიშ ერკებული

ლიტერატურა

• ენციკლოპედია ბრიტანიკა