რკინაშ კოჩი (ფილმი)

ვიკიპედიაშე
რკინაშ კოჩი
ჟანრი:

სუპერგერგეზული ფილმი

რეჟისორი:

ჯონ ფავრო

პროდიუსერი:

ავი რაიდი

სცენარიშ ავტორი:

ჯონ აუგუსტი
მარკ ფერგუსი
ჰოუკ ოსტბი
არტურ მარკუმი
მეტიუ ჰოლევეი
სტენ ლი
ლარი ლიბერი
დონ ჰეკი
ჯეკ კირბი

თარ როლეფს:

რობერტ დაუნი უკლაში
ტერენს ჰოვარდი
გვინეთ პელტროუ
ჯეფ ბრიჯესი
პოლ ბეტანი

კომპოზიტორი:

რამინ ჯავადი

მონტაჟი:

დენ ლებენტალი

კინოსტუდია:

Marvel Studios
Fairview Entertainment

გჷშულაშ თარიღი:

მოსოფელიშ მასშტაბით:
30 პირელი 2008
ავსტრალია:
ააშ:
ბრიტანეთი:
2 მესი, 2008

ხანგჷნძარალა:

126 წნ

ქიანა

ააშ

ნინა:

ინგლისური

მუშნალი:

$ 585,174,222 მლნ

გეჸვენჯი:

რკინაშ კოჩი 2


რკინაშ კოჩი (ინგლ. Iron Man) — კომპანიაშ Marvel Comics ათე ჯოხონობაშ კომიქსეფიშ ეკრანიზაცია, ნამუსჷთ ოკათუნა რობერტ დაუნი უკლაში (ტონი სტარკი), გვინეთ პელტროუ (პეპერ პოტსი), ტერენს ჰოვარდი (ჯეიმზ როუდსი) დო ჯეფ ბრიჯესი (ობადია სტეინი). ფილმიშ რეჟისორი რე ჯონ ფავრო.

ფილმიშ წარმება მიშჷ 1990 წანაშე, კომპანიეფიშ Universal Pictures, 20th Century Fox დო New Line Cinemaშე, სოიშა Marvel Studios ნებეფს 2006 წანას დირთიუანდჷ. Marvel-ქ პროექტი წარმებაშა გოუტუ დო თუქ დაფინანსჷ, Paramount Picturesქ დისტრიბუტორიშ სახეთ მოქიმინუნდ. 1 ფავრო დარინეს თიშ რეჟისორო, ნამუქით ღანკო დისახჷ ფილმის უმოს ორთულ აკანიშ ქიმინუა დო გინოჭყვად თიში კალიფორნიას გინოღალა. თენა, მუშ განშე, გინორთელიე თი კომიქსეფიშე, სოდეთ თარი პერსონაჟი ბჟაეიოლ წყარპიჯის ოხორანს. ათეჯგურა სხუნუშ ართ-ართი სამანჯელი რდჷ თინა, ნამდა რეჟისორს ოკოდჷ, გარკვიებულ გინორთი ჸოფედუკო ათე დო ნიუ-იორკის დორთელი სუპერგერგეზული ფილმეფიშ ქიმინუაშ შქას. გინოღალეფიშ ბორჯის არტისტეფს მიაჩეს მუში დიალოგეფიშ იმპროვიზაციაშ საშუალებაქ, თიშენ, ნამდა წარმოებაშ წოხოლე პროცესიშ ბორჯის თოლ-ჸუჯი კვათიერი რდჷკო ხვალე სიუჟეტის დო მოქიმინჯალეფს. ანჯარიშ მოდელეფი, ქიმინელი რიზინშე დო ლითონშე სტენ უინსტონიშ კომპანიაშე, მიშაფაჩილქ იჸუ კომპიუტერულ გრაფიკაწკჷმა, თიშენ ნამდა უქიმინდესკო თარი პერსონაჟი. Hasbro დო Sega დაკინებულეფი რდეს მერცხუაფილი პროდუქციაშ გჷმოჩამათ, პროდუქტიშ გენწყუალაშ აპიჯაფეფქ გეფორმჷ ფირმეფწკჷმა Audi, Burger King, LG დო 7-Eleven.

ფილმიშ სხუნუეფი დადებითი რდჷ დო გიშაკერძაფილო იშინუაფუდ დაუნიშ სრულება.[1] ამერიკაშ კინოინსტიტუტიშე ფილმიქ სხუნაფილქ დო მიშაჸონაფილქ იჸუ წანაშ საუჯგუშო 10-ულს. დაუნქ, ფავროქ დო პელტროუქ გვიანო კინ დირთეს 2010 წანაშ 7 მესის გიშულირჷ „რკინაშ კოჩი 2“-იშ გინაღალარო. დაუნიშ გერგეზი ეპიზოდური პერსონაჟიშ სახეთ გიშარჩქინდჷ ფილმის „მერეთი ჰალკი“ დო ართ-ართი თარი როლი უღუდჷ ფილმის „ნჯარიშ ეშმაღალარეფი“ (2012). დაუნქ კინ ასრულჷ რკინაშ კოჩიშ როლი მასუმა ფილმის, „რკინაშ კოჩი 3“, ნამუსით 2013 წანაშ 3 მესის გიშართჷ. თინა კინ გიშარჩქინდჷ ნჯარიშ ეშმაღალარეფიშ მეძღვნილ გეჸვენჯ ფილმის, „ნჯარიშ ეშმაღალარეფი: ულტრონიშ ეპოქა“ დო მასუმა ნორთი, „ნჯარიშ ეშმაღალარეფი 3“.[2]

სიუჟეტი[რედაქტირაფა | წყუშ რედაქტირაფა]

ავღანეთშა ბიზნეს-მელინაფათ მეულირი ტონი სტარკი, ჩინებული გუმმაგონებელი, დემონსტრირაფაშ უღოლანს კომპანიაშ Stark Industries უნივერსალურ ოლიმერ ანჯარეფს - უნიკალურ რაკეტეფს, ნამუეფით ნამდგანერ თანჯის ნამდგანერ მოხვალამას მოთხორუნს. სტარკიშ მანქანა ათე კომპანიაშ ყუმბარას იფეთქებჷ. თის იხვამილუანა ავღანელი ტერორისტეფი. თინეფს ხოლო ჭყორილი ჸუნა პროფესორი იინსენი. სტარკიშ რსხილშა მიშაჭკირილი რე მიარე აკოფუჩხოლირი, ნამუეფით თიშ გურს ეხოლებუნა. იინსენი თიშ რსხილს ამონტაჟენს აკაბუცხა რეაქტორს, ნამუთ ათე აკოფუჩხოლირეფს აჩერენს. რეაქტორი ირიათო ჩართული ოკო რდას, ნამდა სტარკიქ ირინუას. რინაშ წესით ტიპიური მეოსურე დო ართუაფაშ მოჸოროფე სტარკი გინოჭყვადუნს დითირასჷნ. ტერორისტეფი თის უზოჯჷნა ახალი სუპერ-რაკეტაშ ქიმინუას დო სტარკით, იინსენწკჷმა ართო დუდშეშე დუდს თეშ ოძირანს, ითამ თინა დასურო ამზადენს ათეჯგურა რაკეტას, მარა პარალელურო თინა ორთჷ გიგანტური რკინაშ კოჩიშ კოსტიუმს, ნამუსჷთ მუს ულამ ინოხუნა დო ჭკორალაშე დუდიშ რსხება. ათე ნტებას იინსენი ოხვარჷ თის დო ღურუ, სტარკი აფეთქენს ტერორისტეფიშ ბაზას დო ოფურინალი აპარატიშ საშუალებათ (ნამუთ თიშ კოსტუმს რე ინომონტაჟებული) ჸუჩა ფურინუას ოცადჷ. უსწოროთ ენწყილი კოსტიუმი აკირღვაფჷ დო სტარკი ანთხუ ტიოზის, სოდეთ თის ააშ-იშ ოურდუმე ნძალეფი ეჭოფუნა დო ჸუჩა იჸონანა.

სტარკს ურჩქინდჷ იჭვი დო ინტერესი, მი ოჭირინუანს ტერორისტეფს მუშ კომპანიაშ გიშაშქუმალირ ანჯარს. თინა უწას იჭანუანს პრეს-კონფერენციას დო გაცხადენს, ნამდა ანწ ვეგმაშქვანს ათეჯგურა ანჯარს, თიშენ ნამდა თინა შვიდობიანი კათაშ ომერეხალო გიმირინუაფჷ. თის ეჭვი უღჷ სტეინს, მუამუშიშ (ნამუთ ხოლო გუმმაგონებელი რდჷ) ალმახანდეს. სტარკი ღოლანს რკინაშ კოჩიშ სრულჸოფილ ანჯარს, ნამუთ ხაზირელი რე უახალაში კომპიუტერული ფუნქციეფით დო ანჯარით. თინა მეურს ავღანეთიშა დო მერეხანს ტერორისტეფიშ დო მუში კომპანიაშ ანჯარიშ ართ ნორთის. ათენა მიკიჯინუანს ააშ-იშ ნძალეფიშ თოლ-ჸუჯის დო ჟირი F-22 ტიპიშ ფურენჯი სტარკის გამათხოზუ. ათე ბორჯის ტონის ურეკუნს ლეიტენანტი ჯეიმზ როუდსი, ნამუთ მიოგორუანს, ნამდა თიში მაჸალე რკინაშ კოჩი რე.

სტარკი კომპანიაშ ოფისის უშქვანს მუშ ალმახანდეს, პეპერ პოტსის, ნამუქ ოკო გინოჭარას USB-შვენაშ ჩიპის ინფორმაცია ექსპორტირებულ ანჯარშე. ტონის იმენდი უღჷ, ნამდა ათაშ თინა შელენს ტერორისტეფიშო ანჯარიშ ექსპორტიშ მეტებას. ათეხანობას ირკვიებჷ, ნამდა სტეინი მეურს ავღანეთშა დო მუშით ძირჷნს თი კაჟანს, ნამუსჷთ ტონიქ გიმატყობ ტერორისტეფს. სტეინი ღოლანს მუში რკინაშ კოჩის, უმოსო დიდის, ვინდარო ტონიშ რკინაშ კოჩი რე. თინა უმაართაშო ოცადჷ ტონიშ მერეხუას, თიშენ ნამდა თის ოკო ედომუშამ კომპანიაშ მუშ რდასინ. ფურინუას ჟირხოლო მოხვადუნა მუნაფეფშე უმოს მაღალო. ათაქ სტეინი მეჩირთუ - ტონიშ კოსტიუმი გოკოროცხელი რე მაღალ ტემპერატურას, თიში ვარი. სტეინი დანთხუ დიხას დო ღურუ. ტონი დირთუ.

მაჟირა დღას პრესა უჩინებურ რობოტის ოფიციალურო გიოდვანს რკინაშ კოჩის. პრესკონფერენციას სტარკიქ ოკო იკითხას მოგონილი ამბე თიშე, მუქ აღოლჷ სტეინს დო ივარას ვარაუდეფი თიშე, ნამდა თინა რკინაშ კოჩი რენ. მარა თინა რადიკალურ ნაბიჯგის გინოდგჷნს დო ადასურენს, ნამდა თახმო რკინაშ კოჩი რე.

ფილმიშ სცენას, ნამუთ ფინალურ ტიტრეფს მეჸუნსჷნ, S.H.I.E.L.D.-იშ ხემანჯღვერი ნიკ ფიური სტარკის ჸუდეშა ეჭანებ დო ეჩიებჷ, ნამდა „რკინაშ კოჩი ვარე აკა სუპერგერგეზი“ დო ოკო „ნჯარიშ ეშმაღალარეფიშ ინიციატივაშ“ სხუნუა.

როლეფი[რედაქტირაფა | წყუშ რედაქტირაფა]

ტერენს ჰოვარდი ემზადებ როლიშო F-16-იშ სიმულატორით.

ფილმის ხოლო ოკათუნა: სემიუელ ლეროი ჯექსონი (ნიკ ფიური), კლერ გრეგი, ჯონ ფავრო, ჰიუ ჰეფნერი, ტომ მორელო, ჯიმ კრამერი და სტენ ლი.

მუსიკა[რედაქტირაფა | წყუშ რედაქტირაფა]

ფილმიშ მუსიკა ორხველჷ კომპოზიტორ რამინ ჯავადის, ნამუთ რკინაშ კოჩიშ კომიქსეფიშ მოჸოროფე რდჷ 1970იანი წანეფიშე.

რესურსეფი ინტერნეტის[რედაქტირაფა | წყუშ რედაქტირაფა]


მერჩქინა[რედაქტირაფა | წყუშ რედაქტირაფა]

  1. ^  2013 წანაშ კვირკვეს ფილმიშ დისტრიბუციაშ ნება Paramount Pictures-იშე გინაჩჷ The Walt Disney Studios-ს.[3][4][5]

სქოლიო[რედაქტირაფა | წყუშ რედაქტირაფა]

  1. Iron Man Movie Reviews. Rotten Tomatoes. IGN Entertainment, Inc. კითხირიშ თარიღი: June 26, 2008.
  2. Robert Downey Jr. To Return As Marvel’s Iron Man. Marvel.com (June 20, 2013). დოარქივაფილი რე ორიგინალშე June 20, 2013-ს. კითხირიშ თარიღი: June 20, 2013.
  3. Tadena, Nathalie. Disney Acquires Distribution Rights to Four Marvel Films From Paramount. The Wall Street Journal. კითხირიშ თარიღი: 2 July 2013.
  4. Finke, Nikki. “Disney Completes Purchase Of Marvel Home Entertainment Distribution Rights“, 2 July 2013. კითხირიშ თარიღი: 2 July 2013. 
  5. Palmeri, Christopher. “Disney Buys Rights to Four Marvel Movies From Viacom’s Paramount“, 2 July 2013. კითხირიშ თარიღი: 2 July 2013.