სანატრუკი (პართია)

	‎სანატრუკი
	; სანატრუკიშ მონეტა
პართიაშ მაფა
პოსტის გერინაშ ბორჯი
	ჯვ. წ. 75 – ჯვ. წ. 69
წიმოხონი	ოროდ I
მონძე	ფრაატ III
ნაღურა	ჯვ. წ. 69 (90 წანერი);
მუმა	მითრიდატე I (?)
სქუალეფი	ფრაატ III
რელიგია	ზოროასტრიზმი

სანატრუკი — პართიაშ მაფა ჯვ. წ. 75-69 წანეფს, არშაკიდეფიშ დინასტიაშ წჷმმარინაფალი. ნამთინე მენცარეფიშ არზით სანატრუკი შილებე რდუკო მითრიდატე I-შ სქუა დო ფრაატ II-შ ჯიმა. შინელი ისტორიკოსიშ დეივიდ სელვუდიშ მეჯინათ, სანატრუკი რდჷ მითრიდატე I-შ უკულაში ჯიმა. სანატრუკიშ ღურაშ უკულ, პართიაშ ომაფე ხვისტაშა ეშართჷ თიში სქუაქ ფრაატ III-ქ.

მითრიდატე II-შ ღურაშ უკულ, პართიაქ შანულამო დედაღარჷ დო ტერიტორიეფი მიოდინუ. დოხოლაფირო ჯვ. წ. 75 წანაშო, სანატრუკიქ ქირგებუ მომენტი, ქელერინუ საკეფი დო ხეშულობა მუქ ქაშეჸოთჷ ხეშა. ჸათე ბორჯიშო სანატრუკი 80 წანერი ოკო რდუკო. არშაკიდეფიშ ახალი დინასტიური ჸას, ნამუთ სანატრუკიქ გაჭყჷ, კანკალე მენცარი მუშინუანს სანატრუკიდეფიშ ჯოხოდვალათ. თინეფი პართიას მართუნდეს ახ. წ. 12 წანაშახ.

სანატრუკიშ მართუალაშ ბორჯის, სომხეთიშ ნძალიერი მაფაქ, ტიგრან II-ქ ქისარგებლჷ პართიას მიმალი ქაოსური ჸოფირალათ, დო ქიდეკინჷ 70 ლეხერი, დო თაშნეშე ქიდიჸუნუ პართიაშ დომეინეფი: ატროპატენა, გორდუენე, ადიაბენა, ოსროჰენა დო ოორუე შქაწყარმალონა. სანატრუკიქ ღურუ ჯვ. წ. 69 წანას. თიში მონძე რდჷ სქუა ფრაატ III.

რესურსეფი ინტერნეტის

ენციკლოპედია ბრიტანიკა