ბაგრატ III: გინორთი გინოჯინეფს შქას

ვიკიპედიაშე
ვა რე რედაქტირაფაშ რეზიუმე
Abigor (სხუნუა | ნახანდი)
ჭ.რ. 11 ცვლილება: from incubator
(გინორთი ვა რე)

15:17, 12 კვირკვე 2011-იშ ვერსია

ბაგრატ III -აკოშქუმალირ საქორთუოშ მაართა მაფა, 975-1014 წანეფს, ბაგრატიონეფიშ დინასტიაშე, გურგენ მაფეფიშ მაფაშ სქუა, ტაოშ მაფა დავით III-შ სქუაჸონერ დო ნარდი. ქორთულ ომაფე-ოთარეეფიშ აკოშქუმალაშო ლჷმაშ ბორჯის გჷშართჷ ბაგრატიქ პოლიტიკურ ასპარეზშა.

პოლიტიკურ სიტუაცია

X ოშწანურაშ დაჭყაფუშე დინახლენ ქართლი „აფხაზეფიშ“ მაფეეფიშ დორხველობას რდჷ. 70-ამ წანეფს დინახლენფეოდალურ ლჷმეფქჷ დასუსტ აფხაზონაშ ომაფე. თეოდოს III ჸვერეშ მაფობაშ ბორჯის რინელ სიტუაცია გჷმირინეს კახეთიშ პოლიტიკურ მანჯღვერეფქ დო დიჭყეს ლჷმა ქართლიშ გურ შენ. 975 დავით III-ქ ქართლიშ ერიშდუდიშ, იოანე მარუშისძეშ მოხვარათ გეპატჷნ ქართლის დო თაქიანობა ქიმეჩ ომანჯღვერეთ ბაგრატის, ნამუსუთ ალმრინჯეთ ქალურინუ მუამუშ, გურგენ. თეოდოს მაფას სქუა ვა ჸუნდუ, სქუა ვა ჸუნდუ დავითის ხოლო. ბაგრატ III დიდათ ბჟადაალ საქორთუო ერგებუდ, მუმათ დო მუმაჸონერით ობჟათე საქორთუო.

ომაფეეფიშ აკოშქუმალა

978 დავით III-ქ დო იოანე მარუშისძექ ბაგრატ III აფხაზონას (ბჟადაალ საქორთუოს) გამაფეს. 980 წანას, მუჟამსჷთ ბაგრატიქ რსულწანამო გინირთჷ, ხეს გეჭოფ ომაფეშ მანჯღვერობა. მუშ თარ ღანკი ომაფეშ აკოშქუმალა რდჷ. ქართლიშ ფშხუ ფეოდალეფქ, მიდგას საქორთუოშ აკოშქუმალა ვაკოდესჷნ, ქიმიხვარეს კახეთიშ ჯარ დო ბაგრატიშ დიდა დო მუმა ოჭოფეს, მარა რეაქციონერ ფეოდალეფიშ თე გუშულაქ მარცხით გეთუ. 80-ამ წანეფიშ დაჭყაფუს ბაგრატიქ დამარცხჷ ქართლიშ ფეოდალეფიშ არყება, ნამუეფსჷთ დუდენდ ქავთარ ტობარ. 989 ბაგრატ III-ქ დამარცხჷ კლდეკარიშ ერიშდუდ რატი ბაღვაში. 1001 წანას, დავით III-შ ღურაშ უკულ, ობჟათე საქორთუოშ უმეტაშ თია ქიდეკინ ბიზანტიაშ იმპერატორ ბასილ II-ქ. ბაგრატიქ დო გურგენქ ქო ცადეს თე ტერიტორიეფიშ ხეშა აშაჸათამა, მარა მუთუნქ ვა აქიმინეს. თე ტერიტორიაქ უკულიან წანეფს იჸუ საქორთუო დო ბიზატია შქას ლჷმაშ ბაძაძიქ. 1008 წანას, გურგენიშ ღურაშ უკულ, ბაგრატიქ ქჷდეკინ შავშეთი, კლარჯეთი, სამცხე-ჯავახეთი. თე ბორჯიშე ბაგრატიშ ტიტულ რდჷ „აფხაზეფიშ დო ქორთუეფიშ მაფა.“ 1010 წანას ბაგრატიქ ქჷდეკინ კახეთ-ჰერეთი. თე ბორჯიშო საქორთუოშ სამძღოეფიშ გალე სქჷდუდ ქართიშ საამირო დო იმიერტაო. მაფობაშ ეკონია წანეფს ბაგრატიქ სომეხეფიშ მაფაშ, გაგიკ I-შ მოხვარათ ელჷმჷ განძაშ ამირა ფადლონს.


ბაგრატიშ ბორჯის ეგაფილქ იჸუ ჩინებულ ქორთულ არქიტექტურულ ძეგლეფქ-ბედიაშ მონასტერქ, ბაგრატიშ ეკლესიაქ (ქუთეშის), ნიკორწმინდაქ დო შხვა ეკლესიეფქ. ბაგრატ დასაფულებურ რე ბედიაშ მონასტერს.