ვიკიპედია:ხემანჯღვერეფიშ გიშაგორუეფი

თაქ იმანჯებუ მახვარებუეფიშ ადმინისტრატორო გიშაგორუეფი დო თიწკჷმა მერსხილი სხუნუეფი

---

ვიკიჯარალუა ადმინისტრატორიშ სტატუსის მითმეჩანს ნდებათ მოკვანწილ რედაქტორეფს, ნამუეფსჷთ უჩქუნა ვიკიპედიაშ კანონეფი. ნომინანტეფს ვიკიპედიას გვარიანი ისტორია უღუდან ოკო, თიშ გეშა, ნამჷ-და მახვარებუეფს შეულებჷდან გეგნაჯინან თინეფიშ მუშობურობეფსჷნ. ადმინისტრატორეფი ეთიკაშ მაღალ სტანდარტის ოკო უგამუდან, თიშ გეშა, ნამჷ-და თინეფი ეწირინუაფჷნა მუჭოთ ვიკიპედიაშ „ოფიციალური სახე“. ადმინისტრატორეფი ოკო რდანი მორდილეფი, მაჭყოლოფე დო შხვეფწკჷმა ურთიართობაშ ბორჯის დუდიშ დჷმაკინე. ადმინისტრატორალა გეძნელი გამამინჯალა რე, თიშ გეშა, ნამჷ-და თინეფშო რე თაშნეშე ზოხო კანონეფი. ადმინისტრატორიშ რჯება უთირუ ვა რე დო რე ზოხო პროცესი, ნამუთ ადმინისტრაციული ნებეფიშ ულამოსე გჷმორონაფაშ შვანს კონფლიქტეფს სხუნუნს.

გინოჭყვიდირიშ მეღება

---

მიდგა რეგისტრირაფილ მახვარებუს, ნამუთ გეთმეჯერდჷ გიმე ეშანილ მოთხირეფს, შეულებჷ წჷმარინუას ვიკიპედიას უკვე რეგისტრირაფილი მახვარებუშ კანდიდატურა. დორხველი კანდიდატურაშ წჷმორინაფათ ვაშილებე. ნომინაცია შკვითი დღაშ გოძვენას სქიდჷ აქტიური თე ხასჷლას, ნამუშ გოძვენასჷთ დოინტერესაფილი მახვარებუეფი დორხველ მოარზებეფს ჭარჷნან, შეკითხებჷნა კანდიდატეფს დო თიჯგ. პერიოდიშ ბოლოს ბიუროკრატი, ნამუსჷთ ადმინისტრატორიშ გოაქტიურაფა ოხუნ, გჷთმოსხუნუნს დისკუსიას, დერწუმას, ნამჷ-და რე ოართე კონსენსუსი წჷმორინაფილი კანდიდატურაშ გეშა.

მახვარებუეფიშ მუდანობა, ნამუეფით მოხუჯე რენა, მოვარიე რენა ვარ-და დუდს იკინანა, შანულამი ფაქტორი რე ზოგადი კონსენსუსიშ დადგინალო, მარა კანდიდატის წჷმოძინაშო მახვარებუეფიშ მინიმუმ 75%-იშ ხუჯიშ დაკინებას ოხვილჷ. გიშაგორუეფიშ პერიოდის აკოტაგადელი მოარზებეფქ დო არგუმენტეფქ შილებე მაკთურეფს კანდიდატიშ გეშა არზი დათირაფუასჷნ. ბიუროკრატის თაშნეშ გეძნელი ნება უღუ გეგნოჭყვიდას, დო მუჭოთ რე მიოღებელი თე დო თი კანდიდატი ადმინისტრატორო.

გიშაკერძაფილ შვანეფს ბიუროკრატეფქ შილებე გახანგჷნძან გიშაგორუეფიშ პერიოდი დო თეთ კონსენსუსი უმოსი სინთიერო გეგშეკვათასჷნ. დო კანდიდატის მაართა გიშაგორუეფს ვეგშართჷ-და, ქორთხინთ მიცადათ გორკვიაფილი პერიოდი (კორინელი რე სუმი თუთა), სოიშახ ხემაჟირაშა წჷმარინუანდათ თქვან კანდიდატურასჷნ.

მუჭო შილებე ადმინისტრატორო გინიბრთენ?

---

• კანდიდატი დორეგისტრირაფილი რდას ოკო არძაში უკულაში 1 წანაშ კინოხ.
• კანდიდატის უღუდას ოკო მინიმუმ 3500 რედაქტირაფა.
• კანდიდატიშ წჷმორინაფა შეულებუ მიდგა მახვარებუს, ნამუსჷთ ხონარიშ მეჩამაშ ნება უღუნ. რდას ოკო კანდიდატიშ ალება.

კალიშრღვაფას მაკათურეფიშ ნებეფი

---

• კალიშრღვაფაშა კათაფა შეულებჷნა მახვარებუეფს, ნამუეფქჷთ არძაში უკულაში 3 თუთაშ კინოხ დერეგისტრირესჷნ (ვირტუალეფიშ დუდშე აღებელო). თინა აქტიური რდას ოკო კანდიდატიშ წჷმორინაფაშახ (კინე ვირტუალეფშე დუდიშ აღებელო).
• კალიშრღვაფაშ ბორჯის მახვარებუს შეულებუ მუშ არზი გჷმოხანტას (მახუჯე)-თი, (ნეიტრალური)-თ, ვარ-და (მოვარიე)-თ. კორინელი რე თეშ ბაძაძჷთ ქემუჭარასჷნ. ხონარეფიშ კოროცხუაშ ბორჯის (ნეიტრალური) ვემიაკოროცხუ.
• დორხველი დუდიშ მენაჩემუ ხონარეფი ვემიკოროცხჷ.
• მახვარებუს ხვალე ართი ჯოხოთ შეულებუ ხონარი მეჩასჷნ. თე „Checkuser“-ქ (დიოდღარო მარგალურ ვიკიპედიას ვაპჸუნა) გინაჯინას ოკო.
• ვაშილებე აგრესიაშ დო რცქინაფაშ გჷმორინაფა.
• კალიშრღვაფაშ ბორჯის „დუდიშ მოკინება“ ვა რე ჭკვერული.

ინსტრუქცია

• კანდიდატურაშ წჷმორინაფაშ უკული გიმენი სექციას „მიმალი გიშაგორუეფი“ ქენახუნეთ კოდი {{ვიკიპედია:ადმინისტრატორეფიშ გიშაგორუეფი/კანდიდატი}} (კანდიდატი მანგიორო კანდიდატიშ ჯოხო).

გჷმირინეთ ქიმენი ოსინთე, კანდიდატი მანგიორო ქენაჭარით კანდიდატიშ ჯოხო:

არქივი

• ქოძირით არქივიშ ხასჷლა.