რობერტ მიტჩემი

რობერტ მიტჩემი
Robert Mitchum
მიტჩემი 1955 წანას
ჯოხო დაბადება შვანს	რობერტ ჩარლზ დურმან მიტჩემი
მოღალობა	1937–1995
ბიოგრაფიული ჩინებეფი
დაბადებაშ თარიღი	6 მარაშინათუთა, 1917
დაბადებაშ აბანი	ბრიჯპორტი, კონექტიკუტი, ააშ
ღურაშ თარიღი	კვირკვე 1, 1997 (79 წანერი)
ღურაშ აბანი	სანტა-ბარბარა, კალიფორნია, ააშ
ნთხორუაშ აბანი	კრემირებული; ტუტა მორღვაფილ რე რჩქალ ოკიანეს
საქვარუა:	არტისტი, მობირე
მენოღალობა	ააშ
ერუანობა	ამერიკალი
ალმასქუ	დოროთი სპენსი (1940–1997)
სქუალეფი	3 (თინეფს შქას ჯეიმზ მიტჩემი დო კრისტოფერ მიტჩემი)

რობერტ ჩარლზ დურმან მიტჩემი (ინგლ. Robert Charles Durman Mitchum; დ. 6 მარაშინათუთა, 1917 — ღ. 1 კვირკვე, 1997) — ამერიკალ არტისტ დო მობირე. თინა ჩინებულ რე მუშ ანტიგერგეზულ როლეფით დო ფილმ ნუარიშ ჟანრიშ ფილმეფს ლაჸაფით. მენაღებ აფჷ აკადემიაშ ჯილდოშ (ოსკარი) დო BAFTA-შ პრემიაშ ნომინაციეფი. 1984 წანას თის ჰოლივუდიშ ვარადებაშ ჯალონას მურიცხ გუნწყეს, 1992 წანას — ორქოშ გლობუსიშ სესილ დემილიშ ჯილდო. ამერიკაშ კინოინსტიტუტიშ (AFI) კლასიკურ ამერიკულ კინოშ უკაბეტაშ ქომოლკოჩ მურიცხეფიშ ერკებულს მიტჩემი 23-ა აბანს იკენს.

მიტჩემქ პოპულარობა მიპალუ აკადემიაშ ჯილდოშ ნომინაციათ ოსკარი საუჯგუშო არტისტი კოჩიშ მეაჟირახარისხამ როლს, ფილმიშო „მალათირე ჯოშ ისტორია“ (1945). თიში არძაშე ჩინებულ ფილმეფ იკათუანს: „ულირშე“ (1947), „ანგელოზიშ სახე“ (1953), „უდურთინუ წყარმალუ“ (1954), „ჯინორიშ სერი“ (1955), „სამოთხეს უჩქუ, მისტერ ელისონი“ (1957), „ტყვაც დო გურგინიშ რზა“ (1958), „სანდაუნერეფი“ (1960), „შქურინიშ კოდმე“ (1962), „ელდორადო“ (1966), „რაიანიშ ცირასქუა“ (1970), „ედი კოილიშ მაჸალეეფი“ (1973) დო „ჯგირო ორდა, ჩქიმი სქვამი“ (1975). თინა თაშნეშე ჩინებულ რე მუშ სატელევიზიო როლით — ააშ-იშ ოზუღე ნძალეფიშ კაპიტან ვიქტორ „პაგ“ ჰენრიშ სახეთ ეპიკურ მინი-სერიალს „ლჷმაშ ბორიეფი“ (1983) დო თიშ გაგჷნძარებას „ლჷმა დო შვენა“ (1988).

კინოკრიტიკოს როჯერ ებერტიქ მიტჩემს მუშ საჸოროფო კინომურიცხო დო „ფილმ ნუარიშ ჟანრიშ შურ“ გიოდჷ: „მუშ ტომბა, ლაკონიურ ხონარით, გჷნძე სახეთ დო თი ჩინებულ შულადირ თოლეფით, თინა რდჷ თიჯგურა კოჩი, ნამუსჷთ თოლშა აწირინანდით ბარს კილუაშ ბორჯისჷნ, ნამუთ ელუდჷ, ნამჷ-და მიდგაინ კარშა გემნურს დო მუშ გურს გოუტახუნდჷნ.“ დევიდ ტომსონქ ჭარჷ: „ლჷმაშ უკული, ნამთინ ამერიკალ არტისტის ვეგნუღალჷ თეზჷმა პირველკლასამ ფილმი, თეზჷმა შხვადოშხვა გენწყუალათ.“

რესურსეფ ინტერნეტის

ვიკიოწკარუეს^? რე ხასჷლა თემაშენ:

რობერტ მიტჩემი

• რობერტ მიტჩემი — კინოფილმეფიშ ინტერნეტ მუნაჩემეფიშ ბაზას (ინგლისური)
• რობერტ მიტჩემი TCM-იშ კინოფილმეფიშ მუნაჩემეფიშ ბაზას
• რობერტ მიტჩემი საიტის Discogs
• Photographs and literature