რიტა ჰეიუორთი

რიტა ჰეიუორთი
	რიტა ჰეიუორთი
	Rita Hayworth
	; ჰეიუორთი ბობ კობერნიშ პორტრეტის, 1948 წანა
ჯოხო დაბადება შვანს	მარგარიტა კარმენ კანსინო
მოღალობა	1926; 1934–1972
	ბიოგრაფიული ჩინებეფი
დაბადებაშ თარიღი	17 გჷმათუთა, 1918
დაბადებაშ აბანი	ნიუ-იორკი, ააშ
ღურაშ თარიღი	მესი 14,, 1987 (68 წანერი)
ღურაშ აბანი	ნიუ-იორკი, ააშ
ნთხორუაშ აბანი	ჰოლი-კროსიშ საფულა, კალვერ-სიტი
საქვარუა:	არტისტი, მასხაპალი, პინაპ მოდელი
მენოღალობა	ააშ
ერუანობა	ამერიკალი
მუმა	ედუარდო კანსინო
ნანა	ვოლგა ჰეიუორთი
ალმასქუ	ედუარდ ჯადსონი (გ. 1937; ჩეთხ. 1942) ორსონ უელსი (გ. 1943; ჩეთხ. 1947); ალი ხანი (გ. 1949; ჩეთხ. 1953); დიკ ჰეიმსი (გ. 1953; ჩეთხ. 1955); ჯეიმზ ჰილი (გ. 1958; ჩეთხ. 1961);
სქუალეფი	2 (თინეფ შქას იასმინ აღა-ხანი)
ჯილდოეფი:	ჰოლივუდიშ ვარადებაშ ჯალონა;
	;

რიტა ჰეიუორთი (ინგლ. Rita Hayworth, ბადებაშ ჯოხო – მარგარიტა კარმენ კანსინო; დ. 17 გჷმათუთა, 1918 — ღ. 14 მესი, 1987) — ამერიკალ ოსურ არტისტი, მასხაპალ დო პინაპ ცირა.^[1]^[2] თიქ პოპულარობა 1940-იან წანეფს მიპალუ, მუჭოთ ჰოლივუდიშ „ორქოშ ხანაშ“ ართ-ართ უკაბეტაშ მურიცხიქ; 38 წანაშ განწეხანს თიქ 61 ფილმის ილაჸაფჷ. პრესაქ ჰეიუორთიშ ეჭარუაშო ტერმინ „ჸოროფაშ ოსურღორონთი“ გიმიგონჷ, მუჟანსჷთ თინა 1940-იან წანეფიშ არძაშე გლამურულ ეკრანულ სახეთ გინირთჷნ. მაჟირა მოსოფელიშ ლჷმაშ ბორჯის, ამერიკალ ჯარიშკოჩეფშო თინა მაჟირა არძაშე პოპულარულ პინაპ ცირა რდჷ ბეტი გრეიბლი-შ უკული.^[3]

ჰეივორთი ფართოთ რე ჩინებულ მუშ როლით 1946 წანაშ ფილმ-ნუარს „ჯილდა“, გლენ ფორდი-წკჷმა ართო, სოდეთ თიქ მუშ პირველ შანულამ დრამატულ როლი — „ფატალური ოსური“ ილაჸაფჷნ. თინა თაშნეშე ჩინებულ რე როლეფით გეჸვენჯ ფილმეფს: „ხვალე ანგელოზეფს უღჷნა ფსუეფი“ (1939); „ციმუაშნერ კაშინა“ (1941); „ზისხირი დო ქვიშა“ (1941); „ოსური შანხაიშე“ (1947); „მაჸალე ჯოი“ (1957); „ჸენილ ტაბაკეფი“ (1958). ფრედ ასტერქ, ნამუწკჷმა ართოთ რიტაქ ჟირ ფილმი — „დღას ვეგიდინდრებუქ“ (1941) დო „დღას ვაჸოფექ ტეჯგურა საჸოროფო“ (1942) გინიღჷნ, ართშა ასტერქ თის მუშ საჸოროფო ოსხაპურ პარტნიორო ოშინუ.^[4] თიქ თაშნეშე თარ როლ ილაჸაფჷ ტექნიკოლორიშ მუსიკალურ ფილმის „ცირა კაბრაშე“ (1944), ჯინ კელი-წკჷმა ართო. თინა მიშმურს ამერიკაშ კინოინსტიტუტიშ გჷმოკითხირიშ — არძა ბორჯიშ 25 საუჯგუშო ოსურ კინომურიცხიშ ერკებულშა. კინოინდუსტრიაშა მიშნაღელ თიაშენ, 1960 წანას ჰეიუორთის ჰოლივუდიშ ვარადებაშ ჯალონას მურიცხ გუნწყეს.^[2]

1980 წანას, რიტა ჰეიუორთის ორდოიან ალცჰაიმერიშ ლახარა დუდასურეს. თე გაუფრაშებულ ჭყანთხილუაქ ხე ქეშუნწყუ თიშ ღურას 1987 წანას, 68 წანაშ ხანს. თი ბორჯის ალცჰაიმერიშ გეშა ჯარალობურო მერკეთ იჩიებუდეს. ჰეიუორთიშ ლახარაშ ჯარალობურ გაცხადებაქ დო თე თემაშა დისკუსიაქ: მიკიჭოფჷ ხვილაფა თე ლახარაშენ; ხე ქეშუნწყუ ჯარალობურ დო კერზო დოფიანსებაშ ძინას ალცჰაიმერიშ რკვიებაშ საქვარს.

რესურსეფ ინტერნეტის

რიტა ჰეიუორთი — ბროდვეიშ ინტერნეტ მუნაჩემეფიშ ბაზას (IBDb) (ინგლისური)
რიტა ჰეიუორთი — კინოფილმეფიშ ინტერნეტ მუნაჩემეფიშ ბაზას (ინგლისური)
Hayworth
რიტა ჰეიუორთი TCM-იშ კინოფილმეფიშ მუნაჩემეფიშ ბაზას
Photos of Rita Hayworth in Down to Earth^{[ღურელ რსხილი]} by Ned Scott

სქოლიო

↑ Cosgrove, Ben (October 2014). Rita Hayworth: Hollywood Legend, Pinup Icon - LIFE. კითხირიშ თარიღი: April 21, 2024.
1 2 Faris, Gerald (May 16, 1987). Rita Hayworth - Hollywood Star Walk. Los Angeles Times. კითხირიშ თარიღი: April 21, 2024.
↑ “Rita Hayworth, 68, films' 'Love Goddess'“, May 16, 1987, p. 8.
↑ In Such Good Campany, Carol Burnett, Three Rivers Press, 2016, Page 223

[1] Cosgrove, Ben (October 2014). Rita Hayworth: Hollywood Legend, Pinup Icon - LIFE. კითხირიშ თარიღი: April 21, 2024.

[la-2] 1 2 Faris, Gerald (May 16, 1987). Rita Hayworth - Hollywood Star Walk. Los Angeles Times. კითხირიშ თარიღი: April 21, 2024.

[chitribobt-3] “Rita Hayworth, 68, films' 'Love Goddess'“, May 16, 1987, p. 8.

[4] In Such Good Campany, Carol Burnett, Three Rivers Press, 2016, Page 223

[1]

[2]

[3]

[4]