სტოუნუოლ ჯექსონი
| სტოუნუოლ ჯექსონი | |
| ინგლ. Stonewall Jackson | |
 სტოუნუოლ ჯექსონი 1863 წანას | |
| მოღალობა |
ოურდუმე მოღალე |
|---|---|
|
ბიოგრაფიული ჩინებეფი
| |
| დაბადებაშ თარიღი | |
| დაბადებაშ აბანი | |
| ღურაშ თარიღი | |
| ღურაშ აბანი | |
| ნთხორუაშ აბანი | |
| მენოღალობა | |
| ალმასქუ | |
| სქუალეფი |
2 |
.svg){kind=small}
.svg){kind=small}
ტომას ჯონათან "სტოუნუოლ" ჯექსონი (ინგლ. Thomas Jonathan "Stonewall" Jackson; დ. 21 ღურთუთა, 1824 — ღ. 10 მესი, 1863) — ამერიკაშ კონფედერაციული შტატეფიშ ოურდუმე მოღალე, გენერალი. დუდი გიმირჩქინჷ ამერიკაშ ომენოღალე ლჷმაშ მიმალობას, მუჭოთ ნიჭიერი მანჯღვერთარქ. ჯექსონი მერჩქინელი რე ართ-ართი უდიდაში ტაქტიკოსო ააშ-იშ ისტორიას.
დებადჷ ვირჯინიას. გურაფულენდჷ ააშ-იშ ოურდუმე აკადემიას, ნამუთ 1864 წანას გათუ. უკულ ქაკათჷ ამერიკაშ აკოანჯარაფილი ნძალეფს დო მონაწილენდჷ ამერიკა-მექსიკაშ ლჷმას. 1851-1861 წანეფს ჯექსონი ლექციეფს კითხულენდჷ ვირჯინიაშ ოურდუმე ინსტიტუტის.
ფორტ-სამტერიშ ლჷმაშ უკულ, 1861 წანაშ პირელს, ვირჯინიაშ შტატიქ ააშ-იშ აკოდგინალუაშე გიშელჷ. ჯექსონქ ახალდუნარსხუა ამერიკაშ კონფედერაციული შტატეფიშ არმიას ქაკათჷ. ბულ-რანიშ მაართა ბურჯაფის, 1861 წანაშ 21 კვირკვეს, ჯექსონი ხემანჯღვერენდჷ ბრიგადას, ნამუქჷთ წჷმოძინელი დოთხილუ კონფედერატეფიშ პოზიციეფი. ჸათე შანულამი გომორძგუაშ გეშათ, კონფედერატეფიშ გენერალქ ბერნარდ ბიქ, ჯექსონს გიოდჷ "Stonewall", ნამუთ "ქუაშ კიდა"-ს შანენს. გეჸვენჯი ჟირი წანაშ გოძვენას, ჯექსონქ ხოლო ბრელშა გიმირჩქინჷ დუდი. 1863 წანაშ 2 მესის, ჯექსონქ დიჭკირჷ დო კვარჩხანი კილე მიოდინუ. ბრუო დღაშ უკულ სტოუნუოლ ჯექსონქ პნევმონიათ დოღურჷ. თიში ღურაქ კაბეტი ნეგატიური გოლინა იღვენუ კონფედერატეფიშ არმიაშო.