სერგო ორჯონიკიძე
| სერგო ორჯონიკიძე Серго Орджоникидзе | ||
 ორჯონიკიძე 1937 წანას | ||
| მონკა ინდუსტირაშ ოკათე კომისარი | ||
|---|---|---|
| პოსტის გერინაშ ბორჯი | ||
| 5 ღურთუთა, 1932 – 18 ფურთუთა, 1937 | ||
| წიმოხონი | პოსტიქ გიჭყჷ | |
| მონძე | ვალერი მეჟლაუკი | |
ერუანული ეკონომიკაშ უჟინაში სხუნუშ დუდმახვენჯი | ||
| პოსტის გერინაშ ბორჯი | ||
| 10 გერგობათუთა, 1930 – 5 ღურთუთა, 1932 | ||
| წიმოხონი | ვალერიან კუიბიშევი | |
| მონძე | პოსტიქ გეუქვჷ | |
| პოსტის გერინაშ ბორჯი | ||
| 5 გერგობათუთა, 1926 – 10 გერგობათუთა, 1930 | ||
| წიმოხონი | ვალერიან კუიბიშევი | |
| მონძე | ანდრეი ანდრეევი | |
მა-16, მა-17 პოლიტბიუროშ რსული მაკათური | ||
| პოსტის გერინაშ ბორჯი | ||
| 21 ქირსეთუთა, 1930 – 18 ფურთუთა, 1937 | ||
მა-14 პოლიტბიუროშ კანდიდატი მაკათური | ||
| პოსტის გერინაშ ბორჯი | ||
| 23 კვირკვე, 1926 – 3 გერგობათუთა, 1926 | ||
| დუნაბადი | 24 გჷმათუთა, 1886 ღორეშა, ქუთეშიშ გუბერნია, რუსეთიშ იმპერია | |
| ნაღურა | 18 ფურთუთა, 1937 (50 წანერი) მოსკოვი, რუსეთიშ სფსრ, სსრრ | |
| ნთხორუ აბანი | ნეკროპოლი კრემლიშ კიდაწკჷმა, მოსკოვი | |
| მენოღალობა |  სსრრ | |
| პოლიტიკური პარტია | რსდმპ (ბოლშევიკეფი) (1903-1918) სრკპ (1918-1937) | |
| რელიგია | ათეიზმი | |
| ჯილდოეფი | ჭითა შილაშ ორდენი (1921) ლენინიშ ორდენი (1935) ხანდაშ ჭითა შილაშ ორდენი (1936) | |
გრიგოლ კონსტანტინეშ სქი ორჯონიკიძე (ქორთ. გრიგოლ კონსტანტინეს ძე ორჯონიკიძე, რუს. Григо́рий Константи́нович Орджоники́дзе; პარტიული მეტჯოხო სერგო; დ. 24 გჷმათუთა [ჯვ.სტ. 12 გჷმათუთა], 1886 — ღ. 18 ფურთუთა, 1937) — ქორთუ პოლიტიკოსი, რევოლუციონერი, სხუნუეთიშ სახენწჷფო მოღალე.
დებადჷ ქუთეშიშ გუბერნიაშ ოფუტე ღორეშას. გურაფულენდჷ მიხაილოვიშ ჰოსპიტალიშ სამედიცინო სკოლას. ახალნორდობაშე ქაკათჷ ბოლშევიკეფს და მალას მიპალუ შანულამი პოპულარობა, მუჭოთ აქტიური ფიგურაქ. პოლიტიკური აქტივიზმიშ გეშა ბრელშა რდჷ ჭოფილი. 1917 წანაშ ფურთუთაშ რევოლუციაშ ბორჯის რდჷ გინოხორაფას, ცჷნდჷრს. გინოხორაფაშე დორთინაშ უკულ აქტიურო მონაწილენდჷ გჷმათუთაშ რევოლუციას. რევოლუციაშ შედეგო ხეშულობა ბოლშევიკეფქ ქაშეჸოთეს ხეშა. 1921 წანაშ ფურთუთას ორჯონიკიძექ მიშეღჷ კაბეტი თია ჭითა არმიაშით საქორთუოშ ოკუპაციაშა. უკულ ორჯონიკიძექ ხუჯი დუკინჷ მოლენკავკაციაშ სოციალისტური ფედერაციული სხუნუეფიშ რესპუბლიკაშ (მსფსრ) დორსხუაფას, ნამუშათ მიშმეშეს საქორთუო, სომხეთი დო აზერბაიჯანი. წორეთ მსფსრ რდჷ სსრრ-შ აკმადგინალი ართ-ართი რესპუბლიკა 1922 წანაშ ქირსეთუთას. 1926 წანაშახ მსფსრ-შ მაართა მელამოსეშ პოსტი ორჯონიკიძეს უკინებუდჷ.
1926 წანას ორჯონიკიძე ქუდარინეს მუშეფიშ დო გლეხეფიშ ინსპექციაშ ოკათე კომისარო. 1930 წანაშე ხემანჯღვერენდჷ ერუანული ეკონომიკაშ უჟინაში სხუნუს, ნამუქჷთ უკულ, 1932 წანას გეგნიკეთჷ მონკა ინდუსტირაშ ოკათე კომისარიატო. 1930 წანას გინირთჷ პოლიტბიუროშ რსული მაკათურო.
დუდშე ორჯონიკიძე სტალინს ალურდჷ მარა 1930-იან წანეფიშე ორჯონიკიძექ ხუჯი ვადუკინჷ მიმალი პოლიტიკური რეპრესიეფს. ჸათეშ გეშათ გეუფრაშჷ ორჯონიკიძეშ ურთიართალაქ სტალინიწკჷმა. 1937 წანაშ 18 ფურთუთას, სერგო ორჯონიკიძექ დუდი დიჸვილჷ.