საფრანგეთიშ მაანთხა რესპუბლიკა
|
საფრანგეთიშ მასუმა რესპუბლიკა | |||||||
| |||||||
|---|---|---|---|---|---|---|---|
| |||||||
| დევიზი დუდშულობა, ართმანგობა, ჯიმალობა | |||||||
| ჰიმნი მარსელიეზა | |||||||
.png) | |||||||
| ნანანოღა | პარიზი | ||||||
| ნინა | ფრანგული (ოფიციალური), თაშნეშე შხვა ნინეფი | ||||||
| ფარაშ ართური | ფრანკი | ||||||
| ფართობი | 14,200,000 კმ² (1946, კოლონიური ტერიტორიეფით) | ||||||
| მახორობა | 200,000,000 (1946, კოლონიური ტერიტორიეფით) | ||||||
| დუდალაშ ფორმა | რესპუბლიკა | ||||||
| პრეზიდენტი | |||||||
| - 1947–1954 | ვენსან ორიოლი | ||||||
| - 1954–1958 | რენე კოტი | ||||||
| პრემიერ-მინისტრი | |||||||
| - 1947 | პოლ რამადიე (მაართა) | ||||||
| - 1958 | შარლ დე გოლი (ეკონია) | ||||||
საფრანგეთიშ მაანთხა რესპუბლიკა (ფრანგ. Quatrième république française) — რესპუბლიკური თარობა საფრანგეთის 1946 წანაშ 27 გჷმათუთაშე 1958 წანაშ 4 გჷმათუთაშახ. მაანთხა რესპუბლიკა რდჷ გოგინძორაფა მასუმა რესპუბლიკაშ, ნამუთ საფრანგეთის მართუნდჷ 1870-1940 წანეფს.
მაანთხა რესპუბლიკაშ ჸოფაშ გოძვენას საფრანგეთი მიარე პოლიტიკური პრობლემეფიშ წოხოლე გერდჷ, მარა ქიანას იშენით არდგილი უღუდჷ შანულამი ეკონომიკური წჷმოძინეფს. მარშალიშ გეგმათ დო ამერიკაშ ფინანსური მოხვარათ, კუჩხის ქიგედირთჷ ინდუსტრიული წარმებაქ, გეუჯგუშჷ სოციალური ინსტიტუციეფქ. გალენური პოლიტიკას მაანთხა რესპუბლიკა მეთხოზუდჷ გერმანიაწკჷმა დახოლებაშ პოლიტიკას. გერმანია-საფრანგეთიშ ხოლო კოოპერაციას უკულ გიარსხუ ევროპაშ რსხუშ გოჭყაფაქ.
1946 წანაშ 27 გჷმათუთას მეღებულქ იჸუ ახალი კონსტიტუციაქ, ნამუთ ოცადუდჷ მარსულებერი ხეშულობაშ განძალიერაფას. მარა მართუალაშ სტაბილურობაშა ვემიჭირინუ. მაანთხა რესპუბლიკაშ ჸოფაშ 12 წანაშ გოძვენას, ოთარობე ადმინისტრაციაქ 21-შა დითირჷ. თაშნეშე, მაანთხა რესპუბლიკას ვეგნაჭყვიდირჷ დეკოლონიზაციაშ ოკითხეეფქ. 1958 წანაშ მესიშ კრიზისიშ შედეგო, მაანთხა რესპუბლიკაქ აკოცუ. თე წანას შარლ დე გოლქ პოლიტიკას დართჷ. თიქ ქიდუდუ ახალი ობორჯე თარობაშ მანჯღვერალა დო ახალი კონსტიტუციაშ მეღება. 1958 წანაშ ეკენიაშ რეფერენდუმიშ უკულ, საფრანგეთიშ მაანთხა რესპუბლიკაქ ოფიციალურო გასურჷ ჸოფა დო არდგილი დუთმუ ასეიან მახუთა რესპუბლიკას, უმოს ნძალიერი პრეზიდენტიშ მართუალათ.
ლიტერატურა
[რედაქტირაფა | წყუშ რედაქტირაფა]- Giles, Frank (1991). The Locust Years: The Story of the Fourth French Republic, 1946-1958. London: Secker & Warburg.
- Sowerwine, Charles (2001). France Since 1870: Culture, Politics and Society. New York: Palgrave Macmillan.
 |
თე სტატია საფრანგეთიშ დო ფრანგეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |