სექსუალური აქტი

სექსუალურ აქტი, სქესობურ აქტი (თაშნეშე კოიტუსი ვარ-და კოპულაცია) — გენიტალურ კონტაქტ ჟირ ინდივიდიშ შქას გაბრელებაშ ღანკით ვარ-და სქესობურ მენტებაშ გუმორძღაფა. ბიოლოგიურ თოლწონუათ, თენა რე აქტი, ნამჷ-და შვანსჷთ ქომოლკოჩიშ რეპროდუქციულ ორგანო (ადამიერეფს ვარ-და ნამთინე ჩხოლარეფს) მიშმეჸონებაფუაფუ ოსურიშ რეპროდუქციულ ტრაქტიშა, ნამუსჷთ თაშნეშე კოიტუსის უძახჷნან. აქტიშ მაკათურეფ შილებე აწმარინე სქესიშ ორდანინ, ვარ-და ხოლო ჰერმაფროდიტეფი, მუჭოთ სამანგათ ფერწოშ შვანს რენ.

ტრადიციულო, სქესობურ აქტის ეთმენწყუნდეს მუჭოთ სქესობურ კონტაქტიშ ორთაშობურ დათებუს ქომოლკოჩ დო ოსურ შქას, დო ამდღარშახ თეშნერო ეთმოსხუნჷნა. თეშ უმკუჯინუო, ტერმინიშ შანულობაქ ეკონია წანეფს უმოსო გიძინჷ დო ირიშ უკულაშ სუმ შხვადოშხვანერ აქტის იკათუანს, თენეფ რე: ვაგინალურ სექსი, ნამუთ აფსოშა ქომოლკოჩიშ სასქესო ასოშ მიშაჸონაფას იკათუანს; ორალურ სექსი, ნამუთ სქესობურ ორგანოეფწკჷმა ორალურ მერსხუს იკათუანს დო ანალურ სექსი, ნამუთ ქომოლკოჩიშ სასქესო ასოშ მუშ პარტნიორიშ გვამიშ დუდიშა მიშაჸონაფას იკათუანს.