სექსობურ მოძოკება

„პუბერტატი“ თე სტატიაშა გინმურს. შხვა შანულობაშ გეშა ქძ. პუბერტატი (მიარეშანულამი).

ქომოლურ სქესიშ პუბერტატი

სქესობურ მოძოკება, კჷნე პუბერტატი (ლათ. pubertas) — სქესობურ წუმოძინაშ ბორჯი. რე ინდივიდუალურ დო ითირუ გოთანჯილ ფარგანეფს რასობური, გეოგრაფიულ დო შხვა ელმოლიშ გოთოლწონებათ.

ძღაბეფიშ სქესობურ მოძოკება ოშქაშეთ 9-11 წანაშ ხანს იჭყაფუ დო იგჷნძორებუ 15-17 წანაშა. ბოშეფი, მუჭოთ წესი, უმოს გვიანო მიშმულა თე პროცესშა — 11-12 წანაშე დოხოლაფირო 16-17 წანაშა. მარა, მოძოკებაშ ტემპ გინორთელ რე არძა ადამიერშო (ინდივიდუალურ რე). პუბერტატიშ ბორჯიშ დოჭყაფაშ დო თიშ დათებუშ ეიოშანალო თაშნეშე მეღებულ რე ტერმინეფ პრეპუბერტატი დო პოსტპუბერტატი.

სქესობურ მოძოკებაშის მუთმოხვადუ მუჭოთ ფიზიკური, თეშ ემოციურ დო ფსიქოლოგიურ თირუეფი. ფიზიკურ თოლწონუათ, მარდუეფს ბაღანობაშე მორდუალაშა (რდუალაშა) გინულაშის ათირჷნა სიმაღალა, ანაგიშ ფორმა, წონა დო თომამობა ანაგის. ემოციურ დო ფსიქოლოგიურ თირუეფ მინშა ფიზიკურ თირუეფს უწორუანს. თე ხანიშ მარდუეფს გიშაკერზაფილო გუმურჩქინდჷნა დუდიშულობაშ დო ზოხორინალაშ კორინ დო მოთხირი, თინეფ თაშნეშე მინჭაფჷნა აბსტრაქტულო არზუანობაშა, შხვაშ თოლონჭეშ გაარზებაშ დო მუშანალიზიშ უნარ-რჩქინეფი.

სქესობურ მოძოკება საყურანდგე რე თი თოილწონუათჷთ, ნამჷ-და თე ბორჯის მარდუს გჷმაქიმინუ ზოხორინელ სექსუალურ იდენტობა დო ურჩქინდუ სექსუალურ კორინეფი.

რესურსეფ ინტერნეტის

• ფიზიკურ თირუეფ სქესობურ მოძოკებაშის (ქორთ.)
• ემოციურ დო ფსიქოლოგიურ თირუეფ სქესობურ მოძოკებაშის (ქორთ.)
• გშმ მარდუეფ დო სქესობურ მოძოკება (ქორთ.)