რაჯენდრა პრასადი

რაჯენდრა პრასადი
ოფიციალურ პორტრეტი, 1950 წანა
ინდოეთიშ 1-ა პრეზიდენტი
პოსტის გერინაშ ბორჯი
26 ღურთუთა, 1950 – 13 მესი, 1962
ვიცე-პრეზიდენტი	სარვეპალი რადჰაკრიშნანი
პრემიერ-მინისტრი	ჯავაჰარლალ ნერუ
წიმოხონი	ჩაკრავარტი რაჯაგოპალაჩარი (მუჭოთ გუბერნატორ-გენერალი)
მონძე	სარვეპალი რადჰაკრიშნანი
ინდოეთიშ ოფუტეშ მეურნობაშ მინისტრი
პოსტის გერინაშ ბორჯი
15 მარაშინათუთა, 1947 – 14 ღურთუთა, 1948
დჷმარსხუაფალ ყარუაშ პრეზიდენტი
პოსტის გერინაშ ბორჯი
11 ქირსეთუთა, 1946 – 24 ღურთუთა, 1950
დუნაბადი	3 ქირსეთუთა, 1884 ზირადეი, ბენგალიშ საპრეზიდენტო, ბრიტანეთიშ ინდოეთი
ნაღურა	28 ფურთუთა, 1963 (78 წანერი) პატნა, ბიჰარი, ინდოეთი
ნთხორუ აბანი	მაჰაპრაიანღატი, პატნა
მენოღალობა	ინდოეთი
ერუანობა	ინდოარი
პოლიტიკური პარტია	ინდოეთიშ ერუანული კონგრესი
მუმა	მაჰადევ საჰაი
ნანა	კამლეშვარი დევი
ალმასქუ	რაჯვანში დევი (გ. 1896; დოღურჷ 1962)
სქუალეფი	მრიტიუნჯაი პრასადი
გონათაფა	კალკუტაშ უნივერსიტეტი
პროფესია	იურისტი, ჟურნალისტი, მენცარი
საქვარუა	პოლიტიკოსი
რელიგია	ინდუიზმი
ჯილდოეფი	ბჰარატ რატნა (1962)

რაჯენდრა პრასადი (ჰინ. राजेन्द्र प्रसाद; ინგლ. Rajendra Prasad; დ. 3 ქირსეთუთა, 1884 — ღ. 28 ფურთუთა, 1963) — ინდოარ პოლიტიკოსი, იურისტი, ჟურნალისტ დო მენცარი. თინა მოღალენდჷ მუჭოთ ინდოეთიშ პირველ პრეზიდენტი 1950 წანაშე 1962 წანაშა, ჟირ საპრეზიდენტო ხანით. პრასადიქ ინდოეთიშ ერუანულ კონგრესის ზოხორინალაშო ყარაფიშ ბორჯის ქაკათჷ დო ბიჰარიშ რეგიონიშ ართ-ართ უკაბეტაშ ლიდერო გინირთჷ. თინა რდჷ მაჰათმა განდიშ ართ-ართ არძაშე დუდგინოდვალირ მოხუჯე. თეშ გეშა ბრიტანეთიშ ხეშუულებაქ თინა ჟირშა ჭოფჷ: 1930 წანას — ჯიმუშ მარშიშ ბორჯის დო 1942 წანას — „გეგშართით ინდოეთშე“ ყარაფიშ ბორჯის. 1946 წანაშ პროვინციულ გიშაგორუეფიშ უკული, პრასადიშ როლქ ქიანაშ გამაგალას ძალამო მიძინჷ: 1947–1948 წანეფს — სურსათიშ დო ოფუტეშ მეურნობაშ პირველ მინისტრი; 1947–1950 წანეფს — ინდოეთიშ დჷმარსხუაფალ ყარუაშ პრეზიდენტი; 1950–1962 წანეფს — ქიანაშ ისტორიას პირველ პრეზიდენტი; ზოხორინალაშ მეღებაშ უკული, პრასადი ხემანჯღვერენდჷ დჷმარსხუაფალ ყარუას, ნამუქჷთ აკადგინჷ ინდოეთიშ კონსტიტუცია. თე ორგანო თაშნეშე მოღალენდჷ მუჭოთ ქიანაშ ობორჯე პარლამენტი, სოიშა პირველ ართამ გიშაგორუეფქ ვემანჯჷნ.

950 წანას, მუჟანსჷთ ინდოეთიქ რესპუბლიკათ გინირთჷნ, დჷმარსხუაფალ ყარუაქ პრასად ქიანაშ პირველ პრეზიდენტო გეგშაგორჷ. პოსტიშ დაკებაშწკჷმა ართო, თიქ გემშეღჷ უშანულამაშ ტრადიცია, უპარტიობა: თიქ მიდართჷ „ინდოეთიშ ერუანულ კონგრესიშ“ პოლიტიკაშე, ანდანე პრეზიდენტიშ ინსტიტუტ ზოხორინელ დო არძაშო ართამ ქოჸოფედჷკონ. თიშ უმკუჯინალო, ნამჷ-და პრეზიდენტიშ პოსტ უმოსო ცერემონიულ რდჷნ, პრასად პასიურ მადუდეთ ვადოსქილადე, გონათუა: თინა აქტიურო უნწყუნდჷ ხეს ინდოეთის გონათუაშ სისტემაშ წჷმოძინას; ელაჩამეფი: თინა შხირას არზენდჷ კონსტრუქციულ ელაჩამეფს თარობას შხვადოშხვა ოკითხირეეფს. 1957 წანას პრასად მაჟირაშა გეგშაგორეს პრეზიდენტო. თინა სქიდჷ აკა პრეზიდენტო ინდოეთიშ ისტორიას, ნამუთ ჟირ ედომუშამ საპრეზიდენტო ხანით მოღალენდჷნ. პრეზიდენტობაშ მოღალობაშ თებაშ უკულ (1962 წანას), რაჯენდრა პრასადიქ საბოლათ დეთხიუ აქტიურ პოლიტიკას დო „ინდოეთიშ ერუანულ კონგრესის“. თიქ მუშ რინაშ ეკონია თუთეფ ბიჰარს, სადაკატ აშრამს მუკორთჷ, სოდეთ უბრალო დო შურიელ რინათ ცხოვრენდჷ.

რესურსეფ ინტერნეტის

ვიკიოწკარუეს^? რე ხასჷლა თემაშენ:

რაჯენდრა პრასადი

• რაჯენდრა პრასადი — კინოფილმეფიშ ინტერნეტ მუნაჩემეფიშ ბაზას (ინგლისური)
• დოქტორ რაჯენდრა პრასადიშ პროფილ ინდოეთიშ პრეზიდენტიშ რანგით