საფრანგეთიშ პოლინეზია

საფრანგეთიშ პოლინეზია
საფრანგეთიშ პოლინეზია; ფრანგ. Polynésie française; ; ტაიტ. Pōrīnetia farāni
	დევიზი: ფრანგ. „Liberté, égalité, fraternité“ ტერიტორიაშ დევიზი: ტაიტ. „Tahiti Nui Māre'are'a“; მარგ. „დუდიშულა, წორწალა, ჯიმალობა“; ტერიტორიაშ დევიზი: (მარგ. „ორქოშ ფურკიშ უსქვამაშ ტაიტი“)
	ჰიმნი: ფრანგ. La Marseillaise; („მარსელიეზა“);
სტატუსი	საფრანგეთიშ ზუღაშმელენ ჯარალუა
ნანანოღა	პაპეეტე; 14°34′ ობჟ. გ. 149°36′ ბჟად. გ. /
უკაბეტაშ	ფააა
ოფიციალურ ნინა	ფრანგული; ტაიტური;
აღიარაფილი რეგიონული ნინეფი	ავსტრალური; რაივავაე; რაპა; მანგარევა; ტუამოტური; მარკიზული;
ეთნიკური ბუნეფი (1998)	66.5% უკათაფუ პოლინეზიარეფი; 7.1% მესვარილ პოლინეზიარეფი; 9.3% დემისი; 11.9% ევროპალეფი; 4.7% ბჟაეიოლ აზიაშ კათა
თარობა	დევოლუციურ საპარლემენტო დოჸუნელ ტერიტორია
კანონმადვალუ ორგანო	საფრანგეთიშ პოლინეზიაშ ასამბლეა
ფართობი
მახორობა
ედპ (ჸუპ)	2024 ფასება
ვალუტა	რჩქალოკიანური ფრანგული ფრანკი (₣) (XPF)
ბორჯიშ ორტყაფუ	(UTC UTC−10:00; ; UTC−09:30 (მარკიზიშ კოკეფი); ; UTC−09:00 (გამბიეშ კოკეფი); )
ყარაფი	მორძგვიშე
ოტელეფონე კოდი	+689
	საფრანგეთიშ პოლინეზიაშ ინტერაქტიულ რუკა

საფრანგეთიშ პოლინეზია (ფრანგ. Polynésie française^ⓘ; ტაიტ. Pōrīnetia farāni) — საფრანგეთიშ კოკ ზუღაშმელენ ჯარალუა დო თიშ აკა ზუღაშმელენ ქიანა. აკმოდირთუ 121 გეოგრაფიულო ართიანშე ჩათხინაფილ კოკშე დო ატოლშე,^[1] ნამუეფჷთ რჩქალ ოკიანეშ ობჟათეშე გჷნოზინდილ რენა 2000 კილომეტრის. საფრანგეთიშ პოლინეზია ევროპაშ რსხუწკჷმა მუჭოთ, ზუღაშმელენ ქიანა დო ტერიტორია (OCT).^[2] საფრანგეთიშ პოლინეზიაშ ფართობ რე 3,521კმ², მახორობა — 282,596 ადამიერი (2025 წანაშ ეკენიაშ მუნაჩემეფით),^[3] ნამუეფშე 205,000 ოხორანს ჯარალუაშ კოკეფს დო დოსქილადირ ოხორანს — არქიპელაგიშ შხვა ნორთის.

საფრანგეთიშ პოლინეზია დორთილ რე ხუთ კოკურ ბუნათ: ავსტრალიშ კოკეფი; გამბიეშ კოკეფი; მარკიზიშ კოკეფი; ჯარალუაშ კოეკფი (ლივარდიშ დო უინუარდიშ კოკეფიშამო) დო ტუამოტუშ კოკეფი. ტერიტორიაშ 121 კოკშე დო ატოლშე, 2017 წანაშ ეჭარუათ, დოხორელ რე ხვალე 75 კოკი. ტაიტი, ნამუთ ჯარალაუშ კოკეფიშ ბუნას იდვალუაფჷნ, არძაშე დოხორელ კოკ რე, სოდე საფრანგეთიშ პოლინეზიაშ მახორობაშ 69% ოხორანს ^[update]. პაპეეტე, ნამუთ კოკ ტაიტის იდვალაუფჷნ, საფრანგეთიშ პოლინეზიაშ ნანანოღა რე. თიშ უმკუჯინალო, ნამჷ-და კოკ კლიპერტონ საფრანგეთიშ პოლინეზიაშ უგურთუ ნორთჷ ვარდჷნ, 2007 წანაშახ საფრანგეთიშ პოლინეზიაშ გამაგალაშ გიმე რდჷ.

კაბეტ პოლინეზიურ მიგრაციაშე ოშობათ წანაშ უკულ, ევროპალ მარკვიალეფქ რეგიონშა შარალუა დიჭყეს დო ანდაშა ძირეს საფრანგეთიშ პოლინეზიაშ კოკეფი. თაშნეშე ოსურუდეს ვაჭარეფ და ვერშაპეფშა ჯინორ ნიშეფჷთ. 1842 წანას, ფრანგეფქ კოკ გეჭოფეს დო ფრანგულ პროტექტორატ გაჭყეს, ნამუსჷთ ჯოხოთ გიოდვეს ფრანგ. Établissements français d'Océanie (EFO) (ოკიანეთიშ ფრანგულ ხორუეფი/გჷნაჭყეფი).

1946 წანას, საფრანგეთიშ მაანთხა რესპუბლიკაშ კონსტიტუციაშ მეჯინათ, EFO-ქ ზუღაშმელენ ტერიტორიათ გჷნირთუ დო პოლინეზიარეფს მენმოღალობაშ მეღებაშ რზათ ხონარიშ მეჩამაშ ნებაქ მიაჩეს. 1957 წანას, ტერიტორიას ჯოხოქ დათირჷ დო საფრანგეთიშ პოლინეზია გიადჷ. 1983 წანას რეგიონულ წუმოძინაშ ორგანიზაციაშ, რჩქალ ოკიანეშ ჯარალუაშ მაკათურო გჷნირთუ. 2003 წანაშ 28 მელახშე, საფრანგეთიშ პოლინეზიაქ საფრანგეთიშ რესპუბლიკაშ ზუღაშმელენ ჯარალუათ გჷნირთუ 74-ა ბირგულიშ კონსტიტუციურ გინოჯინაშ ომანგეთ, მოგვიანეთ, 2004 წანაშ 27 ფურთუთაშ 2004-192 კანონით, მიპალჷ ადმინისტრაციულ ავტონომია, ნამუშ ჟირ სიმბოლურ შან რე საფრანგეთიშ პოლინეზიაშ პრეზიდენტიშ ტიტულ და თიშ გეძინეთ ეშანუა, მუჭოთ ზუღაშმელენ ქიანა.^[4]

კომენტარეფი

↑ პოლინეზიარეფი, ნამუეფჷთ ქექაშე რენა მესვარილ ევროპალეფ დო ბჟაეიოლ აზიარეფწკჷმა.
↑ მესვარილ ევროპულ დო პოლინეზიურ გოჭყაფა.
↑ ფრანგეფი.
↑ უმენტაშო ჩინარეფი.

რესურსეფი ინტერნეტის

სათარობო ვებ-რესურსეფი

High Commission of the Republic in French Polynesia
Presidency of French Polynesia
Assembly of French Polynesia
Legal publication service in French Polynesia Archived 2022-07-03 ვებ-ხასჷლას Wayback Machine.
Administrative Subdivisions of French Polynesia
Langues et cité n°29 : les langues de Polynésie française (fr-FR) (3 October 2017).

ართამ ინფორმაცია

(in ფრანგული) Encyclopédie collaborative du patrimoine culturel et naturel polynésien
French Polynesia. The World Factbook. Central Intelligence Agency.
French Polynesia at UCB Libraries GovPubs
ვიკიმედია-ატლასი: საფრანგეთიშ პოლინეზია — გეოგრაფიული დო ისტორიული რუკეფი

ოშარალე ვებ-რესურსეფი

Official Tourism Website

სქოლიო

↑ French Polynesia at a glance 2020. Institut de la statistique de la polynésie française (ISPF). კითხირიშ თარიღი: 2022-03-04.
↑ The European Union and French Polynesia | EEAS (en). კითხირიშ თარიღი: 2025-07-27.
↑ French Polynesia Population (2025) (en). კითხირიშ თარიღი: 2025-09-13.
↑ Les statuts de la Nouvelle-Calédonie et de la Polynésie. კითხირიშ თარიღი: 17 December 2015.

თე სტატია საფრანგეთიშ დო ფრანგეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.

[1] პოლინეზიარეფი, ნამუეფჷთ ქექაშე რენა მესვარილ ევროპალეფ დო ბჟაეიოლ აზიარეფწკჷმა.

[2] მესვარილ ევროპულ დო პოლინეზიურ გოჭყაფა.

[3] ფრანგეფი.

[4] უმენტაშო ჩინარეფი.

[islands-5] French Polynesia at a glance 2020. Institut de la statistique de la polynésie française (ISPF). კითხირიშ თარიღი: 2022-03-04.

[6] The European Union and French Polynesia | EEAS (en). კითხირიშ თარიღი: 2025-07-27.

[7] French Polynesia Population (2025) (en). კითხირიშ თარიღი: 2025-09-13.

[8] Les statuts de la Nouvelle-Calédonie et de la Polynésie. კითხირიშ თარიღი: 17 December 2015.

[კომ. 1]

[კომ. 2]

[კომ. 3]

[კომ. 4]

[1]

[2]

[3]

[4]