სერენგეტიშ ერუანული პარკი
| სერენგეტიშ ერუანული პარკი
სუაჰ. Hifadhi ya Serengeti | |
|---|---|
 | |
  | |
| ორენი |  ტანზანია, სერენგეტიშ რეგიონი
|
| კოორდინატეფი | / |
| ფართობი | 14763 |
| დირსხუ | 1940 |
| მადუდე ორგანო | ტანზანიაშ ერუანული პარკეფიშ სააგენტო |
| ოფიციალური ვებ-ხასჷლა | serengeti.com |
|
მოსოფელიშ მონძალა UNESCO, ობიექტი № 156 რუს. • ინგლ. • ფრ. |
სერენგეტიშ ერუანული პარკი — ერუანული პარკი ტანზანიას, სერენგეტიშ ეკოსისტემაშ არანს. ერუანული პარკიშ ფართობი რე 14 763 კმ². პარკი ჩინებული რე ირწანური მილიონ დო გვერდი ბაძაძამი გნუშ დო 250 000 ზებრაშ მიგრაციათ. მერჩქინელი რე ართ-ართ საუჯგუშო ტყარი ორთაშ ტყაჩირო აფრიკას, ნამუთ უპირველაშე თაქ ხვენელი მახვამილარეფიშ დო თინეფიშ ოკიბირალეფიშ სორგინით რე გოტანჯილი. პარკის თაშნეშე ხე 400-შე უმოსი გვარობაშ მაფურინჯე.
პარკიშ ტერიტორიაშა თარო მიშმურს ოდიარამი ველეფი დო სავანეფი,თაშნეშე წყარმალუპიჯი ჭალეეფი დო ლამე არანეფი. იდვალუაფუ ქიანაშ იოორუეშე, ტანზანიაშ დო კენიაშ სახენწჷფო ხურგწკჷმა, სოდე კენიაშჸურე პარკი მასაი-მარაშ ერუანული ტყაჩირით იგჷნძორებუ. პარკიშ ობჟათე-ბჟაეიოლშე იდვალუაფუ ნგორონგოროშ თხილერი ტერიტორია, ბჟადალშე — იკორონგოშ დო გრუმეტიშ სპორტული ჯინორუაშ ტყაჩირეფი.
ერუანული პარკიშ ტერიტოროას ადამიერეფიშ ხორუა ვარებული რე, ფრანკფურტიშ ზოოლოგიური ჯარალუაშ დო მუზმარენი სასუმარეშ წორომოხანდეეფიშ მოხ.
პარკის ეჭარუაშის, მუჭოთ წესი სუმი ნორთო ჸუნა:
- სერენგეტიშ ველეფი: უსაბოლე, უჯალე დოლოგანეფი, სოდე ხე ანდა ჩხოლარი — ბაძაძამი გნუ (ქირსეთუთაშე მესიშახ), ზებრა, ტომსონიშ გაზელი, ტყარი კამბეში დო თ. უ. ჩანარეფს მიშახე თაშნეშე პითონი.
- ბჟადალი მაქდორი: რეგიონიშ ლამე სავანა. თაქ გიშმალი წყარმალუ გრუმეტის ხე ანდა მუდანობაშ ნილოსიშ ნიანგე, მალიმორი კიღურა.
- ოორუე სერენგეტი: ლანდშაფტის ჭყენჭყიშ ჯალეფი დო ზუგუეფი. ხე მუნჭყვი, ჟირაფი, დიკი-დიკი.
ქოძირით თაშნეშე
[რედაქტირაფა | წყუშ რედაქტირაფა]რესურსეფი ინტერნეტის
[რედაქტირაფა | წყუშ რედაქტირაფა]
- Serengeti Official website
- TANAPA - Serengeti Archived 2012-09-29 ვებ-ხასჷლას Wayback Machine.
- WCMC World Heritage Site - Serengeti Archived 2007-03-11 ვებ-ხასჷლას Wayback Machine.
- Map of Serengeti National Park
| |||||||
