სეინი კუნჩე
| სეინი კუნჩე Seyni Kountché | ||
 კუნჩე 1983 წანას | ||
| ნიგერიშ მა-2 პრეზიდენტი | ||
|---|---|---|
| პოსტის გერინაშ ბორჯი | ||
| 15 პირელი, 1974 – 10 გერგობათუთა, 1987 | ||
| პრემიერ-მინისტრი | მამან უმარუ | |
| წიმოხონი | ამანი დიორი | |
| მონძე | ალი საიბუ | |
| დუნაბადი | 1 კვირკვე, 1931
ფანდაუ, ნიგერი, ფრანგული ბჟადალი აფრიკა | |
| ნაღურა | 10 გერგობათუთა, 1987 (56 წანერი)
პარიზი, საფრანგეთი | |
| მენოღალობა |  ნიგერი | |
| საქვარუა | ოურდუმე მოღალე, პოლიტიკოსი | |
| რელიგია | ისლამი | |
სეინი კუნჩე (დ. 1 კვირკვე, 1931 — ღ. 10 გერგობათუთა, 1987) — ნიგერალი ოურდუმე მოღალე დო პოლიტიკოსი, ნიგერიშ მა-2 პრეზიდენტი 1974-1987 წანეფს.
კუნჩე 1949 წანაშე ნინალენდჷ საფრანგეთიშ კოლონიურ არმიას. 1957 წანას გინირთჷ სერჟანტო. ნიგერიშ ზოხორინელობაშ უკულ, ოურდუმე კარიერა გაგინძორჷ ნიგერიშ აკოანჯარაფილ ნძალეფს. 1965-1966 წანეფს გურაფულენდჷ ოფიცერეფიშ ოტრეინინგე სკოლას, პარიზის. ოდაბადეშა დორთაშ უკულ ქუდარინეს ნიგერიშ არმიაშ შტაბიშ უნჩაშიშ გამაკოჩო. 1973 წანას ქიდეკინჷ არმიაშ შტაბიშ უნჩაშიშ პოსტი.
ამანი დიორიშ მართუალაშ ბორჯის ნიგერი რდჷ ართპარტიულ სახენწჷფო. თხოზუდეს ოპოზიციას. ქიანა სერიოზულ პრობლემეფიშ წოხოლე გერდჷ. 1968-1974 წანეფიშ გოლოფაქ გიმიჭანუ შქირენა, ნამუქჷთ დიორიშ თარობას ვეგნაჭყვიდირჷ. გეუფრაშჷ ეკონომიკურ ჸოფირალაქ. ოპონენტეფი თარობას აბრალუაფუდეს კორუფციას. 1974 წანაშ 15 პირელს, სეინი კუნჩექ მანწყუ ოურდუმე გინორთა, ქუდახუ დიორი დო ხეშულობა მუქ ქაშეჸოთჷ ხეშა.[1]
კუნჩექ დეთხინუ პარლამენტი — ერუანული ასამბლეა, აკრძალჷ პარტიეფ, დო გადუდიშულჷ პოლიტიკურ პატიმარეფ. გიჭყჷ უჟინაშ ოურდუმე სხუნუქ, ნამუშ პრეზიდენტო გიშაგორილქ იჸუ კუნჩექ.
კუნჩე ოცადუდჷ ნიგერიშ ეკონომიკურ ჸოფირალაშ გაუჯგუშაფას, მარა სერიოზულ პრობლემათ სქიდუდჷ გოლოფა. კუნჩე აქტიურო მეთხოზუდჷ ეკონომიკაშ ლიბერალიზაციაშ პოლიტიკას.[2]
1986 წანაშე გეუფრაშჷ კუნჩეშ სინთელექ. 1987 წანას თის დედასურჷ ტვინიშ კიბოქ. ჸათეშ გეშათ თინა პარიზის კურნალებდჷ, მარა უშედეგეთ. კუნჩექ ღურუ 1987 წანაშ 10 გერგობათუთაქ, პარიზიშ კლინიკას. ნიგერიშ გეჸვენჯი პრეზიდენტო გინირთჷ ალი საიბუქ.[3]
ქოძირით თაშნეშე
[რედაქტირაფა | წყუშ რედაქტირაფა]სქოლიო
[რედაქტირაფა | წყუშ რედაქტირაფა]- ↑ Niger's Leader, Seyni Kountche, Dies at 56 (10 November 1987). კითხირიშ თარიღი: 5 September 2026.
- ↑ Niger's Leader, Seyni Kountche, Dies at 56 (10 November 1987). კითხირიშ თარიღი: 5 September 2026.
- ↑ Niger's Leader, Seyni Kountche, Dies at 56 (10 November 1987). კითხირიშ თარიღი: 5 September 2026.