ბერლინი

ბერლინი(გერმ. Berlin) -- გერმანიაშ ნანანოღა დო ფართანობათ დო მახორობათ არძაშე უდიდაშ გერმანულ ნოღა. ბერლინს უღჷ ნოღა-სახენწჷფოშ დო ავტონომიურ ალობეფ, რე ფედერაციულ დიხა.

რინაშ ისტორიას ბერლინი ბრელ გერმანულ სახენწჷფოშ ნანანოღა რდჷ: ბრანდენბურგიშ სამარკგრაფო/საპატნოშ, პრუსიაშ ომაფეშ, გერმანიაშ იმპერიაშ დო გერმანიაშ დემოკრატიულ რესპუბლიკაშ. 1990 წანაშ 3 გჷმათუთაშე ბერლინი გერმანიაშ ფედერაციულ რესპუბლიკაშ ნანანოღა რე.

ბერლინი რე მაგისტრალური ნასქვი. ბერლინ ართ-ართ თარ ეკონომიკური დო კულტურული ცენტრი რე. ბერლინს ბრელი რე უნივერსიტეტეფი, თეატრეფი, მუზეუმეფი დო კულტურული ძეგლეფი.

გეოგრაფიული დვინა

ბერლინს ომძღჷ ბრანდებურგიშ ფედერაციულ დიხა დო იდვინუაფუ გერმანიაშ ელახის, პოლონეთიშ სამძღოშე 70 კილომეტრიშ სიშორას, ბარნიმიშ' დო ტერტოშ გაბარეფს. ნოღაშ ისტორიულ ცენტრი დვინანდჷ წყარმაალ შპრეეშ ოპიჯეეფს, ნამუსუთ ნოღაშ ბჟადაალშე (შპანდაუ) აკათუ წყარმაალ ჰაველ. ბერლინიშ ბჟადაალ აკანეფი რაინიკენდორფ დო პანკო დვინანა ბარნიმიშ, არლოტენბურგ-ვილმერსდორფი, შტეგლიც-ცელენდორფი, ტემპელჰოფ-შიონებერგი და ნოიკიოლნი - ტელტოშ გაბარეფს.

ბერლინიშ არძაშე უმაღალაშ პუნქტეფი რენა: ტოიფელსბერგ (115 მ. ზოღაშ დონეშე) შარლოტენბურგ-ვილმერსდორფის დო მიუგელბერგე (115 მ.) ტრეპტო-კიოპენიკის.

ადმინისტრაციულ გორთუალა

1998 წანაშ 10 ივანობაშ კანონით ბერლინიშ 23 რაიონქ 12-შა იუ დოჸონაფილქ:

• შარლოტენბურგ-ვილმერსდორფი
• ფრიდრიხსჰაინ-კროიცბერგი
• ლიხტენბერგი
• მარცან-ჰელერსდორფი
• ცენტრი
• ნოიკიოლნი
• პანკო
• რაინიკენდორფ
• შპანდაუ
• შტეგლიც-ცელენდორფი
• ტემპელჰოფ-შიონებერგი
• ტრეპტო-კიოპენიკი

კლიმატი

ბერლინი ზომიერ კლიმატურ ორტყაფუს იდვინუაფუ. ოშქარ წანომოწანური ტემპერატურა რე- - +9,4° ცელსიუსით, ოშქარ წანომოწანურ ნოლექი- 578 მილიმეტრი. არძაშე უტიბაში თუთეფ რე ივანობა, კვირკვე დო არგუსო-+17,4° - +18,7° ოშქარ ტემპერატურათ. არძაშე რგილი თუთეფი რე ქირსეთუთა, იანარი დო ფრევალი--0,2° - +1,4° ოშქარ ტემპერატურათ.

მახორობა

ბერლინს ოხორანს 3.392.026 ადამიერი (2005 წანაშ 5 მარაშინათუთაშ მუნაჩემეფით), 891,75 კმ²-ს. ბერლინიშ მახორობაშ 60% ათეისტი რე, 23% - პროტესტანტი, 9% - კათოლიკე დო 6% - მუსულმანი.