ბიძინა ივანიშვილი: გინორთი გინოჯინეფს შქას

ვიკიპედიაშე
დინორექ დილასჷ დინორექ ქეგიაძონუ
ჭ.რ. r2.7.3) (ბოტის დამატება: da:Bidzina Ivanisjvili
ჭ.რ. r2.7.3) (ბოტის დამატება: es:Bidzina Ivanishvili
ღოზი 79: ღოზი 79:
[[de:Bidsina Iwanischwili]]
[[de:Bidsina Iwanischwili]]
[[en:Bidzina Ivanishvili]]
[[en:Bidzina Ivanishvili]]
[[es:Bidzina Ivanishvili]]
[[et:Bidzina Ivanišvili]]
[[et:Bidzina Ivanišvili]]
[[fa:بیدزینا ایوانیشویلی]]
[[fa:بیدزینا ایوانیشویلی]]

16:31, 1 გერგობათუთა 2012-იშ ვერსია

ბიძინა ივანიშვილი
ბიოგრაფიული ჩინებეფი
დაბადებაშ თარიღი

18 ფურთუთა, 1956

დაბადებაშ აბანი

ჭორვილა, საჩხერეშ რაიონი

საქვარუა:

პოლიტიკოსი, ბიზნესმენი, მეცენატი

ერუანობა

ქორთუ

რელიგია

მართლმადიდებელი

ალმასქუ

ეკატერინე ხვედელიძე

სქუალეფი

უტა
ბერა
გვანცა
ცოტნე[1]

პიჯი Facebook-ის
ოფიციალური ვებ-ხასჷლა

ბიძინა (ბორის) ივანიშვილი (დ. 1956 წანა, ჭორვილა, საჩხერეშ რაიონი, საქორთუოშ სსრ) – რუსეთიშ დო საქორთუოშ მოღალე ქორთუ [2] ბიზნესმენი და მეცენატი. 2000 წანაშე სან-მარინოშ საპატიო კონსული საქორთუოს[3], ეკონომიკაშ მენცარობაში დოქტორი[4].

ბიოგრაფია

ბიძინა ივანიშვილქ დებადჷ ოფუტე ჭორვილას (საჩხერეშ მუნიციპალიტეტის), მუმა რდჷ ჭიათურაშ მანგანუმიშ კომბინატიშ მაღაროალი.

სკოლაშ თებაში უკული აბარჷ ქართიშ სახენწჷფო უნივერსიტეტის ოინჟინერე-ეკონომიკური ფაკულტეტის. გურაფაშ თებაში უკული მუშენდჷ ჩარხეფიშ მაკიდალი ქარხანას მუშათ, უნჩაში ინჟინერო, ლაბორატორიაში უნჩაშო. 1982 წანას დეცვუ საკანდიდატო დისერტაცია თემაშე: „მენცერული ორგანიზაცია დო ხანდაშ ეკონომიკა“.

მოგვიანაფილო ივანიშვილქ მიწიჭყჷ მუში ბიზნესი:დიო აწარმონენდჷ არმირებული მილეფს, უკული კომპიუტერეფით ვაჭრენდჷ. თიშ მაართა დუმაკვათალი რდჷ საქორთუოშ მენცერობაშ აკადემია. თე დოკვათუაში უკული ივანიშვილს ქაშუ სოლიდური თანხაქ, მუდგათ პროკურატურაქ დეინტერესჷ დო ანგარიშეფი ბანკის დუყადაღჷ.

1988 წანას ივანიშვილქ ქიდიტუ საქორთუო დო გაგინძორჷ საქვარუა მოსკოვს, სოდგა ახალი პარტნიორეფწკუმა ართო გაგინძორჷ კომპიუტერეფით ვაჭრუა. მუსხირენი ხანიშ უკული კომპიუტერეფწკუმა ართო დიჭყეს მანგიშ გინმაღალარი აპარატეფი დო ტელეფონეფით ვაჭრუა. თეშ უკული პარტნიორეფქ ქიჸიდეს ელექტრონიკაშ მაწარმონებელი ქარხანა ჰონგ-კონგის. 1990 წანაშო ივანიშვილი რდჷ ელექტრო-ტექნიკაშ გუმოჩამაშ ართი-ართი ლიდერი რუსეთის. შაყარელი კაპიტალით ივანიშვილქ დო თიშ პატრნიორეფქ გონწყეს ბანკი „როსკრედიტი“. ბანკი წჷმოძინელი რდჷ დო ფართო რშვილი უღუდჷ 1998 წანეფშახ, მუჟამსჷთ თიქ დახე გიღილონტჷ.[ოხვილუ წყუშ მეწურაფას]

აქტივეფი, ოჩეჟქიმინჯალე და შხვა საქვარუეფი

ივანიშვილიშ ედომუშამი ვარა ნორთულ დორხველობას რე: უქანცაფუ ღმალაშ ჰოლდინგური კომპანია "მეტალოინვესტი", ოაფთიაქე რშვილი "ექიმი სტოლეტოვი", "რუსული კრედიტი", "იმპექსიბანკი", "ინტერფინდ ტრეიდი", "სტოილენსკიშ ნივა", "ტიაჟმეხპრესი", "რტი-კაუჩუკი", რადიოტექნიკური ნაწარმიშ ურალიშ ქარხანა, "ერკაფარმა", სადაზღიო კომპანია "რკ-გარანტი", სასუმაროეფი "მინსკი" დო "ცენტრალური" ოტრანსპორტე კომპანია "ნაგურაშურიშ გინოღალაშ ცენტრი"; საქქორთუოს: ოჭკომალი პროდუქტეფიშ კომპანია "თოლია", ბანკი "ქართუ".

ივანიშვილიშ ჯოხოს ორცხუ ოთხილამურე კომპლექსიშ "ბაკურიანი-2"-იშ კიდუა, მარჯანიშვილიშ დო რუსთაველიშ თეატრეფიშ რეკონსტრუქცია, ტელეკომპანია „მა-9 არხი“, ართოიანი ნაციონალური ყარაფიშ დაფინანსება 2002-2003 წანეფს [ოხვილუ წყუშ მეწურაფას] დო ა.უ.

პოლიტიკური მოღალობა

2011 წანაშ 5 გჷმათუთას „ქართუ ჯგუფიქ“ გასიმუ განცხადება, სოდეთ მოშინაფილი რე, ნამდა ივანიშვილს დორხველი პოლიტიკური პარტიაშ დორცხუაფა დო 2012 წანაშ ოპარლამენტე სხუნუეფს მიშაკათაფი ულამუ.[5] 2 დღაშ უკული, 7 გჷმათუთას, ივანიშვილქ ფირჩა განცხადება გასიმუ.[6]

12 გჷმათუთას ბიძინა ივანიშვილქ ხოლო ართი განცხადება გასიმუ, ნამუშ მეშქაშალათ მითმიოწურუანდჷ ხეშუულობას, პოლიტიკოსეფს, პოლიტიკურ პარტიეფს, მასმედიაშ გამა-კათას დო საქორთუოშ არძო მენოღალეს.[7]

ფანია

ჸუნს ჩილი დო ოთხი სქუა:[8] უტა, ბერა, გვანცა, ცოტნე.

ლიტერატურა

  • ჟურნალი ბიზნესი და კანონდვალა №1. ღურთუთა 2008 წ.

რესურსეფი ინტერნეტის

სქოლიო

  1. პარტიაშ დორსხუაფას ივანიშვილი სქუას ელერინუანს
  2. The Richest Georgians of the World
  3. ნიკოლოზ ვაშაკიძე: "სან-მარინოშ საპატიო კონსულიშ მოვალეობეფიშ შერსულება ბორჯის ბიძინა ივანიშვილს მუთუნ სერიოზული აქტივობა ვა უღუდუ" // Information Agency 'PirWeli'
  4. ბიძინა ივანიშვილი 2010 წანაშ Forbes რეიტინგის.
  5. ბიძინა ივანიშვილი პოლიტიკაშა მეურს. „რუსთავი 2“ (ვიდეო).
  6. ბიძინა ივანიშვილიშ განცხადება. „ინტერპრესნიუსი“. 06-10-2011
  7. ბიძინა ივანიშვილიშ მეწურაფა ხეშუულობას, პოლიტიკოსეფს დო პოლიტიკურ პარტიეფს, მასმედიაშ გამა-კათას, საქორთუოშ არძა მენოღალეს
  8. ფორბსიშ რუსული გიშაშქუმალა