სულთან ჰუსეინი
| სულთან ჰუსეინი سلطان حسین | ||
 | ||
 ირანიშ შაჰი | ||
|---|---|---|
| პოსტის გერინაშ ბორჯი | ||
| 6 მარაშინათუთა, 1694 – 21 გჷმათუთა, 1722 | ||
| წიმოხონი | სულეიმან I | |
| მონძე | თამაზ II (ყაზვინი) მაჰმუდ ჰოტაკი (ისპაანი) | |
| დუნაბადი | 1668 ისპაანი | |
| ნაღურა | 9 ეკენია, 1727 (59 წანერი) ისპაანი | |
| ნთხორუ აბანი | ფატიმა ალ-მაასუმაშ მავზოლეუმი, ყუმი | |
| მუმა | სულეიმან I | |
| ნანა | უჩინებუ ჩერქეზი ოსური | |
| სქუალეფი | თამაზ II, რაზია-ბეგუმი დო შხვეფი | |
| რელიგია | ისლამი | |
სულთან ჰუსეინი (სპარს. سلطان حسین, დ. 1668 — ღ. 9 ეკენია, 1727) — ირანიშ შაჰი 1694-1722 წანეფს, სეფიანეფიშ დინასტიაშ წჷმმარინაფალი.
დებადჷ დო მირდუ ჰარამხანას. ხვისტაშა ეშართჷ 1694 წანას, მუმაშ, სულეიმან I-შ ღურაშ უკულ. სულთან ჰუსეინი ვარდჷ ნძალიერი მამართალი. ჸათეშ გეშათ, ბორჯის გოძვენას სახენწჷფოქ ჭიეჭიეთ დედაღარჷ. მეზობელი ქიანეფქ, რუსეთიქ დო ოსმალეთიქ სიტუაციათ ქისარგებლეს დო ირანს მიდუღეს სასანძღო ტერიტორიეფი. მარა არძაშე უმოსი სერიოზული საფრთხეს წჷმარინუანდეს ავღანარეფი, ნამუეფქჷთ ეარყეს მირვაის ჰოტაკიშ მანჯღვერალათ. თიში სქუაქ დო მონძექ მაჰმუდ ჰოტაკიქ, ხოლო უმოსო გენძალიერჷ, ირანიშ ტერიტორიაშა გემშეჭკირჷ დო 1722 წანას, მუში აკოანჯარაფილი ნძალეფით, ნანანოღა ისპაანი ქართას ქინახუნუ. 21 გჷმათუთას სულთან ჰუსეინქ კაპიტულაცია გეგმაცხადჷ დო რეგალიეფი მაჰმუდ ჰოტაკის გეგნოჩჷ. მაჰმუდიქ სულთან ჰუსეინი ოჭოფუ დო ჯიხას ქუდახუნუ. გერგობათუთას, ყაზვინს, თიში მასუმა ქომოლსქუაქ დუდი შაჰო გეგმაცხადჷ თამაზ II-შ ჯოხოდვალათ.
1727 წანაშ 9 ეკენიას, სულთან ჰუსეინის დუდი მეკვათეს მაჰმუდ ჰოტაკიშ გეჸვენჯი მამართალიშ აშრაფიშ ზოჯალათ.