რობერ შუმანი
| რობერ შუმანი Robert Schuman | ||
 შუმანი 1949 წანას | ||
| საფრანგეთიშ პრემიერ-მინისტრი | ||
|---|---|---|
| პოსტის გერინაშ ბორჯი | ||
| 5 ეკენია, 1948 – 11 ეკენია, 1948 | ||
| პრეზიდენტი | ვინსენტ ორიოლი | |
| წიმოხონი | ანდრე მარი | |
| მონძე | ანრი კეი | |
| პოსტის გერინაშ ბორჯი | ||
| 24 გერგობათუთა, 1947 – 26 კვირკვე, 1948 | ||
| პრეზიდენტი | ვინსენტ ორიოლი | |
| წიმოხონი | პოლ რამადიე | |
| მონძე | ანდრე მარი | |
| პოსტის გერინაშ ბორჯი | ||
| 26 კვირკვე, 1948 – 8 ღურთუთა, 1953 | ||
| პრემიერ-მინისტრი | ანდრე მარი მუ ანრი კეი ჟორჟ ბიდო რენე პლევენი ედგარ ფორი ანტუან პინე | |
| წიმოხონი | ჟორჟ ბიდო | |
| მონძე | ჟორჟ ბიდო | |
| პოსტის გერინაშ ბორჯი | ||
| 19 მელახი, 1958 – 18 მელახი, 1960 | ||
| წიმოხონი | ჰანს ფურლერი | |
| მონძე | ჰანს ფურლერი | |
| დუნაბადი | 29 მანგი, 1886 ლუქსემბურგი, ლუქსემბურგი | |
| ნაღურა | 4 ეკენია, 1963 (77 წანერი) სი-შაზელი, საფრანგეთი | |
| პოლიტიკური პარტია | ოკათე რესპუბლიკური ჸარაფი | |
| მუმა | ჟან-პიერ შუმანი | |
| ნანა | ევგენია დიურენი | |
| გონათაფა | ბერლინიშ უნივერსიტეტი მიუნხენიშ უნივერსიტეტი ბონიშ უნივერსიტეტი სტრასბურიშ უნივერსიტეტი | |
| ხეშმოჭარუა | .png) | |
ჟან-ბატისტ ნიკოლა რობერ შუმანი (ფრანგ. Jean-Baptiste Nicolas Robert Schuman; ლუქს. Jean-Baptiste Nicolas Robert Schuman; დ. 29 მანგი, 1886 — ღ. 4 ეკენია, 1963) — ფრანგი პოლიტიკოსი. თიქ დარსხუ ევროპაშ ქუანოშქერიშ დო ფულანდიშ გოართოიანაფა დო მოღალენდჷ ევროპაშ პოლიტიკური დო ეკონომიკური ართოიანობაშო.
შუმანი, 1919 წანაშე რდჷ საფრანგეთიშ ერუანული ასამბლეაშ მაკათური. ნაცისტური გერმანიაშით საფრანგეთიშ ოკუპაციაშ მიმალობას, 1940 წანას შუმანი გესტაპოქ ოჭოფუ, მარა ჟირი წანაშ უკულ ინტუ დო ქაკათჷ აწმარენჯობაშ ჸარაფის. 1944 წანას, შუმანქ ქუდარსხუ ოკათე რესპუბლიკური ჸარაფი - სოციალურ-რეფორმისტული პარტია, ნამუთ ევროპული ქირსიანულ-დემოკრატიული ტრადიციას მეთხოზუდჷ. მაჟირა მოსოფელიშ ლჷმაშ თებაშ უკულ, შუმანს უკებუდჷ შხვადოშხვა შანულამი პოსტეფი: 1946 წანაშ კვირკვე-გერგობათუთაშ პერიოდის რდჷ საფრანგეთიშ ფინანსეფიშ მინისტრი, 1947 წანაშ გერგობათუთაშე 1948 წანაშ კვირკვეშახ დო უკულ, 1948 წანაშ ეკენიაშ პერიოდის რდჷ საფრანგეთიშ პრემიერ-მინისტრი, 1948-1952 წანეფს შუმანს უკინებუდჷ გალენური საქვარეფიშ მინისტრიშ პოსტი დო 1955-1956 წანეფს იუსტიციაშ მინისტრიშ პოსტი.
გალენური საქვარეფიშ მინისტრიშ პოსტის გერინაშ ბორჯის, 1950 წანას, შუმანქ აკიმუშუ გეგმა, ნამუშ ღანკი ევროპაშ ეკონომიკური დო ოურდუმე ართოიანობაშ ხეშენწყუალა რდჷ. 1952 წანას, შუმანიშ გეგმას გიარსხუ, ევროპაშ ქუანოშქერიშ დო ფულანდიშ გოართოიანაფაშ გოჭყაფაქ, ნამუშ აკოდგინალუაშა მიშმეშჷ ამშვი სახენწჷფო: საფრანგეთი, გფრ, იტალია, ბელგია, ნიდერლანდეფი დო ლუქსემბურგი.
რობერ შუმანი მერჩქინელი რე ევროპული დო ტრანს-ატლანტიკური ორგანიზაციეფიშ: ევროპაშ რსხუშ დო ნატოშ ართ-ართი დუმარსხუაფალო.
ლიტერატურა
[რედაქტირაფა | წყუშ რედაქტირაფა] |
თე სტატია საფრანგეთიშ დო ფრანგეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |
 |
თე სტატია პოლიტიკური მოღალეშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |